Jr NTR: ತಾತನ ಹುಟ್ಟೂರಿನಲ್ಲಿದೆ ಜೂನಿಯರ್ ಎನ್​ಟಿಆರ್​ಗೆ ಕೋಟಿ ಕೋಟಿ ಆಸ್ತಿ! ವೈಸಿಪಿ ಶಾಸಕ ಬಾಯ್ಬಿಟ್ರು ಹಣದ ವಿಷಯ!

ಜೂನಿಯರ್ ಎನ್ ಟಿಆರ್ ಚಿಕ್ಕ ವಯಸ್ಸಿನಲ್ಲೇ ಬೆಳ್ಳಿತೆರೆಗೆ ಎಂಟ್ರಿ ಕೊಟ್ಟಿದ್ದರು. ಅತಿ ಕಡಿಮೆ ಅವಧಿಯಲ್ಲಿ ಮಾಸ್ ಫಾಲೋಯಿಂಗ್ ಪಡೆದ ನಾಯಕ NTR, ಅವರು ಟಾಲಿವುಡ್​ನ ಯಂಗ್ ಟೈಗರ್ ಆಗಿ ಹೊರಹೊಮ್ಮುತ್ತಿದ್ದಾರೆ. ನಂದಮೂರಿ ಹೀರೋಗಳಲ್ಲಿ ಅತಿ ಹೆಚ್ಚು ಫಾಲೋವರ್ಸ್ ಮತ್ತು ಮಾರ್ಕೆಟ್ ಹೊಂದಿರುವ ನಾಯಕ ಜೂನಿಯರ್ NTR, ಈಗಾಗಲೇ 30 ಸಿನಿಮಾಗಳಲ್ಲಿ ನಾಯಕನಾಗಿ ಮಾಡಿದ್ದಾರೆ.

ಸಂಭಾಷಣೆ, ನಟನೆ ವಿಷಯದಲ್ಲಿ ಜೂನಿಯರ್ NTRಗೆ ಸರಿಸಾಟಿ ಇಲ್ಲ ಎಂದು ಹೇಳಬಹುದು. ಆದರೆ, ಚಿಕ್ಕ ವಯಸ್ಸಿನಲ್ಲೇ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಜೂನಿಯರ್ NTR ಸದ್ಯ ಚಿತ್ರರಂಗದಲ್ಲಿ ಸ್ಟಾರ್ ಹೀರೋ ಆಗಿ ಮಿಂಚುತ್ತಿದ್ದಾರೆ. NTR ಅವರ ಲೈಫ್ ಸ್ಟೈಲ್ ಕೂಡ ಅದ್ಧೂರಿಯಾಗಿಯೇ ಇದೆ.

ಜೂನಿಯರ್ NTR ಜನಿಸಿದ್ದು ಮೇ 20-1983ರಲ್ಲಿ, ಇವರ ತಂದೆ ನಂದಮೂರಿ ಹರಿಕೃಷ್ಣ ಮತ್ತು ತಾಯಿ ಶಾಲಿನಿ ಮುದ್ದಿನ ಮಗ, ಜೂನಿಯರ್ NTR ಚಿಕ್ಕ ವಯಸ್ಸಿನಿಂದಲೇ ಕೂಚಿಪುಡಿ ನೃತ್ಯವನ್ನು ಕಲಿತರು. 1991 ರಲ್ಲಿ, ಅಜ್ಜ ಎನ್​ಟಿಆರ್ ಅವರು ತಮ್ಮ ನಿರ್ದೇಶನದಲ್ಲಿ ಬಾಬಾಯಿ ಬಾಲಯ್ಯ ಪ್ರಮುಖ ಪಾತ್ರದಲ್ಲಿ ನಟಿಸಿದ 'ಬ್ರಹ್ಮರ್ಷಿ ವಿಶ್ವಾಮಿತ್ರ' ಹಿಂದಿ ಚಲನಚಿತ್ರದ ಮೂಲಕ ಸಿನಿಮಾ ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟರು.

ತಮ್ಮ ಮೊದಲ ಚಿತ್ರದಲ್ಲಿ ತಾತ ಎನ್ ಟಿಆರ್ ಮತ್ತು ಬಾಬಾಯಿ ಬಾಲಯ್ಯ ಅವರೊಂದಿಗೆ ತೆರೆ ಹಂಚಿಕೊಂಡಿದ್ದರು. ಆದರೆ ಈ ಸಿನಿಮಾ ಬಿಡುಗಡೆಯಾಗದಿರುವುದು ಬೇಸರದ ಸಂಗತಿ. ಆ ನಂತರ ನಿರ್ದೇಶಕ ಗುಣಶೇಖರ್ ನಿರ್ದೇಶನದ ಬಾಲ ರಾಮಾಯಣದಲ್ಲಿ ನಟಿಸಿದ್ದರು. ಈ ಚಿತ್ರದಲ್ಲಿ ಬಲರಾಮನ ಪಾತ್ರದಲ್ಲಿ ಕಾಣಿಸಿಕೊಂಡು ಎಲ್ಲರ ಮೆಚ್ಚುಗೆಗೆ ಪಾತ್ರರಾದ್ರು. ‘ನಿನ್ನು ಛಡಾನಿ’ ಚಿತ್ರದ ಮೂಲಕ ನಾಯಕನಾಗಿ ಎಂಟ್ರಿ ಕೊಟ್ಟರು. ಆ ಸಿನಿಮಾದ ಜತೆಗೆ ಈಗಾಗಲೇ 30 ಸಿನಿಮಾ ಮಾಡಿದ್ದು, ಎನ್​ಟಿಆರ್ 31 ಚಿತ್ರಗಳಲ್ಲಿ ನಟಿಸಿದ್ದಾರೆ.

