Shah Rukh Khan: ಡ್ರಗ್ಸ್​ ಕೇಸ್​ನಲ್ಲಿ ಅರೆಸ್ಟ್ ಆದ ಶಾರುಖ್ ಮಗನಿಗೆ ಸಹಾಯ ಮಾಡಿದ್ದು ಪ್ರೇಮಲೋಕದ ಬೆಡಗಿ!

ಬಾಲಿವುಡ್ ಬಾದ್‌ಷಾ ಅಂತಾನೆ ಖ್ಯಾತಿ ಪಡೆದಿರುವ ನಟ ಶಾರುಖ್ ಖಾನ್ ಅವರಿಗೆ ತುಂಬಾ ಜನ ಸ್ನೇಹಿತರು ಇರಬಹುದು. ಆದರೆ ತುಂಬಾನೇ ಆಪ್ತ ಸ್ನೇಹಿತರ ವಲಯದಲ್ಲಿ ಬಾಲಿವುಡ್ ನಟಿ ಜೂಹಿ ಚಾವ್ಲಾ ಅವರು ಇದ್ದಾರೆ. ಇವರ ಸ್ನೇಹ ಎಷ್ಟರ ಮಟ್ಟಿಗೆ ಗಟ್ಟಿಯಾಗಿದೆ ಎಂದರೆ ಇಂಡಿಯನ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಮಾಲೀಕತ್ವದಲ್ಲಿ ಜೂಹಿ ಮತ್ತು ಶಾರುಖ್ ಇಬ್ಬರ ಪಾಲುದಾರಿಕೆ ಸಹ ಒಟ್ಟಾಗಿಯೇ ಇದೆ.

ಡ್ರಗ್ಸ್ ಪ್ರಕರಣದಲ್ಲಿ ಸಹಾಯ ಮಾಡಿದ್ರಂತೆ ಜೂಹಿ: ಶಾರುಖ್ ಜೊತೆ ಒಳ್ಳೆಯ ಸ್ನೇಹವನ್ನು ಹಂಚಿಕೊಂಡಿರುವ ಜೂಹಿ ಚಾವ್ಲಾ ಅವರು ಡ್ರಗ್ಸ್ ಪ್ರಕರಣದಲ್ಲಿ ಶಾರುಖ್ ಅವರ ಮಗ ಆರ್ಯನ್ ಖಾನ್ ಗೆ ಜಾಮೀನು ನೀಡಲು ಮುಂಬೈನ ಸೆಷನ್ಸ್ ನ್ಯಾಯಾಲಯದಲ್ಲಿ 1 ಲಕ್ಷ ರೂಪಾಯಿಗಳ ಬಾಂಡ್ ಗೆ ಸಹಿ ಹಾಕಿದ್ದರಂತೆ. ಹಾಗಂತ ಖುದ್ದು ನಟಿ ಜೂಹಿ ಅವರೇ ಹೇಳಿಕೊಂಡಿದ್ದಾರೆ.

ಇನ್ನು ಈ ಬಗ್ಗೆ ಮಾತನಾಡುತ್ತಾ ನಟಿ ಸುದ್ದಿ ಪೋರ್ಟಲ್ ಗೆ ಅಂತಹ ಒಂದು ಪ್ರಕರಣದಲ್ಲಿ ಶಾರುಖ್ ಮಗ ಸಿಕ್ಕಿಹಾಕಿಕೊಳ್ಳುವ ಸಂದರ್ಭ ಬರುತ್ತೆ ಅಂತ ನನಗೆ ತಿಳಿದಿರಲಿಲ್ಲ ಎಂದು ಹೇಳಿದರು. ಹೇಗೋ ಎಲ್ಲವೂ ಸರಿಯಾದಾಗ, ಅವಳಿಗೆ ಸಹಾಯ ಮಾಡಲು ಕೇಳಿದಾಗ, ಒಬ್ಬ ಸ್ನೇಹಿತೆಯಾಗಿ ಸಹಾಯ ಮಾಡುವುದು ಸರಿಯಾದ ಕೆಲಸ ಅಂತ ಅನ್ನಿಸಿತು. ಹಾಗಾಗಿ ನಾನು ಸಹಾಯ ಮಾಡಿದೆ ಅಂತ ನಟಿ ಹೇಳಿದರು.

