Jaggesh: ಐ ತೇರಿ ಲಕಡಿ ಪಕಡಿ ಜುಮ್ಮ! ಜಗ್ಗೇಶಣ್ಣನ​ ಯೋಗ ಸೂಪರೋ ಸೂಪರ್

ಪ್ರತಿ ವರ್ಷ ಇಂದಿನ ದಿನವನ್ನು (ಜೂನ್ 21) ವಿಶ್ ಯೋಗ ದಿನವನ್ನಾಗಿ ಆಚರಿಸಲಾಗುತ್ತದೆ. ಯೋಗದ ಮಹತ್ವ, ಯೋಗದ ಆರೋಗ್ಯಕರ ಪರಿಣಾಮಗಳನ್ನು ಪಸರಿಸಲು ಈ ದಿನವನ್ನು ಆಚರಿಸಲಾಗುತ್ತದೆ. ಈ ದಿನದ ಪ್ರಯುಕ್ತ ಸ್ಯಾಂಡ್​ಲ್ ವುಡ್ ಹಿರಿಯ ನಟ ಜಗ್ಗೇಶ್ ಸಹ ಯೋಗ ಮಾಡುವ ಮೂಲಕ ಯೋಗ ದಿನವನ್ನು ಆಚರಿಸಿದ್ದಾರೆ.

ಸ್ಯಾಂಡಲ್​ವುಡ್ ನಟ, ರಾಜ್ಯಸಭಾ ಸದ್ಯರಾಗಿರುವ ಜಗ್ಗೇಶ್ ಯೋಗ ದಿನಾಚರಣೆಯಲ್ಲಿ ಭಾಗಿಯಾಗಿ ಯೋಗದಿನವನ್ನು ಆಚರಿಸಿದ್ದಾರೆ. ಈ ವೇಳೆ ಮಾತನಾಡಿದ ಅವರು, ಇಂದಿಗೂ ನಾನು ಮೇಕಪ್ ಹಾಕಿಕೊಂಡಲ್ಲಿ 30 ವರ್ಷದವನಂತೆ ಕಾಣುತ್ತೇನೆ. ಇದಕ್ಕೆ ಯೋಗವೇ ಕಾರಣ‘ ಎಂದು ಹೇಳಿದ್ದಾರೆ.

ಯೋಗ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಜಗ್ಗೇಶ್ ಸಹ ಯೋಗಾಸನದ ಭಂಗಿಗಳನ್ನು ಹಾಖುವ ಮೂಲಕ ತಮ್ಮ ಫಿಟ್​ನೆಸ್​ ಅನ್ನು ತೋರಿಸಿದರು. ಅಲ್ಲದೇ ಯೋಗದ ಮಹತ್ವಗಳನ್ನು ಸಹ ತಿಳಿಸಿಕೊಟ್ಟರು.

ಯೋಗ ದಿನಾಚರಣೆಯನ್ನು ಕೇವಲ ಒಂದು ದಿನದ ಆಚರಣೆ ಆಗಬಾರದು. ನಿತ್ಯವೂ ಯೋಗ ಮಾಡಬೇಕು. ಯಾವ ಮನುಷ್ಯ ಯೋಗವನ್ನು ಮಾಡುವುದರಿಮದ ದೇಹವು ಆರೋಗ್ಯವಾಗಿರುತ್ತದೆ. ಆತನು ಶಾಂತಚಿತ್ತನಾಗಿರುತ್ತಾನೆ,ಎಂದು ಹೇಳಿದ್ದಾರೆ. ಈ ಮೂಲಕ ಯೋಗದ ಪ್ರಯೋಜನಗಳನ್ನು ತಿಳಿಸಿದ್ದಾರೆ.

ಇನ್ನು, ಕಳೆದ ದಿನ ನರೇಂದ್ರ ಮೋದಿ ಅವರು ರಾಜ್ಯಕ್ಕೆ ಆಗಮಿಸಿದ್ದು, ಈ ವೇಳೆ ಜಗ್ಗೇಶ್ ಅವರು ಮೋದಿ ಅವರನ್ನು ಭೇಟಿ ಆಗಿದ್ದಾರೆ. ಅಲ್ಲದೇ ರಾಜ್ಯಸಭಾ ಚುನಾವಣೆಯಲ್ಲಿ ಗೆಲುವು ದಾಖಲಿಸಿದ್ದರು.

ಇನ್ನು, ಜಗ್ಗೇಶ್ ನಟನೆಯ ಬಹುನಿರೀಕ್ಷಿತ ರಾಘವೇಂದ್ರ ಸ್ಟೋರ್ ಚಿತ್ರವು ಇದೇ ವರ್ಷ ಆಗಷ್ಟ್ 5ರಂದು ಅಂದರೆ ವರಮಹಾಲಕ್ಷ್ಮಿ ಹಬ್ಬದಂದು ಬಿಡುಗಡೆಯಾಗುತ್ತಿರುವುದಾಗಿ ಚಿತ್ರತಂಡ ತಿಳಿಸಿದೆ.

ಅಲ್ಲದೇ ನಟ ಜಗ್ಗೇಶ್ ಅವರ ನಿರೀ್ಕಷಿತ ತೋತಾಪುರಿ ಚಿತ್ರ ಸಹ ಬಿಡುಗಡೆಗೆ ಸಿದ್ಧವಾಗಿದ್ದು, ಇದೂ ಅಹ ಹೆಚ್ಚು ನಿರೀಕ್ಷೆಯನ್ನು ಹೊಂದಿದೆ, ಈಗಾಗಲೇ ಬಿಡುಗಡೆಯಾಗಿರುವ ಚಿತ್ರದ ಟ್ರೈಲರ್ ಗೆ ಮೆಚ್ಚುಗೆ ವ್ಯಕ್ತವಾಗಿದ್ದು, ಚಿತ್ರದ ಮೇಲಿನ ನಿರೀಕ್ಷೆಯನ್ನು ದುಪ್ಪಟ್ಟಾಗಿದೆ.