Actress Death Mystery: ಕಲಾವಿದರ ಹಠಾತ್ ನಿಧನ, ಇನ್ನೂ ಬಯಲಾಗಲಿಲ್ಲ ಈ ನಟಿಯರ ಸಾವಿನ ರಹಸ್ಯ!

ದಿವ್ಯ ಭಾರತಿಯಿಂದ ಶ್ರೀದೇವಿಯವರೆಗೆ ಮತ್ತು ಸುಶಾಂತ್ ಸಿಂಗ್ ರಾಜ್​ಪೂತ್​ರಿಂದ ಪ್ರತ್ಯೂಷಾ ಬ್ಯಾನರ್ಜಿಯವರೆಗೆ ತಮ್ಮ ಅಭಿನಯದಿಂದ ಜನರ ಹೃದಯದಲ್ಲಿ ವಿಶೇಷವಾದ ಗುರುತನ್ನು ಸೃಷ್ಟಿಸಿದ ಅನೇಕ ನಟರಿದ್ದರು, ಆದರೆ ಈ ನಟರ ಹಠಾತ್ ನಿಧನ ಇನ್ನೂ ಜನರ ಮನಸ್ಸನ್ನು ಕಾಡುತ್ತಿದೆ.

ಈ ಪಟ್ಟಿಯಲ್ಲಿ ನಟಿ ದಿವ್ಯಾ ಭಾರ್ತಿ ಹೆಸರು ಮೊದಲ ಸ್ಥಾನದಲ್ಲಿದೆ. ದಿವ್ಯಾ ಭಾರತಿ ಸಾವು ಎಲ್ಲರನ್ನೂ ಬೆಚ್ಚಿ ಬೀಳಿಸಿದೆ. ಕೇವಲ 19ನೇ ವಯಸ್ಸಿನಲ್ಲಿ ನಟಿಯೊಬ್ಬಳ ಸಾವಿನಿಂದ ಬಾಲಿವುಡ್ ಬೆಚ್ಚಿಬಿದ್ದಿತ್ತು. ದಿವ್ಯಾ ಭಾರತಿ ತನ್ನ ಮನೆಯ 5ನೇ ಮಹಡಿಯಿಂದ ಬಿದ್ದು ಸಾವನ್ನಪ್ಪಿದ್ದರು. ಆಕೆಯ ಸಾವು ಇಂದಿಗೂ ನಿಗೂಢವಾಗಿದೆ. ಇದು ಕೊಲೆಯೋ ಅಥವಾ ಆತ್ಮಹತ್ಯೆಯೋ ಎಂಬ ಪ್ರಶ್ನೆಗಳು ಇಂದಿಗೂ ಕಾಡ್ತಿದೆ.

1997ರಲ್ಲಿ ವಿಶ್ವ ಸುಂದರಿ ಪಟ್ಟ ಗೆದ್ದ ನಟಿ ನಫೀಸಾ ಜೋಸೆಫ್ ಸಾವು ಇಂದಿಗೂ ನಿಗೂಢವಾಗಿದೆ. ನಫೀಸಾ ತನ್ನ 25ನೇ ವಯಸ್ಸಿನಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ನಫೀಸಾ ‘ತಾಳ್’ ಚಿತ್ರದಲ್ಲಿ ನಟಿಸಿದ್ದರು ಮತ್ತು ಎಂಟಿವಿಯಲ್ಲಿ ನಿರೂಪಕಿಯೂ ಆಗಿದ್ದರು. ನಟಿಯ ಸಾವಿಗೆ ಮದುವೆ ಮುರಿದು ಬಿದ್ದಿರುವುದೇ ಕಾರಣ ಎಂದು ನಫೀಸಾ ಕುಟುಂಬಸ್ಥರು ಹೇಳಿದ್ದರು.

ನಟಿ ಸಿಲ್ಕ್ ಸ್ಮಿತಾ ಜೀವನಾಧಾರಿತ ಸಿನಿಮಾ ಕೂಡ ತಯಾರಾಗಿದೆ. ಆದರೆ ಸಿಲ್ಕ್ ಸ್ಮಿತಾ ಸಾವಿನ ಕಥೆ ಇನ್ನೂ ಬಗೆಹರಿದಿಲ್ಲ. 1993ರಲ್ಲಿ ಸಿಲ್ಕ್ ಸ್ಮಿತಾ ಚೆನ್ನೈನ ತಮ್ಮ ಮನೆಯಲ್ಲಿ ಶವವಾಗಿ ಪತ್ತೆಯಾಗಿದ್ದರು. ಆಕೆಯ ಸಾವಿನ ರಹಸ್ಯ ಇಂದಿಗೂ ಬಹಿರಂಗವಾಗಿಲ್ಲ

ಬಾಲಿಕಾ ವಧು ಧಾರಾವಾಹಿ ಮೂಲಕ ತಮ್ಮದೇ ಆದ ಛಾಪು ಮೂಡಿಸಿದ್ದ ಕಿರುತೆರೆ ನಟಿ ಪ್ರತ್ಯೂಷಾ ಬ್ಯಾನರ್ಜಿ ಅವರ ನಿಧನದಿಂದ ಅಭಿಮಾನಿಗಳು ಕಂಬನಿ ಮಿಡಿದಿದ್ದಾರೆ.

ಪ್ರತ್ಯೂಷಾ ಬ್ಯಾನರ್ಜಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಆಕೆ ತನ್ನ 24ನೇ ವಯಸ್ಸಿನಲ್ಲಿ ಇಹಲೋಕ ತ್ಯಜಿಸಿದರು. ಪ್ರತ್ಯೂಷಾ ಆತ್ಮಹತ್ಯೆಗೆ ಕಾರಣವೇನು ಎಂಬುದು ಇನ್ನೂ ತಿಳಿದುಬಂದಿಲ್ಲ.

ಬಾಲಿವುಡ್ ನಟಿಯರ ನಿಗೂಢ ಸಾವಿನ ಪಟ್ಟಿಯಲ್ಲಿ ನಟಿ ಶ್ರೀದೇವಿ ಹೆಸರೂ ಇದೆ. ಶ್ರೀದೇವಿ ತನ್ನ ಸೋದರಳಿಯನ ಮದುವೆಯಲ್ಲಿ ಪಾಲ್ಗೊಳ್ಳಲು ದುಬೈಗೆ ಹೋಗಿದ್ದರು, ಅಲ್ಲಿ ಅವರು ಹಠಾತ್ ನಿಧನರಾದರು.

ನಟಿ 24 ಫೆಬ್ರವರಿ 2018 ರಂದು ಹೋಟೆಲ್ ಬಾತ್​ಟನ್​ನಲ್ಲಿ ಮುಳುಗಿ ಸಾವನ್ನಪ್ಪಿದರು. ಇದು ಅಪಘಾತ ಎಂದು ಜನರು ನಂಬಲು ಸಾಧ್ಯವಾಗುತ್ತಿಲ್ಲ. ಶ್ರೀದೇವಿ ಸಾವು ಇಂದಿಗೂ ನಿಗೂಢವಾಗಿಯೇ ಉಳಿದಿದೆ.