Bheem Mania Begins: ತಮ್ಮ ವಿಡಿಯೋ ನೋಡಲು ಕಾತರರಾಗಿದ್ದಾರೆ ಜೂನಿಯರ್ ಎನ್​ಟಿಆರ್​: ಟ್ರೆಂಡಿಂಗ್​ನಲ್ಲಿದೆ ಭೀಮ್ ಮೇನಿಯಾ

ಇನ್ನೇನು ಕೆಲವೇ ಗಂಟೆಗಳಲ್ಲಿ ಜೂನಿಯರ್ ಎನ್​ಟಿಆರ್ ಅವರ ಪಾತ್ರವನ್ನು ಪರಿಚಯಿಸುವ ವಿಡಿಯೋ ರಿಲೀಸ್ ಆಗಲಿದೆ.

ಎನ್​ಟಿಆರ್​, ರಾಜಮೌಳಿ ಹಾಗೂ ರಾಮ್​ ಚರಣ್​ ತೇಜ ಅವರ ಕಾಂಬಿನೇಷನ್​ನಲ್ಲಿ ಮೂಡಿ ಬರುತ್ತಿರುವ ಈ ಸಿನಿಮಾದಲ್ಲಿ ಎನ್​ಟಿಆರ್​ ಅವರ ಪಾತ್ರವನ್ನು ಪರಿಚಯಿಸುವ ವಿಶೇಷ ವಿಡಿಯೋ ಈ ಹಿಂದೆಯೇ ರಿಲೀಸ್​ ಆಗಬೇಕಿತ್ತು.

ಲಾಕ್​ಡೌನ್​ನಿಂದಾಗಿ ಆ ವಿಡಿಯೋ ರಿಲೀಸ್​ ಮಾಡಲು ಆಗಿರಲಿಲ್ಲ. ಆದರೆ ಈಗ ಅದಕ್ಕೆ ಕಾಲ ಕೂಡಿಬಂದಿದೆ.  

ಆರ್.ಆರ್.ಆರ್ ಸಿನಿಮಾದಲ್ಲಿ ಜೂನಿಯರ್ ಎನ್​ಟಿಆರ್​ ಅವರ ಪಾತ್ರವನ್ನು ಕಣ್ತುಂಬಿಕೊಳ್ಳಲು ಅಭಿಮಾನಿಗಳಿ ಕಳೆದ ಐದಾರು ತಿಂಗಳಿನಿಂದ ಕಾಯುತ್ತಿದ್ದಾರೆ.

ಜೂನಿಯರ್​ ಎನ್​ಟಿಆರ್​ ಅವರ ಪಾತ್ರವನ್ನು ಪರಿಚಯಿಸುವ ವಿಡಿಯೋ ರಿಲೀಸ್​ ಕುರಿತಾಗಿ ಚಿತ್ರತಂಡ ಇತ್ತೀಚೆಗಷ್ಟೆ ಪ್ರಕಟಿಸಿತ್ತು.

ಎನ್​ಟಿಆರ್​ ಅವರ ಈ  ವಿಡಿಯೋಗೆ ನಟ ರಾಮ್​ಚರಣ್​ ತೇಜ ಕಂಠದಾನ ಮಾಡಿದ್ದಾರೆ ಎನ್ನಲಾಗುತ್ತಿದೆ.

ಈ ಹಿಂದೆ ರಿಲೀಸ್​ ಆಗಿದ್ದ ರಾಮ್​ ಚರಣ್​ ಅವರ ವಿಡಿಯೋಗೆ ಎನ್​ಟಿಆರ್​ ಅವರು ಕಂಠದಾನ ಮಾಡಿದ್ದರು.  

ಇದೇ ಕಾರಣದಿಂದಾಗಿ ಈ ವಿಡಿಯೋ ನೋಡಲು ಜೂನಿಯರ್​ ಎನ್​ಟಿಆರ್​ ಸಹ ಕಾತರರಾಗಿದ್ದಾರಂತೆ. ಇನ್ನು ಈಗಾಗಲೇ 5 ತಿಂಗಳು ತಡವಾಗಿದೆ ಹುಷಾರಾಗಿರು ರಾಮ್​ ಚರಣ್​ ಎಂದು ನಟನ ಕಾಲೆಳೆದಿದ್ದಾರೆ ಜೂನಿಯರ್ ಎನ್​ಟಿಆರ್​.

ವಿಡಿಯೋ ರಿಲೀಸ್​ ಹತ್ತಿರವಾಗುತ್ತಿದ್ದಂತೆಯೇ ಜೂನಿಯರ್ ಎನ್​ಟಿಆರ್ ಅಭಿಮಾನಿಗಳು ಈ ವಿಷಯವನ್ನು ನಿನ್ನೆಯಿಂದಲೇ ಟ್ವಿಟರ್​ನಲ್ಲಿ ಟ್ರೆಂಡ್​ ಮಾಡುತ್ತಿದ್ದಾರೆ.

ಟ್ವಿಟರ್​ನಲ್ಲಿ ನಿನ್ನೆಯಿಂದಲೇ ಭೀಮ್​ ಮೇನಿಯಾ ಟ್ರೆಂಡಿಂಗ್​ನಲ್ಲಿದೆ.

ಬಾಹುಬಲಿ ಚಿತ್ರದ ಬಳಿಕ ರಾಜಮೌಳಿ ನಿರ್ದೇಶಿಸುತ್ತಿರುವ ಈ ಸಿನಿಮಾದಲ್ಲಿ ಟಾಲಿವುಡ್ ಸೂಪರ್​ಸ್ಟಾರ್​ಗಳಾದ ಜೂ.ಎನ್​ಟಿಆರ್ ಮತ್ತು ರಾಮ್ ಚರಣ್ ತೇಜ ಇದೇ ಮೊದಲ ಬಾರಿ ಜೊತೆಯಾಗಿ ಕಾಣಿಸಿಕೊಳ್ಳುತ್ತಿರುವುದು ವಿಶೇಷ.