Kalyan Dev: ಚಿರಂಜೀವಿ ಮಗಳ ಬದುಕಲ್ಲಿ ಬಿರುಕು! ಶ್ರೀಜಾ ಪತಿ ಕಲ್ಯಾಣ್ ದೇವ್ ಭಾವನಾತ್ಮಕ ಪೋಸ್ಟ್

ಮೆಗಾ ಸ್ಟಾರ್ ಚಿರಂಜೀವಿ ಮಗಳು ಶ್ರೀಜಾ ಕೊನಿಡೇಲಾ ಮತ್ತು ಅವರ ಪತಿ ಕಲ್ಯಾಣ್ ದೇವ್ ವಿಚ್ಛೇದನ ವಿಚಾರ ಭಾರೀ ಸದ್ದು ಮಾಡುತ್ತಿದೆ. ಇಬ್ಬರೂ ನಡೆದುಕೊಂಡ ರೀತಿಯಿಂದಾಗಿ ವಿಚ್ಛೇದನದ ವದಂತಿಗಳು ಬಿಗ್ ಸುದ್ದಿಯಾಗಿದೆ. ಅವರಿಬ್ಬರ ನಡುವೆ ಮನಸ್ತಾಪವಿದ್ದು, ಬೇರೆ ಬೇರೆಯಾಗಿ ಬದುಕುತ್ತಿದ್ದಾರೆ ಎಂದು ಹೇಳಲಾಗ್ತಿದೆ.

ಕೆಲ ತಿಂಗಳ ಹಿಂದೆ ಶ್ರೀಜಾ ತನ್ನ ಇನ್ಸ್ಟಾಗ್ರಾಮ್ ಐಡಿಯನ್ನು ಬದಲಾಯಿಸಿದ್ರು. ಶ್ರೀಜಾ ಕಲ್ಯಾಣ್ ತನ್ನ ಹೆಸರನ್ನು ಶ್ರೀಜಾ ಕೊನಿಡೆಲಾ ಎಂದು ಬದಲಾಯಿಸಿದ ನಂತರ ವಿಚ್ಛೇದನದ ವದಂತಿಗಳು ಹೆಚ್ಚಾದವು. ಮೆಗಾ ಫ್ಯಾಮಿಲಿ ಜೊತೆ ಕಲ್ಯಾಣ್ ದೇವ್ ಸಂಬಂಧ ಮುರಿದು ಬಿದ್ದಿದೆ ಎನ್ನಲು ಹಲವು ಕಾರಣಗಳು ಸಿಕ್ಕಿವೆ.

ಶ್ರೀಜಾ, ನಿಹಾರಿಕಾ ಮೆಗಾ ಫ್ಯಾಮಿಲಿಯ ಅನೇಕರು ಸೋಶಿಯಲ್ ಮೀಡಿಯಾದಲ್ಲಿ ಕಲ್ಯಾಣ್ ದೇವ್ ಅವರನ್ನು ಫಾಲೋ ಮಾಡುತ್ತಿದ್ದರು. ಇದೀಗ ಕಲ್ಯಾಣ್ ದೇವ್ ಅವರನ್ನು ಫಾಲೋ ಮಾಡುತ್ತಿಲ್ಲ. ಕಲ್ಯಾಣ್ ದೇವ್ ಮೆಗಾ ಫ್ಯಾಮಿಲಿ ಮೀಟ್​ಗಳಲ್ಲಿ ಎಲ್ಲಿಯೂ ಕಾಣಿಸಿಕೊಂಡಿಲ್ಲ. ಇವೆಲ್ಲಾ ಮತ್ತಷ್ಟು ಅನುಮಾನ ಹೆಚ್ಚಿಸಿದೆ.

ಕಲ್ಯಾಣ್ ದೇವ್ ಸೋಷಿಯಲ್ ಮೀಡಿಯಾದಲ್ಲಿ ಸಕ್ರಿಯರಾಗಿದ್ದಾರೆ. ಕೆಲವು ವೈಯಕ್ತಿಕ ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ಮಗಳು ನಾವಿಷ್ಕಾ ಅವರನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದು ಕಲ್ಯಾಣ್ ದೇವ್ ಹೇಳಿದ್ದಾರೆ. ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಾಕಿರುವ ಮೆಸೇಜ್ ಇದೀಗ ಭಾರೀ ಚರ್ಚೆಗೆ ಕಾರಣವಾಗಿದೆ.

ಅವರು ಎದುರಿಸುತ್ತಿರುವ ಕಷ್ಟಗಳು, ಅವರು ಅನುಭವಿಸುತ್ತಿರುವ ನೋವುಗಳ ಬಗ್ಗೆ ನಮಗೆ ಸಾಕಷ್ಟು ತಿಳಿದಿದೆ. ಅವರು ಇತರರ ಬಗ್ಗೆ ಕರುಣೆ ತೋರಬೇಕು ಎಂದು ಕೊಟೇಶನ್ ಹಂಚಿಕೊಂಡಿದ್ದಾರೆ.

ಈ ಲೆಕ್ಕಾಚಾರದಲ್ಲಿ ಸೆಲೆಬ್ರಿಟಿಗಳ ವಿಚಾರದಲ್ಲಿ ಬರುತ್ತಿರುವ ಟೀಕೆಗಳಿಗೆ ಅವರು ಕೌಂಟರ್ ಕೊಟ್ಟಿದ್ದಾರೆ ಎಂದು ತಿಳಿದುಬಂದಿದೆ. ಕಲ್ಯಾಣ್ ದೇವ್ ಅವರ ಪರಿಸ್ಥಿತಿಯನ್ನು ಒಂದೇ ಮಾತಿನಲ್ಲಿ ತಿಳಿದುಕೊಳ್ಳಲು ಈ ಉಲ್ಲೇಖವನ್ನು ಹಂಚಿಕೊಂಡಿದ್ದಾರೆ ಎಂದು ಕೆಲವರು ಹೇಳುತ್ತಾರೆ. ಆದರೆ, ಶ್ರೀಜಾ-ಕಲ್ಯಾಣ್ ದೇವ್ ವಿಚ್ಛೇದನದ ವಿಚಾರದಲ್ಲಿ ಅವರಿಬ್ಬರ ಕುಟುಂಬಗಳಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.

ಇತ್ತೀಚಿನ ದಿನಗಳಲ್ಲಿ ಕಲ್ಯಾಣ್ ದೇವ್ ಸಿನಿಮಾಗಳತ್ತ ಮೆಗಾ ಫ್ಯಾಮಿಲಿ ಗಮನ ಹರಿಸುತ್ತಿಲ್ಲ. ಸೂಪರ್ ಮಚ್ಚಿ ಮತ್ತು ಕಿನ್ನೇರ ಸಾನಿ ಎಂಬ ಎರಡು ಸಿನಿಮಾಗಳು ಬಂದಿವೆ. ಈ ಎರಡು ಸಿನಿಮಾಗಳಿಗೂ ಮೆಗಾ ಫ್ಯಾಮಿಲಿ ಸಹಾಯ ಮಾಡಿಲ್ಲ.

ಕಲ್ಯಾಣ್ ದೇವ್ ಅವರನ್ನು ಎರಡನೇ ಮದುವೆಯಾಗಿದ್ದ ಶ್ರೀಜಾ ಅವರಿಗೂ ವಿಚ್ಛೇದನ ನೀಡಿದ್ದು, ಮೂರನೇ ಮದುವೆಗೂ ರೆಡಿಯಾಗಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.