Kangana Ranaut: ಹೊಸ ಕಾರು ಖರೀದಿಸಿದ ಕಂಗನಾ - ಈ ಐಷಾರಾಮಿ ವಾಹನದ ಬೆಲೆ ಕೇಳಿದ್ರೆ ಶಾಕ್ ಆಗ್ತೀರಿ!

ಬಾಲಿವುಡ್ ಫೈರ್ ಬ್ರ್ಯಾಂಡ್ ಕಂಗನಾ ರಣಾವತ್ ಸದ್ಯ ಸಾಲು ಸಾಲು ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದಾರೆ. ಅವರ ಇತ್ತೀಚಿನ ಚಿತ್ರ ಧಕಡ್ ಶುಕ್ರವಾರ ಬಿಡುಗಡೆಯಾಗಿದೆ. ಚಿತ್ರಕ್ಕೆ ಪಾಸಿಟಿವ್ ರೆಸ್ಪಾನ್ಸ್​ ಸಿಕ್ಕಿದೆ.

ಅವರು ಈ ಚಿತ್ರದಲ್ಲಿ ಏಜೆಂಟ್ ಅಗ್ನಿ, ಅಂದರೆ ಗೂಢಚಾರಿ ಅಧಿಕಾರಿ ಪಾತ್ರವನ್ನು ನಿರ್ವಹಿಸಿದ್ದಾರೆ.

ಸಿನಿಮಾ ರಿಲೀಸ್ ಮುನ್ನಾ ದಿನವೇ ಕಂಗನಾ ರಣಾವತ್ ಕಾರು ಖರೀದಿಸಿದ್ದಾರೆ.ಇದರೊಂದಿಗೆ ಇದೀಗ ಬಾಲಿವುಡ್ ನಲ್ಲಿ ಈ ಸುದ್ದಿ ಹಾಟ್ ಟಾಪಿಕ್ ಆಗಿದೆ. ಕಂಗನಾ ರಣಾವತ್ ಅವರ ಕಾರು ಖರೀದಿ ಇಡೀ  ಬಿಟೌನ್​ನಲ್ಲಿ ಸದ್ದು ಮಾಡುತ್ತಿದೆ.

ಇದು ಬಹಳ ಬೆಲೆಬಾಳುವ ಕಾರು ಎಂದು ಹೇಳಲಾಗುತ್ತಿದೆ. ಮರ್ಸಿಡಿಸ್-ಮೇಬ್ಯಾಕ್ S680 ಐಷಾರಾಮಿ ಕಾರನ್ನು ಇತ್ತೀಚೆಗೆ ಭಾರತದಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಮಾದರಿಯ ಕಾರನ್ನು ಖರೀದಿಸಿದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಕಂಗನಾ ಪಾತ್ರರಾಗಿದ್ದಾರೆ ಎನ್ನಲಾಗುತ್ತಿದೆ.

ಈ ಕಾರಿನ ಬೆಲೆ ಅಕ್ಷರಶಃ ರೂ. 3.5 ಕೋಟಿ.. ಸದ್ಯ ಕಂಗನಾ ಖರೀದಿಸಿರುವ ಈ ಕಾರಿನ ವಿಡಿಯೋಗಳು ಹರಿದಾಡುತ್ತಿವೆ.

ಇದಕ್ಕೂ ಮುನ್ನ ಕಂಗನಾ ಬಳಿ ಎರಡು ಕಾರುಗಳಿದ್ದವು. ಆದರೆ, ಆಕೆ ಮತ್ತೊಂದು ಹೊಸ ಕಾರು ತೆಗೆದುಕೊಂಡಿರುವುದು ಸ್ಪಷ್ಟವಾಗಿದೆ.

ಕಂಗನಾ ಅವರ ಹೊಸ ಕಾರಿಗೆ ತಾಯಿ ಪೂಜೆ ಮಾಡಿದರು. ಹಿಂದೂ ಸಂಪ್ರದಾಯದ ಪ್ರಕಾರ ಕಾರಿಗೆ ಹಳದಿ ಬಣ್ಣ ಬಳಿದು ಹೂವಿನಿಂದ ಅಲಂಕರಿಸಿ ಪೂಜೆ ಸಲ್ಲಿಸಲಾಯಿತು. ಈ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಆಕೆ ಪ್ರತಿ ಚಿತ್ರಕ್ಕೆ 8 ಕೋಟಿ ರೂಪಾಯಿಗಳವರೆಗೆ ಸಂಪಾದನೆ ಪಡೆಯುತ್ತಿರುವುದರಿಂದ. ಅವರು ಹೊಸ ಕಾರುಗಳನ್ನು ಖರೀದಿಸಿದರೆ ಆಶ್ಚರ್ಯಪಡಬೇಕಾಗಿಲ್ಲ.

ಮತ್ತೊಂದೆಡೆ, ಬಾಲಿವುಡ್‌ನಲ್ಲಿ ಧಕಡ್ ಹಿಟ್ ಆಗಲಿದೆ ಎಂದು ಪ್ರೇಕ್ಷಕರು ಮತ್ತು ಚಲನಚಿತ್ರ ವಿಶ್ಲೇಷಕರು ಈಗಾಗಲೇ ಹೇಳಿದ್ದು, ಜನರು ಸಹ ಈ ಚಿತ್ರವನ್ನು ಮೆಚ್ಚಿದ್ದಾರೆ. ಈ ಚಿತ್ರದಲ್ಲಿ ಕಂಗನಾ ಏಜೆಂಟ್ ಅಗ್ನಿ ಎಂಬ ಸ್ಪೈ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಕಂಗನಾ ಒಳ್ಳೆಯ ಕಥೆಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಾರೆ ಮತ್ತು ತಮ್ಮ ನಟನೆಯಿಂದ ಒಳ್ಳೆಯ ಹಿಟ್‌ ಚಿತ್ರ ನೀಡಬಹುದು ಎಂದು ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ.