Drishyam: 4 ಭಾಷೆಗಳ ನಂತರ ಈಗ ಕೊರಿಯನ್​ನಲ್ಲಿ ಸಿದ್ಧವಾಗಲಿದೆ ದೃಶ್ಯಂ ಸಿನಿಮಾ!

ಭಾರತೀಯ ನಿರ್ಮಾಣ ಸಂಸ್ಥೆ ಪನೋರಮಾ ಸ್ಡುಡಿಯೋಸ್ ಹಾಗೂ ದಕ್ಷಿಣ ಕೊರಿಯಾದ ಆಂಥಾಲಜಿ ಸ್ಡುಡಿಯೋಸ್ ದೃಶ್ಯಂ ಸಿನಿಮಾವನ್ನು ಕೊರಿಯನ್ ಭಾಷೆಯಲ್ಲಿ ನಿರ್ಮಿಸುವುದಾಗಿ ಘೋಷಣೆ ಮಾಡಿದೆ. ಭಾರತದ ನಾಲ್ಕು ಭಾಷೆಗಳಲ್ಲಿ ನಿರ್ಮಾಣವಾಗಿ ಸೂಪರ್​ಹಿಟ್ ಆದ ಸಿನಿಮಾ ಈ ಕೊರಿಯನ್ ಭಾಷೆಯಲ್ಲಿ ರೆಡಿಯಾಗಲಿದೆ.

ಕಾನ್ ಫಿಲ್ಮ್ ಫೆಸ್ಟಿವಲ್​ನಲ್ಲಿ ನಿರ್ಮಾಣ ಸಂಸ್ಥೆಯ ಪ್ರತಿನಿಧಿಗಳಾಗಿ ಭಾಗಿಯಾಗಿದ್ದ ಕುಮಾರ್ ಮಂಗತ್ ಪತಕ್ ಹಾಗೂ ಜೇ ಶಾಯ್ ಅವರು ಈ ವಿಚಾರವನ್ನು ಅನೌನ್ಸ್ ಮಾಡಿದ್ದಾರೆ. ದೃಶ್ಯಂ ಸಿನಿಮಾಗಳು ಕೊರಿಯನ್​ನಲ್ಲೊಯೂ ಸಿದ್ಧವಾಗಲಿದೆ ಎಂದಿದ್ದಾರೆ.

ದೃಶ್ಯಂ ಸಿನಿಮಾ ಮಲಯಾಳಂನ ಕ್ರೈಮ್ ಥ್ರಿಲ್ಲರ್ ಆಗಿದ್ದು ಇದರಲ್ಲಿ ಜಾರ್ಜ್​ ಕುಟ್ಟಿ(ಮೋಹನ್​ಲಾಲ್) ಹಾಗೂ ಅವರ ಕುಟುಂಬದ ಕಥೆ ಇದೆ. ಐಜಿ ಗೀತಾ ಪ್ರಭಾಕರ್ ಅವರ ಮಗ ವರುಣ್ ಪ್ರಭಾಕರ್ ನಾಪತ್ತೆಯಾದಾಗ ಜಾರ್ಜ್ ಕುಟ್ಟಿ ಕುಟುಂಬ ಎದುರಿಸುವ ಸವಾಲುಗಳನ್ನು ಇಲ್ಲಿ ತೋರಿಸಲಾಗಿದೆ.

2013ರಲ್ಲಿ ಬಂದ ಸಿನಿಮಾ ವ್ಯಾಪಕ ಮೆಚ್ಚುಗೆ ಗಳಿಸಿತು. ಇದನ್ನು ಜೀತು ಜೋಸೆಫ್ ಬರೆದು ನಿರ್ದೇಶಿಸಿದ್ದಾರೆ. ಸಿನಿಮಾದಲ್ಲಿ ಮೋಹನ್​ಲಾಲ್, ಮೀನಾ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಕನ್ನಡದಲ್ಲಿ ರವಿಚಂದ್ರನ್ ಹಾಗೂ ನವ್ಯಾ ನಾಯರ್ ನಟಿಸಿದ್ದಾರೆ.

ಸಿನಿಮಾ ಸಕ್ಸಸ್ ಆಗುತ್ತಿದ್ದಂತೆ ಇದು ನಾಲ್ಕು ಭಾಷೆಗಳಲ್ಲಿ ರಿಮೇಕ್ ಆಯಿತು. ಕನ್ನಡದಲ್ಲಿ ದೃಶ್ಯ(2014), ತೆಲುಗಿನಲ್ಲಿ ದ್ರುಶ್ಯಂ (2014), ತಮಿಳಿನಲ್ಲಿ ಪಾಪನಾಸಂ (2015), ಹಿಂದಿಯಲ್ಲಿ ದೃಶ್ಯಂ(2015) ರಲ್ಲಿ ರಿಲೀಸ್ ಆಯಿತು.

ಇದೇ ಮೊದಲಬಾರಿಗೆ ಹಿಂದಿ ಸಿನಿಮಾ ಒಂದು ಅಧಿಕೃತವಾಗಿ ಕೊರಿಯನ್ ಭಾಷೆಗೆ ರೀಮೇಡ್ ಆಗಲಿದೆ ಎನ್ನಲಾಗಿದೆ. ದೃಶ್ಯಂ ಸಿನಿಮಾದ ಎಲ್ಲಾ ಭಾಷೆಗಳ ಹಕ್ಕು ಪಡೆದಿರುವ ಪತಕ್ ಅವರು ಈ ಫ್ರಾಂಚೈಸಿ ಸಿನಿಮಾಗಳನ್ನು ಸೌತ್ ಕೊರಿಯಾದಲ್ಲಿ ತರಲಿದ್ದಾರೆ.

ಶಾಯ್ ಪ್ರತಿಕ್ರಿಯಿಸಿ ಈ ಸಿನಿಮಾ ರಿಮೇಕ್ ಮಾಡಲು ಖುಷಿಯಾಗುತ್ತಿದೆ. ಎರಡೂ ದೇಶದ ನಿರ್ಮಾಣ ಸಂಸ್ಥೆ ಸೇರಿ ನಿರ್ಮಿಸುವುದರಿಂದ ಈ ರಿಮೇಕ್ ಪ್ರಾಮುಖ್ಯತೆ ಹೊಂದಿದೆ.