Kangana Ranaut: ಬಾಲಿವುಡ್ ಕ್ವೀನ್ ಬಾಲ್ಯದಲ್ಲೂ ಸಖತ್ ಕ್ಯೂಟ್! ಯಾರೀ ಚೆಲುವೆ ಗೊತ್ತಾಯ್ತಾ?

ಹಿಂದಿ ಚಿತ್ರರಂಗದ ಜನಪ್ರಿಯ ನಟಿ ಕಂಗನಾ ರಣಾವತ್ ಬಾಲ್ಯದಲ್ಲಿ ತುಂಬಾ ಮುದ್ದಾಗಿ ಕಾಣುತ್ತಿದ್ದರು. ಇದಕ್ಕೆ ಸಾಕ್ಷಿ ಕಂಗನಾ ರಣಾವತ್ ಅವರ ಬಾಲ್ಯದ ಫೋಟೋಗಳು ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿವೆ.

ಬಾಲಿವುಡ್ನಲ್ಲಿ ತನ್ನದೇ ಸ್ಟೈಲ್ನಿಂದ ಕಂಗನಾ ಫುಲ್ ಫೇಮಸ್ ಆಗಿದ್ದಾರೆ. ಕಂಗನಾ ರಣಾವತ್ ತಮ್ಮ ಅಧಿಕೃತ ಟ್ವಿಟರ್ ಹ್ಯಾಂಡಲ್ನಲ್ಲಿ ಹಿಂದೆಂದೂ ನೋಡಿರದ ಬಾಲ್ಯದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಕಂಗನಾ ಬಾಲ್ಯದ ಫೋಟೋ ನೋಡಿದ ಅಭಿಮಾನಿಗಳು ಬಾಲಿವುಡ್ ಕ್ವೀನ್, ಸಖತ್ ಕ್ಯೂಟ್ ಎನ್ನುತ್ತಿದ್ದಾರೆ.

ಈ ಬಾಲ್ಯದ ಫೋಟೋಗಳಲ್ಲಿ ಕಂಗನಾ ರಣಾವತ್ ಮುಖದಲ್ಲಿ ಮುಗ್ಧತೆ ಎದ್ದು ಕಾಣುತ್ತಿದೆ. ಪುಟ್ಟ ನಟಿ ಮಣಿಯ ಫೋಟೋಗಳಿಗೆ ಅಭಿಮಾನಿಗಳಿಂದ ಲೈಕ್​ಗಳು ಮತ್ತು ಕಾಮೆಂಟ್​ಗಳ ಸುರಿ ಮಳೆಯಾಗ್ತಿದೆ.

ಕಂಗನಾ ರಣಾವತ್ ಅವರ ಮುಂದಿನ ಚಿತ್ರ, ಎಮರ್ಜೆನ್ಸಿ ಆಕೆ ದಿವಂಗತ ಪ್ರಧಾನಿ ಇಂದಿರಾ ಗಾಂಧಿ ಅವರ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವನ್ನು ಅವರೇ ನಿರ್ದೇಶಿಸಿ ನಿರ್ಮಾಣ ಮಾಡುತ್ತಿದ್ದಾರೆ.

ಈ ಸಿನಿಮಾಗಾಗಿ ತನ್ನ ಮನೆಯನ್ನು ಅಡಮಾನ ಇಡಬೇಕಾಯಿತು ಎಂದು ಹೇಳಿದ್ದರು. ಎಮರ್ಜೆನ್ಸಿ ಚಿತ್ರದ ಚಿತ್ರೀಕರಣ ಯಶಸ್ವಿಯಾಗಿ ಪೂರ್ಣಗೊಂಡಿದೆ. 20 ಅಕ್ಟೋಬರ್ 2023 ರಂದು ಚಿತ್ರಮಂದಿರಗಳಲ್ಲಿ ನಿಮ್ಮನ್ನು ಕಾಣುತ್ತೇನೆ ಎಂದಿದ್ದಾರೆ.

ನಟಿ ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ತನ್ನ ತಾಯಿಯ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ತನ್ನ ತಾಯಿಯನ್ನು ತನ್ನ ರೋಲ್ ಮಾಡೆಲ್ ಎಂದು ಕಂಗನಾ ಕರೆದಿದ್ದಾರೆ. ಮಗಳು ಸ್ಟಾರ್ ನಟಿಯಾದ್ರೂ ತಾಯಿ ಆಶಾ ಹಳ್ಳಿಯಲ್ಲೇ ತಮ್ಮ ಜೀವನ ಸಾಗಿಸುತ್ತಿದ್ದಾರೆ.

ತನ್ನ ತಾಯಿಯ ಫೋಟೋ ಹಂಚಿಕೊಂಡ ನಟಿ ಕಂಗನಾ, ನನ್ನ ಅಮ್ಮ ದಿನಕ್ಕೆ 8 ಗಂಟೆ ಹೊಲಗಳಲ್ಲಿ ಕೆಲಸ ಮಾಡುತ್ತಾರೆ ಎಂದು ಕಂಗನಾ ಹೇಳಿದ್ದಾರೆ. ತನ್ನ ತಾಯಿ ಒಂದು ಕಾಲದಲ್ಲಿ ಸಂಸ್ಕೃತ ಶಿಕ್ಷಕಿಯಾಗಿದ್ರು ಎಂದೂ ಕಂಗನಾ ಹೇಳಿದ್ದಾರೆ.

ಇನ್ನು ನನ್ನ ತಾಯಿ ಹಳ್ಳಿಯಲ್ಲೇ ಇದ್ದಾರೆ. ಆಕೆ ಎಂದಿಗೂ ಹೊರಗೆ ತಿನ್ನಲು ಇಷ್ಟಪಡುವುದಿಲ್ಲ. ಮನೆಯಲ್ಲಿ ಮಾಡುವ ಆಡುಗೆಯೇ ಆಕೆಗೆ ಇಷ್ಟ, ಅದನ್ನೇ ತಿಂದು ಸಂತೋಷವಾಗಿರುತ್ತಾಳೆ. ಜೊತೆಗೆ ಆಕೆಗೆ ಮುಂಬೈನಲ್ಲಿ ವಾಸಿಸಲು ಇಷ್ಟವಿಲ್ಲ. ವಿದೇಶಕ್ಕೆ ಹೋಗುವಂತ ವಿಚಾರವಂತೂ ಮೊದಲೇ ಇಷ್ಟವಾಗೋದಿಲ್ಲ ಎಂದು ಕಂಗನಾ ಬರೆದುಕೊಂಡಿದ್ದಾರೆ.