Bhumika Chawla: ಬಾಲಕನ ಜೊತೆ ರೊಮ್ಯಾನ್ಸ್ ಮಾಡಬೇಕು ಎಂದ 44ರ ನಟಿ! ಅಯ್ಯೋ ಮೇಡಂ ನಿಮಗೇನಾಗಿದೆ ಎಂದ ನೆಟ್ಟಿಗರು

ಮನೋರಂಜನಾ ಲೋಕದಲ್ಲಿ ಹೀರೋಗಳಷ್ಟು ಬಾಳ್ವಿಕೆ ಹೀರೋಯಿನ್​ಗಳಿಗಿಲ್ಲ. ಬಾಲಿವುಡ್​ನ ಸ್ಟಾರ್ ನಟರು 60ರ ನಂತರವೂ 20ರ ನಟಿಯ ಜೊತೆ ರೊಮ್ಯಾನ್ಸ್ ಮಾಡುತ್ತಾರೆ. ಇದು ತುಂಬಾ ಕಾಮನ್. ಸೌತ್​ನಲ್ಲಿಯೂ ಈ ಪದ್ಧತಿ ಇದೆ. ಆದರೆ ಹೀರೋಯಿನ್​ಗಳ ಕಥೆ ಹೀಗಲ್ಲ.

ಹೀರೋಯಿನ್​​ಗಳಿಗೆ 30 ವರ್ಷ ಕಳೆಯುತ್ತಿದ್ದಂತೆ ಹೀರೋಯಿನ್ ಡಿಮ್ಯಾಂಡ್ ಕಮ್ಮಿಯಾಗುತ್ತದೆ. 35 ಕಳೆದ ಮೇಲಂತೂ ಅತ್ತಿಗೆ, ಅಮ್ಮ, ಅಕ್ಕನ ಪಾತ್ರಗಳು ಫಿಕ್ಸ್. ಹಾಗಾಗಿ ನಟಿಯರು ಹೀರೋಯಿನ್​ಗಳಾಗಿ ಮೆರೆಯೋ ಆ ಸುವರ್ಣ ಕಾಲಾವಧಿ ಅವರ ಕೆರಿಯರ್​ನಲ್ಲಿ ಪ್ರಮುಖವಾಗಿರುತ್ತದೆ.

ಆದರೆ ಅಂದಿನಿಂದಲೂ ನಟಿಯರಿಗೆ ಹೀರೋಯಿನ್ ಆಗಿ ಉಳಿಯುವ ಕಾಲಾವಧಿ ಕಮ್ಮಿ ಇದೆ. ಗರಿಷ್ಠ 10 ವರ್ಷ ಒಬ್ಬ ನಟಿ ಹೀರೋಯಿನ್ ಆಗಿಯೇ ಫೀಲ್ಡ್​ನಲ್ಲಿರುತ್ತಾರೆ. ಇದಕ್ಕೆ ಭೂಮಿಕಾ ಚಾವ್ಲಾ ಕೂಡಾ ಹೊರತಲ್ಲ.

ನಟಿ ಭೂಮಿಕಾ ಚಾವ್ಲಾ ಅವರು ಈ ಬಗ್ಗೆ ಇತ್ತೀಚೆಗೆ ಮಾತನಾಡಿದ್ದಾರೆ. ಈ ರೀತಿಯ ತಾರತಮ್ಯ ನನಗೆ ಇಷ್ಟವಿಲ್ಲ ಎಂದು ಮುಕ್ತವಾಗಿ ಹೇಳಿದ್ದಾರೆ. ನಟಿ ಕೊಟ್ಟಿರುವಂತಹ ಹೇಳಿಕೆ ಈಗ ಎಲ್ಲೆಡೆ ವೈರಲ್ ಆಗಿದೆ. ಭೂಮಿಕಾ ಹೇಳಿದ್ದೇನು ಗೊತ್ತಾ?