ಜೂನಿಯರ್ NTR ಅಪಾರ ಆಸ್ತಿ ಕೂಡ ಹೊಂದಿದ್ದಾರೆ. NTR ಆಸ್ತಿ ರೂ. 440 ಕೋಟಿ ಎಂದು ಅಂದಾಜಿಸಲಾಗಿದೆ. ಚಿತ್ರದ ಸಂಭಾವನೆಯ ಜೊತೆಗೆ ಚಿತ್ರದ ಲಾಭದ ಪಾಲನ್ನು ಕೂಡ ಜೂನಿಯರ್ ಎನ್ ಟಿಆರ್ ಪಡೆದುಕೊಳ್ತಾರೆ. NTR ಬ್ರಾಂಡ್ ಅಂಬಾಸಿಡರ್ ಆಗಿ ಜಾಹೀರಾತುಗಳಿಗಾಗಿ ದೊಡ್ಡ ಮೊತ್ತವನ್ನು ತೆಗೆದುಕೊಳ್ಳುತ್ತಾರೆ.

ಅಷ್ಟೇ ಅಲ್ಲದೇ ತಾತಾ NTR ಹುಟ್ಟೂರು ನಿಮ್ಮಕೂರಿನ ಆಸ್ತಿಯಲ್ಲಿ ಪಾಲು ಪಡೆದಿದ್ದಾರೆ. ಜೂನಿಯರ್ NTR ಹೆಸರಲ್ಲಿ 5 ಎಕರೆ ಇದ್ದು, ಈ ಲೆಕ್ಕಾಚಾರದ ಪ್ರಕಾರ NTRಗೆ ತಾತಾನ ಹುಟ್ಟೂರಲ್ಲಿ 15 ಕೋಟಿ ಮೌಲ್ಯದ ಆಸ್ತಿ ಇದೆ ಎಂದು ವೈಸಿಪಿ ಶಾಸಕ ಕೊಡಲಿ ನಾನಿ (ವೆಂಕಟೇಶ್ವರ ರಾವ್) ಮಾಧ್ಯಮಗೋಷ್ಠಿಯಲ್ಲಿ ಬಹಿರಂಗಪಡಿಸಿದ್ದಾರೆ.

NTR ತಮ್ಮ ವೃತ್ತಿ ಜೀವನದಲ್ಲಿ ಹಲವು ಪ್ರಶಸ್ತಿಗಳನ್ನು ಪಡೆದಿದ್ದಾರೆ. 2016 ರಲ್ಲಿ ನನ್ನಕು ಪ್ರೇಮತೋ, ಜೈ ಲವಕುಶ, ಯಮದೊಂಗ, ಜನತಾ ಗ್ಯಾರೇಜ್ ಮತ್ತು 2017 ರಲ್ಲಿ ಟೆಂಪರ್ ಚಿತ್ರಗಳಿಗೆ NTR ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. NTRರ ಮಾಸಿಕ ಆದಾಯ ಸುಮಾರು ರೂ. 3 ಕೋಟಿಗೂ ಅಧಿಕವಾಗಲಿದೆ ಎಂದು ವರದಿಯಾಗಿದೆ.

NTR ಮನೆ ಹೈದರಾಬಾದ್​ ಜುಬಿಲಿ ಹಿಲ್ಸ್​ನಲ್ಲಿದೆ. ಮಾರುಕಟ್ಟೆ ಅಂದಾಜಿನ ಪ್ರಕಾರ ಇದರ ಮೌಲ್ಯ ಸುಮಾರು ರೂ. 50 ಕೋಟಿಯವರೆಗೂ ಇರಲಿದೆ. ಇತ್ತೀಚೆಗಷ್ಟೇ ಬೆಂಗಳೂರಿನಲ್ಲಿ ಮನೆ ಕೂಡ ಖರೀದಿಸಿದ್ದಲ್ಲದೇ ಮತ್ತೊಂದು ಫಾರ್ಮ್ ಹೌಸ್ ಕೂಡ ಖರೀದಿಸಿದ್ದಾರಂತೆ.

ಜೂನಿಯರ್ ಎಬಿಟಿಆರ್ ಆ ಅತ್ಯಂತ ದುಬಾರಿ ಫಾರ್ಮ್ ಹೌಸ್ ಅನ್ನು ಸುಮಾರು ರೂ. 12 ಕೋಟಿಗೆ ಖರೀದಿಸಲಾಗಿದೆ ಎಂದು ವರದಿಯಾಗಿದೆ. ತಾರಕ್ ಇದನ್ನು ತಮ್ಮ ಪ್ರೀತಿಯ ಪತ್ನಿ ಲಕ್ಷ್ಮಿ ಪ್ರಣತಿಗೆ ಹುಟ್ಟುಹಬ್ಬದ ಉಡುಗೊರೆಯಾಗಿ ನೀಡುವ ಆಲೋಚನೆಯೊಂದಿಗೆ ಖರೀದಿಸಿದ್ದಾರೆ ಎಂದು ವರದಿಯಾಗಿದೆ. ಫಾರ್ಮ್ ಹೌಸ್ ಗೆ ‘ಬೃಂದಾವನಂ’ ಎಂದು ಹೆಸರಿಡಲಾಗಿದೆ ಎಂದು ವರದಿಯಾಗಿದೆ.