Highest Paid Actors: ಅಬ್ಬಬ್ಬಾ ಈ ಸ್ಟಾರ್ ನಟರ ಸಂಭಾವನೆ 100 ಕೋಟಿಗೂ ಹೆಚ್ಚು! ಇಲ್ಲಿದೆ ದುಬಾರಿ ನಾಯಕರ ಲಿಸ್ಟ್​

100 ಕೋಟಿಗೂ ಹೆಚ್ಚು ಸಂಭಾವನೆ ಪಡೆಯುವ ನಟರ ಲಿಸ್ಟ್​ನಲ್ಲಿ ಭಾರತದ ಶ್ರೀಮಂತ ನಟ ಶಾರುಖ್ ಖಾನ್ ಮೊದಲಿಗರಾಗಿದ್ದಾರೆ. ವರದಿಗಳ ಪ್ರಕಾರ ಪಠಾಣ್ ಸಿನಿಮಾದಲ್ಲಿ ನಟಿಸಲು ಸಂಭಾವನೆ ಶಾರುಖ್ ಖಾನ್ 120 ಕೋಟಿ ಪಡೆದಿದ್ದಾರೆ. ಅಷ್ಟೇ ಅಲ್ಲದೇ ಚಿತ್ರದ ಲಾಭದಲ್ಲಿ ಶೇಕಡಾ 60ರಷ್ಟನ್ನು ಶಾರುಖ್ ಪಡೆದಿದ್ದಾರಂತೆ.

100 ಕೋಟಿಗೂ ಹೆಚ್ಚು ಸಂಭಾವನೆ ಪಡೆಯುವ ಮತ್ತೊಬ್ಬ ನಟ ಅಮೀರ್ ಖಾನ್. 1 ಸಿನಿಮಾದಲ್ಲಿ ನಟಿಸಲು ಅಮೀರ್ ಖಾನ್ 100 ರಿಂದ 150 ಕೋಟಿ ಸಂಭಾವನೆ ಪಡೆಯುತ್ತಾರಂತೆ. ಇಷ್ಟೇ ಅಲ್ಲದೆ, ಸಿನಿಮಾದಲ್ಲಿ ಸಿಕ್ಕ ಲಾಭದಲ್ಲಿ ಅಮೀರ್ 70 ಪ್ರತಿಶತದಷ್ಟು ಪಡೆಯುತ್ತಾರಂತೆ.

ಸಂಭಾವನೆಯಲ್ಲಿ ಮುಂಚೂಣಿಯಲ್ಲಿರುವ ಮತ್ತೊಬ್ಬ ನಟ ಸಲ್ಮಾನ್ ಖಾನ್. ಕೊನೆಯದಾಗಿ ಬಿಡುಗಡೆಯಾದ ಟೈಗರ್ ಜಿಂದಾ ಹೈ ಸಿನಿಮಾಗಾಗಿ 130 ಕೋಟಿ ರೂ ಸಂಭಾವನೆ ಪಡೆದಿದ್ದಾರೆ. ಚಿತ್ರದ ಲಾಭದಲ್ಲಿ ಸಲ್ಮಾನ್​ಗೂ ಪಾಲು ಸಿಕ್ಕಿದೆ.

ಸಂಭಾವನೆಯಲ್ಲಿ ಮುಂಚೂಣಿಯಲ್ಲಿರುವ ಮತ್ತೊಬ್ಬ ಸ್ಟಾರ್ ತೆಲುಗಿನ ಸೂಪರ್ ಸ್ಟಾರ್ ಅಲ್ಲು ಅರ್ಜುನ್, ಪುಷ್ಪ ಸಿನಿಮಾ ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿರುವ ಅಲ್ಲು ಪುಷ್ಪ 2 ಚಿತ್ರಕ್ಕಾಗಿ 125 ಕೋಟಿ ಸಂಭಾವನೆ ಪಡೆದಿದ್ದಾರೆ ಎಂಬ ಸುದ್ದಿ ಎಲ್ಲೆಡೆ ವೈರಲ್ ಆಗಿದೆ.

ಬಾಹುಬಲಿ ಸಿನಿಮಾ ಹಿಟ್ ಬಳಿಕ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮೆರೆಯುತ್ತಿರುವ ಪ್ರಭಾಸ್ ಚಿತ್ರವೊಂದಕ್ಕೆ 100 ಕೋಟಿ ತೆಗೆದುಕೊಳ್ಳುತ್ತಾರಂತೆ. ಬಾಹುಬಲಿ ನಂತರ, ಪ್ರಭಾಸ್ಗೆ ಯಾವುದೇ ಹಿಟ್ ಚಿತ್ರವಿಲ್ಲದಿದ್ದರೆ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಪ್ರಭಾಸ್ ಇದ್ದಾರೆ.

ಬಾಲಿವುಡ್, ಟಾಲಿವುಡ್ ಮಾತ್ರವಲ್ಲ, ಕಾಲಿವುಡ್ ನಲ್ಲೂ 100 ಕೋಟಿಗೂ ಹೆಚ್ಚು ಸಂಭಾವನೆ ಪಡೆಯುವ ಹೀರೋಗಳಿದ್ದಾರೆ. ವಿಜಯ್ 120 ರಿಂದ 150 ಕೋಟಿ ರೂ. ಪಡೆಯುತ್ತಾರೆ. ಇತ್ತೀಚಿಗೆ ರಿಲೀಸ್ ಆದ ವಾರಿಸು ಸಿನಿಮಾಗಾಗಿ ವಿಜಯ್ 125 ಕೋಟಿ ಪಡೆದಿದ್ದಾರೆ.

100 ಕೋಟಿಗೂ ಹೆಚ್ಚು ಸಂಭಾವನೆ ಪಡೆಯುವ ಮತ್ತೊಬ್ಬ ನಟ ರಜನಿಕಾಂತ್, ಹಲವು ದಶಕಗಳಿಂದ ಸೂಪರ್ ಸ್ಟಾರ್ ಆಗಿ ರಜನಿಕಾಂತ್ ಮಿಂಚುತ್ತಿದ್ದಾರೆ. ಒಂದು ಚಿತ್ರಕ್ಕೆ 150 ಕೋಟಿ ಸಂಭಾವನೆ ಪಡೆಯುತ್ತಾರೆ. ಬಿಗ್ ಬಜೆಟ್ ಮೂವಿಗಳನ್ನೇ ಹೆಚ್ಚಾಗಿ ಮಾಡ್ತಾರೆ.

ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳು ಫ್ಲಾಪ್ ಆಗುತ್ತಿದ್ದರೂ ಸಂಭಾವನೆ ವಿಚಾರದಲ್ಲಿ ಅಕ್ಷಯ್ ಕುಮಾರ್ ಮುಂದಿದ್ದಾರೆ. ಈ ನಟ ತನ್ನ ಹೊಸ ಚಿತ್ರ ಬಡೇ ಮಿಯಾನ್ ಛೋಟೆ ಮಿಯಾನ್​ನಲ್ಲಿ ನಟಿಸಲು 135 ಕೋಟಿ ರೂ. ಸಂಭಾವನೆ ಪಡೆದಿದ್ದಾರಂತೆ.