Upendra: ದೀಪಿಕಾ ಜೊತೆ ನಟಿಸಿದ್ದಕ್ಕೆ ಲಕ್ಕಿ ಎಂದ ಉಪ್ಪಿ! ಐಶ್ವರ್ಯಾ ಸಿನಿಮಾ ನೆನಪುಗಳು

ಸ್ಯಾಂಡಲ್​ವುಡ್​ನ ಬಹುನಿರೀಕ್ಷಿತ ಸಿನಿಮಾ ಕಬ್ಜ ರಿಲೀಸ್​ಗೆ ರೆಡಿಯಾಗಿದೆ. ಇತ್ತೀಚೆಗೆ ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದ್ದು ಉತ್ತಮ ಪ್ರತಿಕ್ರಿಯೆಯನ್ನೂ ಪಡೆದುಕೊಂಡಿದೆ.

ಉಪ್ಪಿ ಪ್ರತಿ ಲುಕ್​ನಲ್ಲಿ ಬೇಜಾನ್ ಪವರ್ ಕಂಡು ಬಂದಿದ್ದು ಅವರ ಕಬ್ಜ ಟ್ರೈಲರ್​ಗೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಸಿನಿಮಾ ಮಾರ್ಚ್ 17ರಂದು ರಿಲೀಸ್ ಆಗಲಿದೆ.

ಕಬ್ಜ ಸಿನಿಮಾ ಸಂಬಂಧಿಸಿ ಮುಂಬೈನಲ್ಲಿ ನಡೆದ ಪ್ರೆಸ್​ಮೀಟ್​ನಲ್ಲಿ ಉಪೇಂದ್ರ ಮಾತನಾಡಿದ್ದಾರೆ. ಈ ಸಂದರ್ಭ ನಟಿ ದೀಪಿಕಾ ಪಡುಕೋಣೆ ಜೊತೆ ನಟಿಸಿದ್ದನ್ನು ನೆನಪಿಸಿಕೊಂಡಿದ್ದಾರೆ.

ದೀಪಿಕಾ ಪಡುಕೋಣೆ ಜೊತೆ ನಟಿಸಿದ್ದಕ್ಕೆ ಲಕ್ಕಿ ಎಂದು ಅವರು ಹೇಳಿದ್ದಾರೆ. ಉಪೇಂದ್ರ ಹಾಗೂ ದೀಪಿಕಾ 2006ರಲ್ಲಿ ರೊಮ್ಯಾಂಟಿಕ್ ಸಿನಿಮಾ ಐಶ್ವರ್ಯಾದಲ್ಲಿ ನಟಿಸಿದ್ದರು.

ಇದು ದೀಪಿಕಾ ಪಡುಕೋಣೆ ಅವರ ಮೊದಲ ಸಿನಿಮಾ. ಐಶ್ವರ್ಯಾ ಸಿನಿಮಾ ಕನ್ನಡದಲ್ಲಿ ಸೂಪರ್ ಹಿಟ್ ಆಗಿ ಹೊರಹೊಮ್ಮಿತು. ಮೊದಲ ಸಿನಿಮಾದಲ್ಲಿಯೇ ದೀಪಿಕಾ ಫೇಮಸ್ ಆದರು.

ಐಶ್ವರ್ಯಾ ಸಿನಿಮಾ ಮನ್ಮಥುಡು ಸಿನಿಮಾದ ರಿಮೇಕ್. ಹಾಗೆಯೇ ಗಜನಿಯಿಂದಲೂ ಸ್ಫೂರ್ತಿ ಪಡೆದಿತ್ತು. ಈ ಸಿನಿಮಾ ಬಾಕ್ಸ್ ಆಫೀಸ್​ನಲ್ಲಿಯೂ ಸೂಪರ್ ಹಿಟ್ ಆಯಿತು.