ಟ್ವಿಟರ್​ನಲ್ಲಿ ಸಕ್ರಿಯವಾಗಿದ್ದಾಗ Kangana Ranaut ವಿರುದ್ಧ ದಿನಕ್ಕೆ 200 ಎಫ್​ಐಆರ್​​ ದಾಖಲಾಗುತ್ತಿದ್ದವಂತೆ..!

ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ದಿವಂಗತ ಜೆ.ಜಯಲಲಿತಾ ಅವರ ಜೀವನಾಧಾರಿತ ಸಿನಿಮಾ ತಲೈವಿ ಕಳೆದ ಶುಕ್ರವಾರ ತೆರೆಕಂಡು ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಜೊತೆಗೆ ಎಲ್ಲರಿಂದ ಉತ್ತಮ ಪ್ರತಿಕ್ರಿಯೆ ಸಹ ಪಡೆದುಕೊಳ್ಳುತ್ತಿದೆ.

ಸಿನಿಮಾದ ಜೊತೆಗೆ ಕಂಗನಾ ರನೌತ್ ಅವರ ಅಭಿನಯಕ್ಕೂ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಇನ್ನು ಈ ಸಿನಿಮಾದ ಪ್ರಚಾರ ಕೆಲಸದಲ್ಲಿ ತೊಡಗಿದ್ದ ಕಂಗನಾ ಅವರು ಕೆಲ ದಿನಗಳ ಹಿಂದೆ ಕಿರುತೆರೆಯ ರಿಯಾಲಿಟಿ ಕಾರ್ಯಕ್ರಮದಲ್ಲಿ ಕೆಲವು ವಿಷಯಗಳನ್ನು ಹಂಚಿಕೊಂಡಿದ್ದಾರೆ.

ಕಂಗನಾ ರನೌತೋ ಕಿರುತೆರೆಯ ಜನಪ್ರಿಯ ಕಾಮಿಡಿ ಶೋ ದ ಕಪಿಲ್ ಶರ್ಮಾ ಶೋನಲ್ಲಿ ತಮ್ಮ ಸಿನಿಮಾ ತಲೈವಿ ಪ್ರಮೋಷನ್​ಗಾಗಿ ಕಾಣಿಸಿಕೊಂಡಿದ್ದರು. ಈ ವೇಳೆ ನಿರೂಪಕ ಕಪಿಲ್ ಶರ್ಮಾ ಅವರು ಕೇಳಿದ ಕೆಲವು ಪ್ರಶ್ನೆಗಳಿಗೆ ಮಜವಾಗಿ ಉತ್ತರಿಸಿದ್ದಾರೆ.

ನಿರೂಪಕನ ಜೊತೆ ಮಾತನಾಡುತ್ತಾ ಕಂಗನಾ ಈ ಸಲ ಸಾಕಷ್ಟು ಪ್ರಶ್ನೆಗಳಿಗೆ ವಿವಾದಾತ್ಮಕ ಉತ್ತರಗಳನ್ನು ನೀಡುವವುರಿಂದ ತುಂಬಾ ನಯವಾಗಿ ನುಣುಚಿಕೊಂಡಿದ್ದಾರೆ. ಅಂತೆಯೇ ಸಾಮಾಜಿಕ ಜಾಲತಾಣದ ಕುರಿತಾಗಿಯೂ ಮಾತನಾಡಿದ್ದಾರೆ.

ಟ್ವಿಟರ್​ ಬ್ಯಾನ್​ ಕುರಿತಾಗಿ ಮಾತನಾಡಿದ ಕಂಗನಾ ರನೌತ್​, ತಾನು ಟ್ವಿಟರ್​ನಲ್ಲಿ ಸಕ್ರಿಯವಾಗಿರುವಾಗ ದಿನಕ್ಕೆ ತನ್ನ ವಿರುದ್ಧ 200 ಎಫ್​ಐಆರ್​ ದಾಖಲಾಗುತ್ತಿತ್ತು ಎಂದು ಹೇಳಿಕೊಂಡಿದ್ದಾರೆ. ಇದರ ಜೊತೆಗೆ ತಮಗೆ ಯಾವ ರೀತಿಯ ಹುಡುಗ ಬೇಕೆಂದೂ ಮನಚಿಚ್ಚಿ ಮಾತನಾಡಿದ್ದಾರೆ.

ತಾನು ಹೆಚ್ಚಾಗಿ ಮಾತನಾಡುವ ಸ್ವಭಾವದವಳಾಗಿದ್ದು, ಕಡಿಮೆ ಮಾತನಾಡುವ ಹುಡುಗ ತನಗಿಷ್ಟ ಎಂದಿರುವ ನಟಿ, ತಾನು ಜಿಮ್​ಗಿಂತ ಹೆಚ್ಚಾಗಿ ಯೋಗ ಮಾಡುವ ಹುಡಗ ಇಷ್ಟ ಎಂದಿದ್ದಾರೆ.

ಕಂಗನಾ ರನೌತ್​ ಅವರು ಕಾಂಟ್ರವರ್ಸಿಗಳ ಬಗ್ಗೆ ಕಪಿಲ್ ಅವರು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಕಂಗನಾ, ತುಂಬಾ ಹುಷಾರಾಗಿ ಮತ್ತೆ ವಿವಾದಕ್ಕೀಡಾಗದ ಹಾಗೆ ಉತ್ತರ ಕೊಟ್ಟಿದ್ದಾರೆ.