Shah Rukh Khan ಕೆನ್ನೆಗೆ ಬಾರಿಸುತ್ತಿದ್ದೆ ಎಂದಿದ್ದರು ಜಯಾ ಬಚ್ಚನ್!​; ಯಾವ ಕಾರಣಕ್ಕಾಗಿ ಗೊತ್ತಾ?

ಬಾಲಿವುಡ್  ಖ್ಯಾತ ನಟ ಅಮಿತಾಭ್ ಬಚ್ಚನ್ ಅವರ ಹೆಂಡತಿ ಜಯಾ ಬಚ್ಚನ್ ನೇರ ನುಡಿಯ ಸ್ವಭಾವದವರು. ಏನೇ ಇದ್ದರು ಅದನ್ನು ಹಿಂದು ಮುಂದು ನೋಡದೆ ನೇರವಾಗಿ ಹೇಳುತ್ತಾರೆ. ಮಾಧ್ಯಮಗಳ ಮುಂದಾಗಲಿ ಅಥವಾ ಬೇರೆಯವರೆದುರಾಗಿ ಇದ್ದದ್ದನ್ನು ಇದ್ದ ಹಾಗೆಯೇ ಹೇಳುವ ಸ್ವಭಾವ ಅವರದ್ದು.

ಹಿಂದೊಮ್ಮೆ ನಟ ಶಾರುಖ್ ಖಾನ್ ಅವರ ಕೆನ್ನೆಗೆ ಬಾರಿಸುತ್ತಿದ್ದೆ ಎಂದು ಜಯಾ ಬಚ್ಚನ್ ಮಾಧ್ಯಮದವರ ಮುಂದೆ ನೇರವಾಗಿ ಹೇಳಿದ್ದರು.

ಹಲವು ವರ್ಷಗಳ ಹಿಂದೆ ಜಯಾ ಬಚ್ಚನ್ ಅವರು ಪೀಪಲ್ಸ್ ಮ್ಯಾಗಜಿನ್​ ಗೆ ಸಂದರ್ಶನ ನೀಡುವ ವೇಳೆ ಈ ವಿಚಾರವನ್ನು ಬಹಿರಂಗ ಪಡಿಸಿದ್ದರು.

2008ರಲ್ಲಿ ಕತ್ರಿನಾ ಕೈಫ್ ಅವರ ಹುಟ್ಟು ಹಬ್ಬದ ಸಮಯದಲ್ಲಿ ಶಾರುಖ್ ಖಾನ್ ಅವರು ಐಶ್ವರ್ಯಾ ರೈ ಬಗ್ಗೆ ಅಸಹ್ಯಕರ ಮಾತು ಮಾತನಾಡಿದ್ದರು. ಈ ವಿಚಾರ ತಿಳಿದು ಸಿಟ್ಟಾಗಿದ್ದ ಜಯಾ ಬಚ್ಚನ್​ ಆತ ನನ್ನ ಮನೆಯಲ್ಲಿ ಇರುತ್ತಿದ್ದರೆ ನನ್ನ ಮಗನಂತೆ ಆತನ ಕೆನ್ನಗೆ ಬಾರಿಸುತ್ತಿದ್ದೆ ಎಂದು ಹೇಳಿದ್ದರು.

ಆದರೆ ನಿಜವಾಗಿ ಶಾರುಖ್ ಖಾನ್ ಐಶ್ವರ್ಯಾ ರೈ ಬಗ್ಗೆ ಏನನ್ನೂ ಮಾತನಾಡಿರಲಿಲ್ಲ ಎಂದು ನಂತರ ದಿನಗಳಲ್ಲಿ ಸ್ಪಷ್ಟವಾಗಿತು.

ಇನ್ನು ಜಯಾ ಬಚ್ಚನ್ ಮತ್ತು ಶಾರುಖ್ ಖಾನ್ ಮಧ್ಯೆ ಇರುವ ಆತ್ಮೀಯತೆ ಅಮ್ಮ-ಮಗನ ಸಂಬಂಧಂತೆ. ಜಯಾ ಬಚ್ಚನ್ ಯಾವಾಗಲೂ ಶಾರುಖ್ ಖಾನ್ ನನ್ನ ವೀಕ್​ನೆಸ್ ಎಂದು ಹೇಳಿತ್ತಿರುತ್ತಾರೆ. ಶಾರುಖ್​ ಖಾನ್​ ಅವರನ್ನು ತಮ್ಮ ಮಗನಷ್ಟೇ ಪ್ರೀತಿಸುತ್ತಾರೆ.

ಸಲ್ಮಾನ್ ಖಾನ್ ಜೋಡಿಯಾಗಿ ಐಶ್ವರ್ಯಾ ರೈ ನಟಿಸುತ್ತಿದ್ದ ಚಿತ್ರವೊಂದರ ಶೂಟಿಂಗ್ ವೇಳೆ 'ಸಲ್ಮಾನ್ ಖಾನ್ ತಮ್ಮ ಜೊತೆ ಅಸಭ್ಯವಾಗಿ ನಡೆದುಕೊಂಡಿದ್ದರು' ಎಂದು ಐಶ್ವರ್ಯಾ ರೈ ಆರೋಪಿಸಿದ್ದರು. ಐಶ್ಯರ್ಯಾ ರೈ ತಮ್ಮ ಮೇಲಾದ ಹಲ್ಲೆ ಪ್ರಕರಣವನ್ನು ಧೈರ್ಯವಾಗಿ ಮಾಧ್ಯಮಗಳ ಮುಂದೆ ಹೇಳಿಕೊಂಡಿದ್ದರು.

ಈ ಕಾರಣಕ್ಕೆ ಶಾರುಖ್ ಖಾನ್ ಜತೆ ಐಶ್ಯರ್ಯಾ ರೈ ನಟಿಸಬೇಕಿದ್ದ 'ಚಲ್ತೆ ಚಲ್ತೆ' ಚಿತ್ರದಿಂದ ಐಶ್ವರ್ಯಾ ರೈ ಅವರನ್ನು ಹೊರಹಾಕಿ ನಟಿ ರಾಣಿ ಮುಖರ್ಜಿಯನ್ನು ಆಯ್ಕೆ ಮಾಡಿಕೊಳ್ಳಲಾಗಿತ್ತು.