Jacqueline Fernandez: ರಕ್ಕಮ್ಮನ ಲುಕ್ ನೋಡಿ ಜುಂಬ ಜುಂಬ ಹೋ ಹೋ ಎಂದ ನೆಟ್ಟಿಗರು! ಜಾಕ್ಲಿನ್ ಟ್ರೋಲ್

68ನೇ ಹ್ಯೂಂಡೈ ಫಿಲ್ಮ್​ಫೇರ್ ಅವಾರ್ಡ್ಸ್ 2023ರಲ್ಲಿ ಜಾಕ್ಲಿನ್ ಫರ್ನಾಂಡಿಸ್ ವಿಭಿನ್ನವಾದ ಲುಕ್​ನಲ್ಲಿ ಕಾಣಿಸಿಕೊಂಡರು. ನಟಿ ರೆಡ್​ ಕಾರ್ಪೆಟ್​ನಲ್ಲಿ ಬುಡಕಟ್ಟು ಜನಾಂಗದಿಂದ ಪ್ರೇರೇಪಿತವಾಗಿರುವಂತಹ ಒಂದು ಡ್ರೆಸ್ ಧರಿಸಿದ್ದರು. ನಟಿ ಈಗ ತಮ್ಮ ಸ್ಟನ್ನಿಂಗ್ ಲುಕ್​ನ ಫೋಟೋಗಳನ್ನು ಶೇರ್ ಮಾಡಿದ್ದಾರೆ.

ನಟಿ ಜಾಕ್ಲಿನ್ ಅವರ ಫೊಟೋಗಳು ಸೋಷಿಯಲ್ ಮಿಡಿಯಾದಲ್ಲಿ ಸಖತ್ ವೈರಲ್ ಆಗಿವೆ. ನಟಿಯ ಗ್ಲಾಮರಸ್ ಫೋಟೋಸ್ ನೋಡಿ ಒಂದಷ್ಟು ಜನರು ಸೂಪರ್ ಅಂತ ಕಮೆಂಟ್ ಮಾಡಿದ್ದರೆ ಇನ್ನು ಕೆಲವರು ಹಿಗ್ಗಾಮುಗ್ಗ ಟ್ರೋಲ್ ಮಾಡಿಬಿಟ್ಟಿದ್ದಾರೆ.

ವೀಕೆಂಡ್​ನಲ್ಲಿ ಜಾಕ್ಲಿನ್ ಅಭಿಮಾನಿಗಳಿಗಾಗಿ ಭರ್ಜರಿ ಫೋಟೋಸ್ ಶೇರ್ ಮಾಡಿದ್ದಾರೆ. ಫಿಲ್ಮ್​ಫೇರ್ 2023 ಎಂದು ಈ ಪೋಸ್ಟ್​ಗೆ ಜಾಕ್ಲಿನ್ ಕ್ಯಾಪ್ಶನ್ ಕೊಟ್ಟಿದ್ದಾರೆ. ಅವರ ಫಾಲೋವರ್ಸ್ ಫೋಟೋಗಳಿಗೆ ಹಾರ್ಟ್ ಹಾಗೂ ಫೈರ್ ಎಮೋಜಿಯನ್ನು ಕಮೆಂಟ್ ಮಾಡಿದ್ದಾರೆ.

ಜಾಕ್ಲಿನ್ ಧರಿಸಿದ್ದ ಡ್ರೆಸ್ ನಿಜಕ್ಕೂ ಗಮನಾರ್ಹವಾಗಿತ್ತು. ಇದು ನೋಡುಗರ ಗಮನವನ್ನು ತಟ್ಟನೇ ತಮ್ಮ ಕಡೆ ಸೆಳೆಯುವಂತಿತ್ತು. ನಟಿಯ ಮಿನಿ ಸ್ಕರ್ಟ್​ನಲ್ಲಿ ಗರಿಗಳು ಹಾಗೂ ಬೊಹೊ ಸ್ಟೈಲ್ ಬೆಲ್ಟ್ ಅಳವಡಿಸಲಾಗಿತ್ತು. ಸಿಂಗಲ್ ಶೋಲ್ಡರ್ ಟಾಪ್ ಆಕರ್ಷಕವಾಗಿತ್ತು.

