Pushpa 2 | Samantha Ruth Prabhu | ಪುಷ್ಪ 2 ಸಿನಿಮಾದಲ್ಲಿ ಸಮಂತಾ ಬದಲು ಬಾಲಿವುಡ್ ನಟಿಯ ಆಗಮನ

ಕ್ರಿಯೇಟಿವ್ ಡೈರೆಕ್ಟರ್ ಸುಕುಮಾರ್ ಮತ್ತು ಅಲ್ಲು ಅರ್ಜುನ್ ಕಾಂಬೋದಲ್ಲಿ ಪುಷ್ಪ-2 ಸಿದ್ಧವಾಗುತ್ತಿದೆ. ಚಿತ್ರದ ಮುಂದುವರಿದ ಭಾಗವನ್ನು ಅಷ್ಟೇ ಅದ್ಧೂರಿತನದೊಂದಿಗೆ ತೆರೆಗೆ ತರಲು ಪ್ಲಾನ್ ಮಾಡಲಾಗುತ್ತಿದೆ.

ಪುಷ್ಪ ಚಿತ್ರ ಬಿಟೌನ್ ಸೇರಿದಂತೆ ಎಲ್ಲಾ ವರ್ಗದ ಜನರನ್ನು ತಲುಪಿತ್ತು. ಇದರ ಜೊತೆಗೆ ಕಲೆಕ್ಷನ್ ಲೆಕ್ಕದಲ್ಲಿಯೂ ದಾಖಲೆ ಬರೆದಿತ್ತು. ಇನ್ನು ಅಲ್ಲು ಅರ್ಜುನ್ ಅಭಿನಯಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದರು.

ಇನ್ನು ಚಿತ್ರದಲ್ಲಿ ಅಲ್ಲು ಅರ್ಜುನ್ ಗೆ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ನಟಿಸಿದ್ದರು. ಶ್ರೀವಲ್ಲಿಗೂ ವೀಕ್ಷಕರು ಫುಲ್ ಮಾರ್ಕ್ಸ್​ ನೀಡಿದ್ದರು. ಈ ಸಿನಿಮಾದ ಮತ್ತೊಂದು ವಿಶೇಷ ಅಂದ್ರೆ ಹಾಡುಗಳು. ಸಾಮಿ, ಸಾಮಿ ಮತ್ತು ಉ ಅಂಟವಾ ಹಾಡು ಸಖತ್ ಹಿಟ್ ಆಗಿತ್ತು.

ಪುಷ್ಪ ಚಿತ್ರದ ಸೀಕ್ವೆಲ್ ಪ್ಲಾನ್ ಮಾಡಿರುವ ಚಿತ್ರತಂಡ ಪ್ರತಿ ಪಾತ್ರದ ಬಗ್ಗೆ ಅತ್ಯಂತ ಎಚ್ಚರಿಕೆಯಿಂದ ತೆರೆ ಮೇಲೆ ತರಲು ಪ್ಲಾನ್ ಮಾಡುತ್ತಿದೆ. ಅದರಲ್ಲಿ ಉ ಅಂಟಾವ ಹಾಡು ಪಡ್ಡೆ ಹೈಕಳ ಎದೆಗೆ ಕಿಚ್ಚು ಹಚ್ಚಿತ್ತು.

ಈ ಬಾರಿ ಸಮಂತಾ ಬದಲಿಗೆ ಬಾಲಿವುಡ್ ನಟಿಯನ್ನು ಕರೆತರಲಾಗುತ್ತಿದೆ. ವಿಶೇಷ ಹಾಡಿಗೆ ಹೆಜ್ಜೆ ಹಾಕಲು ದಢಕ್ ಗರ್ಲ್ ಜಾಹ್ನವಿ ಕಪೂರ್ ಬರುತ್ತಿದ್ದಾರಂತೆ.

ಈಗಾಗಲೇ ಚಿತ್ರತಂಡ ನಟಿ ಜಾಹ್ನವಿ ಕಪೂರ್ ಅವರನ್ನು ಸಂಪರ್ಕ ಮಾಡಿದೆ. ನಟಿ ಸಹ ಚಿತ್ರದ ಪ್ರಸ್ತಾಪಕ್ಕೆ ಸಕಾರಾತ್ಮಕವಾಗಿ ಸ್ಪಂದಿಸಿದ್ದಾರೆ ಎಂದು ವರದಿಯಾಗಿದೆ. ವರದಿಗಳ ಪ್ರಕಾರ ಅತಿಥಿ ಪಾತ್ರದಲ್ಲಿ ನಟಿಸಲು ಜಾಹ್ನವಿ ಒಪ್ಪಿಕೊಂಡಿದ್ದಾರೆ ಎನ್ನಲಾಗಿದೆ.

ಪುಷ್ಪ 2 ಚಿತ್ರದಲ್ಲಿ ಬ್ಯುಸಿಯಾಗಿರುವ ಸುಕುಮಾರ್, ಈ ಚಿತ್ರದ ನಿರ್ಮಾಣ ಮತ್ತು ಔಟ್‌ಪುಟ್‌ನಲ್ಲಿ ಸಣ್ಣ ಮಿಸ್​ಟೇಕ್​ಗೆ ಅವಕಾಶ ನೀಡುತ್ತಿಲ್ಲವಂತೆ. ಚಿತ್ರದ ಯಾವುದೇ ಫೋಟೋ, ವಿಡಿಯೋ ಹೊರ ಬರದಂತೆ ಚಿತ್ರತಂಡಕ್ಕೆ ಸುಕುಮಾರ್ ಖಡಕ್ ಸಂದೇಶ ನೀಡಿದ್ದಾರೆ.

ಪುಷ್ಪ-2ರಲ್ಲಿ ಅನಸೂಯಾ ಪಾತ್ರ ಇನ್ನಷ್ಟು ಪವರ್ ಫುಲ್ ಆಗಲಿದೆಯಂತೆ. ಈ ಪಾತ್ರ ಅನಸೂಯಾ ಅವರ ರೇಂಜ್ ಹೆಚ್ಚಿಸಲಿದೆ ಎನ್ನಲಾಗಿದೆ. ಪುಷ್ಪ ಚಿತ್ರದಲ್ಲಿ ದಾಕ್ಷಾಯಣಿ ಪಾತ್ರದಲ್ಲಿ ಅನಸೂಯಾ ನಟಿಸಿದ್ದರು.