Kangana Ranaut Passport Renewal: ಪಾಸ್​ಪೋರ್ಟ್​ ನವೀಕರಣಕ್ಕಾಗಿ ಹೈ ಕೋರ್ಟ್​ ಮೆಟ್ಟಿಲೇರಿದ ಕಂಗನಾ..!

ಕಂಗನಾ ರನೋತ್​ ಆಗಾಗ ವಿವಾದಗಳಿಂದಲೇ ಸುದ್ದಿಯಲ್ಲಿರುತ್ತಾರೆ. ಈಗಲೂ ಸಹ ಪ್ರಕರಣವೊಂದಕ್ಕೆ ಸಂಬಂಧಿಸಿದಂತೆ ನಟಿ ಕಂಗನಾ ಬಾಂಬೆ ಹೈಕೋರ್ಟ್​ ಮೆಟ್ಟಿಲೇರಿದ್ದಾರೆ.

ಹೌದು ಕಂಗನಾ ರನೋತ್​ ಅವರ ಪಾಸ್​ಪೋರ್ಟ್​ ಅವಧಿ ಪೂರ್ಣಗೊಳ್ಳುತ್ತಿದ್ದು, ಅದನ್ನು ನವೀಕರಿಸಲು ಮುಂದಾಗಿದ್ದರು ಕ್ವೀನ್​. 

ಆದರೆ ಕಂಗನಾ ಅವರ ವಿರುದ್ಧ ಎಫ್​ಐಆರ್​ ದಾಖಾಲಗಿರುವುದರಿಂದ ಪಾಸ್​ಪೋರ್ಟ್​ ನವೀಕರಿಸಲು ಸಾರ್ಧಯವಿಲ್ಲ ಎಂದು ಪಾಸ್​ಪೋರ್ಟ್​ ಕಚೇರಿಯ ಅಧಿಕಾರಿಗಳು ತಿಳಿಸಿದ್ದಾರೆ.

ಈ ವಿಷಯಕ್ಕೆ ಸಂಬಂಧಿಸಿದಂತೆಯೇ ಈಗ ಕಂಗನಾ ಬಾಂಬೆಹೈ ಕೋರ್ಟ್​ ಮೆಟ್ಟಿಲೇರಿದ್ದಾರೆ.

ಇನ್ನು ಕಂಗನಾ ಅಭಿನಯದ ಧಾಕಡ್​ ಸಿನಿಮಾದ ಚಿತ್ರೀಕರಣ ವಿದೇಶದಲ್ಲಿ ನಡೆಯಲಿದೆ.

ಚಿತ್ರೀಕರಣಕ್ಕಾಗಿ ಕಂಗನಾ ಇನ್ನೇನು ಬುಡಾಪೆಸ್ಟ್​ಗೆ ತೆರೆಳಬೇಕಿದೆ. ಈ ಕಾರಣದಿಂದಲೇ ಕಂಗನಾ ಪಾಸ್​ಪೋರ್ಟ್​ ನವೀಕರಣಕ್ಕಾಗಿ ಅರ್ಜಿ ಸಲ್ಲಿಸಿದ್ದರು.

ಕಂಗನಾ ಸಲ್ಲಿಸಿರುವ ಅರ್ಜಿಯ ವಿಚಾರಣೆ ನಡೆಸಿದ ಬಾಂಬೆ ಹೈಕೋರ್ಟ್​ ಕಂಗನಾ ಸಲ್ಲಿಸಿರುವ ಅರ್ಜಿಯಲ್ಲಿ ಅಗತ್ಯವಾದ ಎಲ್ಲ ದಾಖಲೆಗಳನ್ನು ಸೇರಿಸಿಲ್ಲ ಎಂದಿದೆ. 

ಅಲ್ಲದೆ ಈ ಅರ್ಜಿಯ ವಿಚಾರಣೆಯನ್ನು ಜೂನ್​ 25ಕ್ಕೆ ಮುಂದೂಡಿದೆ.

ಪಾಸ್​ಪೋರ್ಟ್​ ನವೀಕರಣ ಮಾಡಲು ಹೈಕೋರ್ಟ್​ನಿಂದ ಎನ್​ಒಸಿ ತಂದರೆ ಸಾಧ್ಯ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ ಎಂದು ವಕೀಲರು ನ್ಯಾಯಪೀಠದ ಮುಂದೆ ತಮ್ಮ ವಾದ ಮಂಡಿಸಿದ್ದಾರೆ.

ಇದು ಕೇವಲ ಒಂದು ಸಿನಿಮಾ. ಇದರ  ಕೆಲಸಗಳಲ್ಲಿ ಬದಲಾವಣೆ ಮಾಡಬಹುದು. ಇನ್ನು ಕಂಗನಾ ನಿಜಕ್ಕೂ ಪಾಸ್​ಪೋರ್ಟ್​ ನವೀಕರಣಕ್ಕಾಗಿ ಪ್ರಯತ್ನಿಸುವಂತಿದ್ದರೆ, ಮೊದಲೇ ಎಲ್ಲ ತಯಾರಿ ನಡೆಸಿಕೊಂಢು ಕೋರ್ಟ್​ ಮೆಟ್ಟಿಲೇರುತ್ತಿದ್ದರು ಎಂದು ನ್ಯಾಯಾಲಯ ತಿಳಿಸಿದೆ.

ಕಂಗನಾ ಸಲ್ಲಿಸಿರುವ ಅರ್ಜಿಯಲ್ಲಿ ಪೂರಕ ಮಾಹಿತಿ ಹಾಗೂ ದಾಖಲೆಗಳು ಸರಿಯಾಗಿಲ್ಲ. ಅದಕ್ಕೆ ಸದ್ಯಕ್ಕೆ ಹತ್ತಿರದಲ್ಲಿ ಅಂದರೆ ಜೂನ್​ 25ಕ್ಕೆ ವಿಚಾರಣೆ ನಡೆಸಲು ದಿನಾಂಕ ನೀಡಬಹುದು ಎಂದೂ ತಿಳಿಸಿದೆ ನ್ಯಾಯಾಲಯ.