25 Years Of Titanic: ರೊಮ್ಯಾಂಟಿಕ್ ಪ್ರೇಮ ಕಥೆಗೆ 25 ವರ್ಷ! ಈಗಲೂ ಇದೆ ಟೈಟಾನಿಕ್​ ಮೋಡಿ

ಜೇಮ್ಸ್ ಕ್ಯಾಮರೂನ್ ಅವರ ಈ ಸಿನಿಮಾ 19 ಡಿಸೆಂಬರ್ 1997 ರಂದು ಬಿಡುಗಡೆಯಾಯಿತು. ಚಿತ್ರವು ಪ್ರಣಯ ಮತ್ತು ದುರಂತ ಕಥೆ. ಇದು ಆ ಸಮಯದಲ್ಲಿ ತಯಾರಾದ ಅತ್ಯಂತ ದುಬಾರಿ ಚಿತ್ರವಾಗಿತ್ತು. ಟಾಪ್ 3 ದುಬಾರಿ ಚಿತ್ರಗಳಲ್ಲಿ ಇಂದಿಗೂ ಯಾವುದೇ ಸಿನಿಮಾ ಇದನ್ನು ಬೀಟ್ ಮಾಡಲು ಸಾಧ್ಯವಾಗಿಲ್ಲ. ಈ ಚಿತ್ರವು RMS ಟೈಟಾನಿಕ್ ಮುಳುಗುವ ಘಟನೆಯನ್ನು ಆಧರಿಸಿದೆ. ಜೇಮ್ಸ್ ಈ ಭಾವನಾತ್ಮಕ ಕಥೆಯನ್ನು ವಿಭಿನ್ನ ರೀತಿಯಲ್ಲಿ ತೋರಿಸಲು ಬಯಸಿದ್ದರು. ಆದ್ದರಿಂದ ಅವರು ದುರಂತದ ಜೊತೆ ಪ್ರೀತಿಯ ಆ್ಯಂಗಲ್ ಕೊಟ್ಟರು.

ಚಿತ್ರದ ಮೂಲಕ ಲವಬಲ್ ಕಪಲ್ ಆಗಿ ಕಾಣಿಸಿಕೊಂಡ ಕ್ಯಾಟ್ ವಿನ್ಸ್ಲೆಟ್ ಮತ್ತು ಲಿಯೊನಾರ್ಡೊ ಡಿಕಾಪ್ರಿಯೊ ಈ ಚಿತ್ರಕ್ಕೆ ಮೊದಲ ಆಯ್ಕೆಯಾಗಿರಲಿಲ್ಲ. ಈ ಹಿಂದೆ ಚಿತ್ರಕ್ಕಾಗಿ ಗವಿಂತ್ ಪಾಲ್ಟ್ರೋ ಮತ್ತು ಮ್ಯಾಥ್ಯೂ ಮೆಕ್‌ನಾಘೆ ಅವರೊಂದಿಗೆ ಮಾತುಕತೆ ನಡೆಸಲಾಯಿತು. ಆದರೆ ಅದು ವರ್ಕೌಟ್ ಆಗಲಿಲ್ಲ. ಇದಾದ ನಂತರ ಕ್ಯಾಟ್ ಮತ್ತು ಲಿಯೋ ಹೆಸರುಗಳು ಜೇಮ್ಸ್ ಆಯ್ಕೆಯಾಗಿದ್ದಾರೆ.

ಚಿತ್ರದಲ್ಲಿ ತೋರಿಸಿರುವ ಮುಳುಗಿರುವ ಟೈಟಾನಿಕ್ ನ ತುಣುಕು ನೈಜವಾಗಿದೆ. ಡೈವಿಂಗ್ ಮೂಲಕ, ಅವರು ಮೂಲ ಟೈಟಾನಿಕ್ ಹಡಗಿನ ತುಣುಕನ್ನು ಸೆರೆಹಿಡಿದರು.