ಸಿನಿಮಾ ಆಗಲಿ ಅಥವಾ ನಿಜ ಜೀವನ ಆಗಲಿ. ಆದರೆ ಮಹಿಳೆ ತನಗಿಂತ ಚಿಕ್ಕ ವಯಸ್ಸಿನ ಯುವಕ ಅಥವಾ ಹುಡುಗನ ಜೊತೆ ರೊಮ್ಯಾನ್ಸ್ ಮಾಡುವುದನ್ನು ಎಷ್ಟು ಬೇಗನೆ ಜಡ್ಜ್ ಮಾಡುತ್ತಾರೆ. ಇದು ಸರಿಯಲ್ಲ ಎಂದಿದ್ದಾರೆ ಭೂಮಿಕಾ. ನನಗೆ ಈ ತಾರತಮ್ಯ ಇಷ್ಟವಾಗುವುದಿಲ್ಲ ಎಂದಿದ್ದಾರೆ.

ಸಿನಿಮಾ ಇಂಡಸ್ಟ್ರಿಯಲ್ಲಿ ಕೂಡಾ ಹೀರೋ ತನಗಿಂತ ಅರ್ಧ ವಯಸ್ಸು ಚಿಕ್ಕ ಹೀರೋಯಿನ್ ಜೊತೆ ರೊಮ್ಯಾನ್ಸ್ ಮಾಡಬಹುದು. ಹಾಗಿದ್ದ ಮೇಲೆ ನಾನು ಕೂಡಾ ಕಿಡ್ ಜೊತೆ ರೊಮ್ಯಾನ್ಸ್ ಮಾಡಬಹುದು ಎಂದು ತಮಾಷೆ ಮಾಡಿದ್ದಾರೆ.

ಚಿಕ್ಕ ವಯಸ್ಸಿನ, ಚೆನ್ನಾಗಿ ಕಾಣುವ ಯುವಕನ ಜೊತೆ ನಾನ್ಯಾಕೆ ರೊಮ್ಯಾನ್ಸ್ ಮಾಡಬಾರದು ಎಂದು ಪ್ರಶ್ನಿಸಿ ಜೋರಾಗಿ ನಕ್ಕು ಮಾತು ಮುಗಿಸಿದ್ದಾರೆ ನಟಿ ಭೂಮಿಕಾ. ಅವರು ಕೊಟ್ಟಿರುವ ಹೇಳಿಕೆ ವೈರಲ್ ಆಗಿದ್ದು ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಅಯ್ಯೋ ಮೇಡಂ ಇಷ್ಟು ದೊಡ್ಡೋರಾಗಿ ನೀವೇನ್ ಹೇಳಿಬಿಟ್ರಿ ಎಂದು ಕೆಲವು ಪ್ರಶ್ನಿಸಿದರೆ ಇನ್ನು ಕೆಲವರು ನಟಿ ಹೇಳಿದ್ದರಲ್ಲಿ ತಪ್ಪೇನು, ಆಕೆ ಹೇಳಿದ್ದೂ ಕೂಡಾ ಸರಿ ಇದೆ ಎಂದು ಸಪೋರ್ಟ್ ಮಾಡಿದ್ದಾರೆ.

ಒಂದು ಕಾಲದಲ್ಲಿ ತಮಿಳು, ತೆಲುಗು, ಹಿಂದಿಯಲ್ಲಿ ಹೀರೋಯಿನ್ ಆಗಿ ಮಿಂಚಿದ್ದ ಬಹುಭಾಷಾ ನಟಿ ಭೂಮಿಕಾ ಚಾವ್ಲಾ ಅವರು ಈಗ ಅತ್ತಿಗೆ ಪಾತ್ರ, ಸೈಡ್​ ರೋಲ್​​ಗಳನ್ನು ಮಾಡುತ್ತಿದ್ದಾರೆ. ಇತ್ತೀಚೆಗೆ ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ ಸಿನಿಮಾದಲ್ಲಿ ನಟಿಸಿದ್ದಾರೆ.