Oscar Win: ಭಾರತ ಆಸ್ಕರ್ ಗೆದ್ದಿದ್ದಲ್ಲ, ಖರೀದಿಸಿದ್ದು! ಜಾಕ್ಲಿನ್ ಮೇಕಪ್ ಆರ್ಟಿಸ್ಟ್​ನ ವಿವಾದಾತ್ಮಕ ಹೇಳಿಕೆ

ತ್ರಿಬಲ್ ಆರ್ ಸಿನಿಮಾದ ಭರ್ಜರಿ ಹಿಟ್ ಸಾಂಗ್ ನಾಟು ನಾಟು ಬೆಸ್ಟ್ ಒರಿಜಿನಲ್ ಸಾಂಗ್ ವಿಭಾಗದಲ್ಲಿ ಆಸ್ಕರ್ ಪ್ರಶಸ್ತಿ ಗೆದ್ದಿದೆ. ಇದು ಭಾರತೀಯ ಚಿತ್ರರಂಗದಲ್ಲಿ ಐತಿಹಾಸಿಕ ಗೆಲುವು. ದೇಶವೇ ಹೆಮ್ಮೆ ಪಟ್ಟ ಕ್ಷಣ.

ಎಲಿಫೆಂಟ್ ವಿಸ್ಪರ್ಸ್ ಹಾಗೂ ನಾಟು ನಾಟು ಆಸ್ಕರ್ ಪ್ರಶಸ್ತಿ ಗೆದ್ದಿತು. ಆದರೆ ಈ ಗೆಲುವನ್ನು ನಟಿ ಜಾಕ್ಲಿನ್ ಫರ್ನಾಂಡಿಸ್ ಮೇಕಪ್ ಆರ್ಟಿಸ್ಟ್ ಟೀಕಿಸಿದ್ದಾರೆ. ಅವರ ಹೇಳಿಕೆ ವೈರಲ್ ಆಗಿದೆ.

ಇದೇ ಮೊದಲಬಾರಿಗೆ ಭಾರತದ ಎರಡು ಪ್ರೊಡಕ್ಷನ್ ಆಸ್ಕರ್ ಗೆದ್ದುಕೊಂಡಿದೆ. ದೇಶಾದ್ಯಂತ ಸಿನಿಪ್ರೇಮಿಗಳು ಈ ಗೆಲುವನ್ನು ಸಂಭ್ರಮಿಸಿದ್ದಾರೆ.

ಜಾಕ್ಲಿನ್ ಅವರ ಮೇಕಪ್ ಆರ್ಟಿಸ್ಟ್ ಹಾಗೂ ಸ್ನೇಹಿತ ಶಾನ್ ಮುಟ್ಟತ್ತಿಲ್ ಅವರು ಆಸ್ಕರ್ ಗೆಲುವನ್ನು ಟೀಕಿಸಿದ್ದಾರೆ. ಅವರ ಹೇಳಿಕೆಗೆ ತೀವ್ರ ಟೀಕೆ ಎದುರಾಗಿದೆ.

ನಾಟು ನಾಟು ಹಾಡಿನ ಐತಿಹಾಸಿಕ ಗೆಲುವನ್ನು ಸಂಭ್ರಮಿಸಿದ ಪೋಸ್ಟ್ ಒಂದಕ್ಕೆ ಕಮೆಂಟ್ ಮಾಡಿದ ಅವರು, ಇದು ತುಂಬಾ ತಮಾಷೆಯಾಗಿದೆ. ಭಾರತದಲ್ಲಿ ಮಾತ್ರ ಅವಾರ್ಡ್ಸ್​ ಖರೀದಿಸಲು ಸಾಧ್ಯವಾಗುತ್ತೆ ಅಂದುಕೊಂಡಿದ್ದೆ ಎಂದಿದ್ದಾರೆ.

ಆದರೆ ಈಗ ಆಸ್ಕರ್ ಕೂಡಾ ಬಂತು. ಹಣ ಇದ್ದಾಗ ಎಲ್ಲವೂ ಸಾಧ್ಯವಾಗುತ್ತದೆ. ಆಸ್ಕರ್ ಕೂಡಾ ಎಂದು ವ್ಯಂಗ್ಯ ಮಾಡಿ ಶಾನ್ ಕಮೆಂಟ್ ಮಾಡಿದ್ದಾರೆ.

ಈ ಕಮೆಂಟ್ ವೈರಲ್ ಆಗುತ್ತಿದ್ದಂತೆ ಪ್ರತಿಕ್ರಿಯಿಸಿದ ನೆಟ್ಟಿಗರು ಇದು ಅಸೂಯೆಯ ಪ್ರತಿಕ್ರಿಯೆ ಎಂದಿದ್ದಾರೆ. ಆದರೂ ಸಂಭ್ರಮಿಸಬೇಕಾದ ಸಂದರ್ಭದಲ್ಲಿ ಅಸೂಯೆ ಮಾಡ್ತಿದ್ದೀರಲ್ಲಾ, ಸಣ್ಣ ಬುದ್ದಿ ಎಂದಿದ್ದಾರೆ ನೆಟ್ಟಿಗರು.