ಕ್ಯಾಮೆರೂನ್ ತನ್ನ ಚಿತ್ರದಲ್ಲಿ ಎಲ್ಲವೂ ನೈಜ್ಯವಾಗಿರಬೇಕೆಂದು ಬಯಸಿದ್ದರು. ಈ ಕಾರಣಕ್ಕಾಗಿ, ಚಿತ್ರದಲ್ಲಿ ಬಳಸಲಾದ 'ಟೈಟಾನಿಕ್' ಹಡಗಿನ ಅನೇಕ ವಸ್ತುಗಳನ್ನು ಮೂಲ ಟೈಟಾನಿಕ್‌ಗಾಗಿ ತಯಾರಿಸಿದ ಅದೇ ಕುಶಲಕರ್ಮಿಗಳು ತಯಾರಿಸಿದ್ದಾರೆ.

ಸಿನಿಮಾ ತೆರೆಗೆ ಬಂದ ಮೇಲೆ ಇದು ಹಲವು ದಾಖಲೆಗಳನ್ನು ಮಾಡಿತು. ಈ ಚಿತ್ರವು 11 ಆಸ್ಕರ್ ಪ್ರಶಸ್ತಿಗಳೊಂದಿಗೆ ಇತರ ಅನೇಕ ಪ್ರಶಸ್ತಿಗಳನ್ನು ಪಡೆದಿದೆ. ಆದರೆ ಈ ಸಿನಿಮಾ ನಟನೆಗಾಗಿ ಒಂದೇ ಒಂದು ಆಸ್ಕರ್ ಅನ್ನು ಕೂಡಾ ಪಡೆದಿಲ್ಲ.

ಚಿತ್ರದ ಕೊನೆಯ ದೃಶ್ಯದಲ್ಲಿ, ಕ್ಯಾಟ್ ನೀರಿನಲ್ಲಿ ಬಹಳ ಸಮಯ ಇದ್ದ ಪರಿಣಾಮ ಅನಾರೋಗ್ಯದಿಂದ ಬಳಲಿದರು. ಲಿಯೋ ಮತ್ತು ತನಗೆ ನೀರಿನಲ್ಲಿ ದೀರ್ಘಕಾಲ ಶೂಟ್ ಮಾಡುವುದು ತುಂಬಾ ಕಷ್ಟಕರವಾಗಿತ್ತು ಎಂದು ಕ್ಯಾಟ್ ತನ್ನ ಸಂದರ್ಶನದಲ್ಲಿ ಹೇಳಿದ್ದಾರೆ.

ಚಿತ್ರದ ಒಂದು ದೃಶ್ಯದಲ್ಲಿ, ರೋಸ್‌ನ ರೇಖಾಚಿತ್ರವನ್ನು ಜಾಕ್ ತಯಾರಿಸಿದ್ದಾರೆ. ಈ ಸ್ಕೆಚ್ ಅನ್ನು ಸ್ವತಃ ನಿರ್ದೇಶಕ ಜೇಮ್ಸ್ ಕ್ಯಾಮರೂನ್ ಮಾಡಿದ್ದಾರೆ. ಜ್ಯಾಕ್‌ನ ಕೈಯಲ್ಲಿ ಕಂಡುಬರುವ ಇತರ ಚಿತ್ರಗಳನ್ನು ಸಹ ಕ್ಯಾಮೆರಾನ್ ತಯಾರಿಸಿದ್ದಾರೆ.

ಕ್ಯಾಮರೂನ್ ಚಿತ್ರದಲ್ಲಿ ಯಾವುದೇ ಹಾಡುಗಳನ್ನು ಬಯಸಲಿಲ್ಲ. ಅವರು ಚಿತ್ರದುದ್ದಕ್ಕೂ ಒಂದು ನಿರ್ದಿಷ್ಟ ಸಂಗೀತ ಮಾತ್ರ ಇರಲಿ ಎಂದು ಬಯಸಿದ್ದರು. ಆದರೆ ನಂತರ ಜೇಮ್ಸ್ ಹಾರ್ನರ್ ರಹಸ್ಯವಾಗಿ 'ಮೈ ಹಾರ್ಟ್ ವಿಲ್ ಗೋ...' ಹಾಡನ್ನು ರಚಿಸಿದರು. ಈ ಹಾಡನ್ನು ಕ್ಯಾಮೆರಾನ್‌ಗೆ ವಿವರಿಸಿದಾಗ, ನಿರ್ದೇಶಕ ಅದನ್ನು ನಿರಾಕರಿಸಲು ಸಾಧ್ಯವಾಗಲಿಲ್ಲ. ನಂತರ ಈ ಹಾಡು ದೊಡ್ಡ ಹಿಟ್ ಆಯಿತು.