ಜೂಹಿ ಮತ್ತು ನಟ ಶಾರುಖ್ ಇಬ್ಬರು ಬಹಳ ಸಮಯದಿಂದ ಒಳ್ಳೆಯ ಸ್ನೇಹಿತರಾಗಿದ್ದರೂ, ಅವರು ಪರಸ್ಪರ ಭೇಟಿಯಾಗುವುದು ತುಂಬಾನೇ ಕಡಿಮೆ ಎಂದು ಅವರು ಬಹಿರಂಗಪಡಿಸಿದರು. ತನ್ನ ಪತಿ ಜಯ್ ಮೆಹ್ತಾ ತನಗಿಂತ ಅವನೊಂದಿಗೆ ಹೆಚ್ಚು ಸಂಪರ್ಕದಲ್ಲಿದ್ದಾರೆ ಎಂದು ನಟಿ ಹೇಳಿದರು. ಆದರೂ ಸಹ ಶಾರುಖ್ ತನ್ನೊಂದಿಗೂ ಸಂಪರ್ಕದಲ್ಲಿದ್ದಾರೆ ಎಂದು ಜೂಹಿ ತಿಳಿಸಿದ್ದಾರೆ.

ಐಪಿಎಲ್ ಮ್ಯಾಚ್​​ನಲ್ಲಿ 'ಫಿರ್ ಭಿ ದಿಲ್ ಹೈ ಹಿಂದೂಸ್ತಾನಿ' ಟೈಟಲ್ ಟ್ರ್ಯಾಕ್: ಮೊನ್ನೆ ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವಿನ ಐಪಿಎಲ್ ಕ್ರಿಕೆಟ್ ಪಂದ್ಯದ ವೇಳೆ ಈಡನ್ ಗಾರ್ಡನ್ಸ್ ನಲ್ಲಿ 'ಫಿರ್ ಭಿ ದಿಲ್ ಹೈ ಹಿಂದೂಸ್ತಾನಿ' ಟೈಟಲ್ ಟ್ರ್ಯಾಕ್ ಅನ್ನು ಪ್ಲೇ ಮಾಡಿದ್ರು. ಈ ಚಿತ್ರದಲ್ಲಿ ಶಾರುಖ್ ಮತ್ತು ಜೂಹಿ ಜೊತೆಯಾಗಿ ನಟಿಸಿದ್ದಾರೆ ಮತ್ತು ಇದು ಇಬ್ಬರಿಗೂ ತಮ್ಮ ಸಾಕಷ್ಟು ಹಳೆಯ ನೆನಪುಗಳನ್ನು ಮೆಲುಕು ಹಾಕುವಂತೆ ಮಾಡಿತು.

ಈ ಬಗ್ಗೆ ಮಾತನಾಡಿದ ಜೂಹಿ, ಬಿಡುಗಡೆಯಾದ 23 ವರ್ಷಗಳ ನಂತರ ಈ ಹಾಡು  ಕ್ರೀಡಾಂಗಣದಲ್ಲಿ ಇಂತಹ ಮಹತ್ವದ ಸಂದರ್ಭದಲ್ಲಿ ಪ್ಲೇ ಆಗುತ್ತದೆ ಎಂದು ನನಗೆ ತಿಳಿದಿರಲಿಲ್ಲ ಎಂದು ಶಾರುಖ್ ಗೆ ಹೇಳಿದ್ದರಂತೆ. ಇದನ್ನು ಮಾಧ್ಯಮದಲ್ಲಿ ಮಾತನಾಡುವಾಗ ನೆನಪಿಸಿಕೊಂಡರು.

ಜನರು ಆ ಚಿತ್ರವನ್ನು ನೆನಪಿಸಿಕೊಳ್ಳುತ್ತಾರೆ ಎಂದು ತಿಳಿದಿದ್ದರೆ, ಅವರು ಕೆಲವು ವಿಷಯಗಳನ್ನು ಇನ್ನೂ ವಿಭಿನ್ನವಾಗಿ ಮಾಡುತ್ತಿದ್ದೆ ಎಂದು ಜೂಹಿ ಶಾರುಖ್ ಗೆ ಹೇಳಿದರಂತೆ. ಶಾರುಖ್ ಇದಕ್ಕೆ ಪ್ರತಿಕ್ರಿಯಿಸಿ “ಈ ಹಾಡು ಇಂದು ಪ್ಲೇ ಆಗುತ್ತಿದೆ ಎಂದರೆ ಅದು ಪ್ರೇಕ್ಷಕರಿಗೆ ಇಷ್ಟವಾಗಿದೆ ಅಂತ ಅರ್ಥ” ಎಂದು ಹೇಳಿದರು.