Kangana Ranaut: ಮಧ್ಯರಾತ್ರಿ ಹೀರೋ ಕೋಣೆಗೆ ಕರೆಯುತ್ತಿದ್ದರು! ಬಿಕಾರಿ ಫಿಲ್ಮ್ ಮಾಫಿಯಾ ಎಂದ ಕಂಗನಾ

ಬಾಲಿವುಡ್ ನಟಿ ಕಂಗನಾ ನೇರ ನುಡಿ, ಟೀಕೆಗಳಿಂದಲೇ ಹೆಚ್ಚು ಸುದ್ದಿಯಲ್ಲಿರುತ್ತಾರೆ. ಟ್ವಿಟರ್​ನಿಂದ ಬ್ಯಾನ್ ಆಗಿದ್ದ ನಟಿ ಈಗ ಮತ್ತೆ ಟ್ವೀಟ್ ಮಾಡುತ್ತಾ ಆ್ಯಕ್ಟಿವ್ ಆಗಿದ್ದಾರೆ. ಅವರ ಇತ್ತೀಚಿನ ಟ್ವಿಟ್ ವೈರಲ್ ಆಗಿದೆ.

ನಟಿ ಇತ್ತೀಚೆಗೆ ತಾಯಿ ಫಾರ್ಮ್​ನಲ್ಲಿ ಕೆಲಸ ಮಾಡುವ ಫೋಟೋ ಶೇರ್ ಮಾಡಿದ್ದರು. ಅದರ ಬೆನ್ನಲ್ಲೇ ಇದೀಗ ನಟಿ ಬಾಲಿವುಡ್​ನ ಸತ್ಯವೊಂದನ್ನು ರಿವೀಲ್ ಮಾಡಿದ್ದಾರೆ.

ನನ್ನ ತಾಯಿ ನನ್ನಿಂದಾಗಿ ಶ್ರೀಮಂತೆಯಾಗಿಲ್ಲ. ನಾನು ರಾಜಕಾರಣಿಗಳು, ಉದ್ಯಮಿಗಳು, ಸರ್ಕಾರಿ ಅಧಿಕಾರಿಗಳಿದ್ದ ಫ್ಯಾಮಿಲಿಯಿಂದ ಬಂದಿದ್ದೇನೆ. ನನ್ನ ತಾಯಿ 25 ವರ್ಷಕ್ಕೂ ಹೆಚ್ಚು ಕಾಲ ಸಂಸ್ಕೃತ ಟೀಚರ್ ಆಗಿದ್ದರು. ನನ್ನ ಈ ಸ್ವಭಾವ ಎಲ್ಲಿಂದ ಬಂತು ಎನ್ನುವುದನ್ನು ಫಿಲ್ಮ್ ಮಾಫಿಯಾ ಅರ್ಥ ಮಾಡಿಕೊಳ್ಳಬೇಕು ಎಂದಿದ್ದಾರೆ.

ನಾನು ಯಾಕೆ ಇತರರಂತೆ ಚೀಪ್ ಕೆಲಸ ಮಾಡಲು ಸಾಧ್ಯವಿಲ್ಲ, ಮದುವೆಯಲ್ಲಿ ಡ್ಯಾನ್ಸ್ ಮಾಡಲ್ಲ ಎನ್ನುವುದನ್ನು ತಿಳಿಯಬೇಕು ಎಂದು ಹೇಳಿ ತಮ್ಮ ಸರಳತೆ ಬಗ್ಗೆ ತಿಳಿಸಿದ್ದಾರೆ.

ಇನ್​ಸ್ಟಾಗ್ರಾಮ್ ಸ್ಟೋರಿ ಹಾಕಿದ ನಟಿ ಬಿಕಾರಿ ಮೂವಿ ಮಾಫಿಯಾ. ಮದುವೆಗಳಲ್ಲಿ ಡ್ಯಾನ್ಸ್ ಮಾಡುವುದು, ಸ್ವಲ್ಪ ಹೆಚ್ಚು ಹಣಕ್ಕಾಗಿ ಐಟಂ ಸಾಂಗ್ ಮಾಡುವವರು ಎಂದು ಒಂದು ಒಳ್ಳೆಯ ಕ್ಯಾರೆಕ್ಟರ್ ಹಣಕ್ಕೂ ಮೀರಿದ್ದು ಎಂದು ಅರ್ಥ ಮಾಡಿಕೊಳ್ಳಲಾರರು ಎಂದಿದ್ದಾರೆ.

ಹಾಗಾಗಿ ನಾನು ಅವರನ್ನು ಗೌರವಿಸಿಲ್ಲ. ನಾನು ಎಂದಿಗೂ ಅವರನ್ನು ಗೌರವಿಸುವುದಿಲ್ಲ ಎಂದು ನಟಿ ಇನ್​ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಬರೆದಿದ್ದಾರೆ.

ಎರಡು ರೊಟ್ಟಿ ಹಾಗೂ ಉಪ್ಪು ತಿಂದಾದರೂ ಬದುಕು, ಆದರೆ ಯಾರ ಮುಂದೆಯೂ ಭಿಕ್ಷೆ ಕೇಳಬೇಡ ಎಂದು ನನ್ನ ತಾಯಿ ಹೇಳಿಕೊಟ್ಟ ಗುಣವನ್ನು ಫಿಲ್ಮ್ ಮಾಫಿಯಾ ಆ್ಯಟಿಟ್ಯೂಡ್, ಅಹಂಕಾರ ಎಂದೇ ಕರೆದಿದೆ ಎಂದಿದ್ದಾರೆ.

ನನ್ನ ಮೌಲ್ಯ ಹಾಗೂ ಧರ್ಮಕ್ಕೆ ವಿರುದ್ಧವಾಗಿರುವ ಯಾವುದೇ ವಿಚಾರವಾದರೂ ಸರಿ, ಅದಕ್ಕೆ ನೇರವಾಗಿ ನೋ ಎಂದು ಹೇಳಲು ಕಲಿಸಿದ್ದಾರೆ ಎಂದಿದ್ದಾರೆ.

ಇದು ಅಹಂಕಾರವಾ? ಸಮಗ್ರತೆಯಾ? ನೀವೇ ಹೇಳಿ. ಅವರು ನನಗೆ ಬೇರೆ ಬೇರೆ ಹೆಸರಿಟ್ಟರು. ಬೇರೆ ನಟಿಯರಂತೆ ನಾನು ಕಿಸಿಯಲಿಲ್ಲ, ಗಾಸಿಪ್ ಮಾಡಲಿಲ್ಲ, ಮದುವೆಗಳಲ್ಲಿ ಡ್ಯಾನ್ಸ್ ಮಾಡಲಿಲ್ಲ ಎಂದಿದ್ದಾರೆ.

ಹೀರೋಗಳ ರೂಮ್​ಗೆ ಹೋಗಲಿಲ್ಲ. ಈ ಕಾರಣಕ್ಕಾಗಿ ಒಬ್ಬರನ್ನು ಟಾರ್ಗೆಟ್ ಮಾಡುವುದು, ಒಂಟಿಯಾಗಿ ಮಾಡುವುದು, ದೌರ್ಜನ್ಯ ಮಾಡುವುದು ಸರಿಯೇ ಎಂದು ಪ್ರಶ್ನಿಸಿದ್ದಾರೆ.