ವಿಭಿನ್ನ ಬಣ್ಣಗಳಿಂದ ಮಾಡಿದ್ದ ಡ್ರೆಸ್​ನಲ್ಲಿ ಸೊಂಟದ ಭಾಗದಲ್ಲಿ ಚಂದದ ಗರಿಗಳಂತಹ ಮೆಟೀರಿಯಲ್ ಫಿಕ್ಸ್ ಮಾಡಿದ್ದು ಜಾಕ್ಲಿನ್ ಥೇಟ್ ಬುಡಕಟ್ಟು ಜನಾಂಗದ ಯುವತಿಯಂತೆಯೇ ಈ ಫೋಟೋದಲ್ಲಿ ಕಂಗೊಳಿಸಿದ್ದಾರೆ.

ಜಾಕ್ಲಿನ್ ನೆಲಕ್ಕೆ ತಾಗುವಷ್ಟು ನೀಳವಾದ ಶ್ರಗ್ ಧರಿಸಿದ್ದರು. ಇದಕ್ಕೂ ಹಲವಾರು ಗರಿಗಳನ್ನು ಜೋಡಿಸಿ ಅಲಂಕರಿಸಲಾಗಿತ್ತು. ಇದು ಟ್ರೈಬಲ್ ಫ್ಯಾಷನ್ ಗೋಲ್ಸ್ ಹೈಲೈಟ್ ಮಾಡುವಂತಿತ್ತು.

ಜಾಕ್ಲಿನ್ ಈ ಒಂದು ಲುಕ್​ನಲ್ಲಿ ವಿಶೇಷವಾದ ಐಟಂಗಳನ್ನು ಹಿಡಿದುಕೊಂಡಿದ್ದರು. ಕಾಲಿಗೂ ಗರಿಗಳನ್ನು ಕಟ್ಟಿದ್ದರು. ಕೈಯಲ್ಲಿ ಬಣ್ಣ ಬಣ್ಣದ ಒಂದು ಆಯುಧವೂ ಇತ್ತು. ಇದು ನಟಿಯ ಓವರ್ ಆಲ್ ಟ್ರೈಬಲ್ ಲುಕ್​ನ ತೂಕವನ್ನು ಮತ್ತಷ್ಟು ಹೆಚ್ಚಿಸಿದೆ.

ಸೆಲೆಬ್ರಿಟಿ ಮೇಕಪ್ ಆರ್ಟಿಸ್ಟ್ ಶಾನ್ ಮಿತ್ತಲ್ ಮೇಕಪ್ ಮಾಡಿದ್ದು, ಗರಿಗಳಿಂದ ಮಾಡಿರುವಂತಹ ಇಯರಿಂಗ್ಸ್ ಧರಿಸಿದ್ದರು. ಇದರ ಬಣ್ಣವೂ ಆಕರ್ಷಕವಾಗಿತ್ತು. ಗುಂಗುರಾಗಿ ಕರ್ಲ್ ಮಾಡಲಾಗಿದ್ದ ಕೂದಲು ವೈಲ್ಡ್ ಲುಕ್ ಕೊಟ್ಟಿದೆ.

ನಟಿ ಸ್ಮೋಕಿ ಐ ಶ್ಯಾಡೋ, ಸ್ಟೈಲಿಷ್ ಐ ಲೈನರ್, ಗಾಢವಾಗಿ ಕಾಣುವ ಮಸ್ಕಾರ, ಗಾಢ ಕಪ್ಪು ಹುಬ್ಬುಗಳು, ನ್ಯೂಡ್ ಲಿಪ್​ಸ್ಟಿಕ್ ಬಳಸಿ ತಮ್ಮ ಲುಕ್ ಕಂಪ್ಲೀಟ್ ಮಾಡಿದ್ದಾರೆ. ಅವರ ಈ ಫೋಟೋಸ್ ವೈರಲ್ ಆಗಿದ್ದರೂ ನೆಟ್ಟಿಗರು ಮಾತ್ರ ಲುಂಬ ಲುಂಬ ಹೋ ಹೋ ಎಂದು ಕಮೆಂಟ್ ಮಾಡಿ ನಟಿಯ ಕಾಲೆಳೆಯುತ್ತಿದ್ದಾರೆ.