Jr NTR: 18 ಕೋಟಿಯ ಮಂಟಪ! ಜೂನಿಯರ್ ಎನ್​ಟಿಆರ್ ಮದುವೆ ಖರ್ಚು ಎಷ್ಟು ಗೊತ್ತಾ?

ಸೌತ್ ಸೂಪರ್ ಸ್ಟಾರ್ ಜೂನಿಯರ್ ಎನ್​​ಟಿಆರ್ ದಕ್ಷಿಣ ಚಿತ್ರರಂಗದ ಶ್ರೀಮಂತ ಹೆಸರು. 20 ವರ್ಷಗಳ ವೃತ್ತಿಜೀವನದಲ್ಲಿ, ಜೂನಿಯರ್ ಎನ್​ಟಿಆರ್ ಅನೇಕ ಚಿತ್ರಗಳಲ್ಲಿ ನಟಿಸಿದ್ದಾರೆ. RRR ಪ್ರಪಂಚದಾದ್ಯಂತ ಅವರಿಗೆ ಅಪಾರ ಅಭಿಮಾನಿಗಳನ್ನು ಕೊಟ್ಟಿದೆ. ಜೂನಿಯರ್ ಎನ್​ಟಿಆರ್ ತಮ್ಮ ನಟನೆಯ ಜೊತೆಗೆ ತಮ್ಮ ವಿನಮ್ರ ಸ್ವಭಾವಕ್ಕೆ ಹೆಸರುವಾಸಿಯಾಗಿದ್ದಾರೆ.

ಸಹಜವಾಗಿಯೇ ಎನ್​​ಟಿಆರ್ ಉಳಿದ ತಾರೆಯರಿಗಿಂತ ತೀರಾ ಭಿನ್ನ ಎನ್ನಲಾಗುತ್ತದೆ. ಏಕೆಂದರೆ ಅವರ ಜೀವನದಲ್ಲಿ ಮೊದಲ ಮದುವೆ ಮತ್ತು ನಂತರ ಪ್ರೀತಿ ಸಂಭವಿಸಿದೆ. ದಕ್ಷಿಣದ ಸೂಪರ್‌ಸ್ಟಾರ್, ಜೂನಿಯರ್ ಎನ್‌ಟಿಆರ್ ಅವರು ಲಕ್ಷ್ಮಿ ಪ್ರಣತಿ ಅವರೊಂದಿಗೆ 5 ಮೇ 2011 ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು.

ತಾರಕ್ ಅವರ ಮದುವೆಯು ಅತ್ಯಂತ ದುಬಾರಿ ಮದುವೆಗಳಲ್ಲಿ ಒಂದಾಗಿದೆ ಎಂದು ಕೆಲವೇ ಜನರಿಗೆ ತಿಳಿದಿದೆ. ಕೆಲವು ವರದಿಗಳ ಪ್ರಕಾರ, ತಾರಕ್ ಅವರ ಅದ್ಧೂರಿ ವಿವಾಹದ ಒಟ್ಟು ಬಜೆಟ್ 100 ಕೋಟಿ ರೂ.

ಜೂನಿಯರ್ ಎನ್‌ಟಿಆರ್ ಅವರ ಮದುವೆಯ ಮತ್ತೊಂದು ಕುತೂಹಲಕಾರಿ ಸಂಗತಿಯೆಂದರೆ ಮದುವೆ ಮಂಟಪದ ಅಲಂಕಾರಕ್ಕೆ ಕೋಟ್ಯಂತರ ರೂಪಾಯಿ ಖರ್ಚು ಮಾಡಲಾಗಿದೆ. ಮಂಟಪದ ಅಂದಕ್ಕೆ ಬರೋಬ್ಬರಿ 18 ಕೋಟಿ ರೂಪಾಯಿ ಖರ್ಚು ಮಾಡಲಾಗಿದೆ ಎನ್ನಲಾಗಿದೆ.

ಹಾಗಾಗಿ ಈ ಸಮಾರಂಭ ಬಹಳ ಅದ್ಧೂರಿಯಾಗಿ ನಡೆಯಿತು. ಜೂನಿಯರ್ ಎನ್‌ಟಿಆರ್ ಅವರ ಮದುವೆಯಲ್ಲಿ ದೇಶಾದ್ಯಂತದ ಕೈಗಾರಿಕೋದ್ಯಮಿಗಳು ಮತ್ತು ರಾಜಕಾರಣಿಗಳು ಭಾಗವಹಿಸಿದ್ದರು. ಈ ಮದುವೆಯಿಂದ ತಾರಕ್‌ನ ಐಷಾರಾಮಿ ಜೀವನಶೈಲಿ ಮತ್ತು ಸ್ಟಾರ್‌ಡಮ್ ಅನ್ನು ನೀವು ಊಹಿಸಬಹುದು. ಆದರೂ ನಟ ಅದನ್ನು ಎಂದಿಗೂ ತೋರಿಸಲು ಇಷ್ಟಪಡುವುದಿಲ್ಲ.

ಮದುವೆ ಸಮಾರಂಭವು ಮಾಧೋಪುರದ ಹೈಟೆಕ್ಸ್ ಎಕ್ಸಿಬಿಷನ್ ಸೆಂಟರ್‌ನಲ್ಲಿ ನಡೆಯಿತು. ಈ ವಿವಾಹವು 2011 ರ ಅತಿದೊಡ್ಡ ವಿವಾಹಗಳಲ್ಲಿ ಒಂದಾಗಿದೆ. ಈ ಮದುವೆ ಪ್ರಪಂಚದಾದ್ಯಂತ ಚರ್ಚೆಯಾಯಿತು.

ಜೂನಿಯರ್ ಎನ್​​ಟಿಆರ್ ಅವರ ಪತ್ನಿ ಲಕ್ಷ್ಮಿ ಪ್ರಣತಿ ಮತ್ತು ಅವರ ಮಕ್ಕಳಾದ ನಂದಮೂರಿ ಭಾರ್ಗವ ರಾಮ್ ಮತ್ತು ನಂದಮೂರಿ ಅಭಯ್ ರಾಮ್ ಅವರೊಂದಿಗೆ ಸಾರ್ವಜನಿಕವಾಗಿ ವಿರಳವಾಗಿ ಕಾಣಿಸಿಕೊಳ್ಳುತ್ತಾರೆ. ನಟ ಯಾವಾಗಲೂ ಎಲ್ಲಕ್ಕಿಂತ ಹೆಚ್ಚಾಗಿ ತನ್ನ ಕುಟುಂಬಕ್ಕೆ ಆದ್ಯತೆ ನೀಡುತ್ತಾರೆ.