Hrithik Roshan: ಐತ್ಲಗಾ.. ಹೃತಿಕ್​ ರೋಷನ್​ ಹೊಸ ಗರ್ಲ್​ಫ್ರೆಂಡ್​ ಇವ್ರೇ ಅಂತೆ​, ನೀವ್​ ಗೆಸ್ಸ್​ ಮಾಡಿರೋರಲ್ಲಿ ಯಾರು ಅಲ್ಲ ಬಿಡಿ!

ಬಾಲಿವುಡ್​ನ ಮೋಸ್ಟ್​ ಹ್ಯಾಂಡ್​ಸಮ್​, ಗ್ರೀಕ್​ ಗಾಡ್​ ಹೃತಿಕ್​ ರೋಷನ್​ ಬಗ್ಗೆಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ಚರ್ಚೆಯಾಗುತ್ತಿದೆ. ಈ ಬಾರಿ ಅವರು ಸಿನಿಮಾ ವಿಚಾರಕ್ಕೆ ಸುದ್ದಿಯಾಗಿಲ್ಲ. ಬದಲಾಗಿ ಹೊಸ ಗರ್ಲ್​ಫ್ರೆಂಡ್​ ವಿಚಾರಕ್ಕೆ ಸುದ್ದಿಯಾಗುತ್ತಿದ್ದಾರೆ.

ಹೌದು ಜನವರಿ 28ರ ರಾತ್ರಿ ಹೊಸ ಗರ್ಲ್​ಫ್ರೆಂಡ್​ ಜೊತೆ ಹೃತಿಕ್​​ ಡಿನ್ನರ್​ಗೆ ಹೋಗಿದ್ದರು. ಊಟ ಮುಗಿಸಿ ಬರುವಾಗ, ಇಬ್ಬರು ಕೈ ಕೈ ಹಿಡಿದುಕೊಂಡು ಆಚೆ ಬಂದಿದ್ದರು. ಇದು ಕ್ಯಾಮರಾ ಕಣ್ಣಲ್ಲಿ ಸೆರೆಯಾಗಿತ್ತು ಇದೀಗ ಈ ವಿಚಾರ ಚರ್ಚೆಗೆ ಬಿಸಿ ಬಿಸಿ ಟಾಪಿಕ್​ ಆಗಿದೆ

ವಿಚ್ಛೇದನದ ಬಳಿಕ ಹೃತಿಕ್ ರೋಷನ್ ಹೆಸರು ಯಾರೊಂದಿಗೂ ತಳುಕು ಹಾಕಿಕೊಂಡಿರಲಿಲ್ಲ. ತನ್ನ ಇಬ್ಬರು ಮಕ್ಕಳೊಂದಿಗೆ ಸಮಯ ಕಳೆಯುವ ಫೋಟೊಗಳಯ ಹರಿದಾಡಿದ್ದು ಬಿಟ್ಟರೆ, ಹೃತಿಕ್ ರೋಷನ್ ರೂಮರ್‌ಗಳ ಸುಳಿಗೆ ಸಿಕ್ಕಿಕೊಂಡಿರಲಿಲ್ಲ.

ಹೃತಿಕ್ ರೋಷನ್ ಸಿನಿಮಾ ಹಾಗೂ ರಂಗಭೂಮಿ ನಟಿ ಸಬಾ ಆಜಾದ್ ಅವರೊಂದಿಗೆ ಹೊಟೇಲ್‌ನಿಂದ ಹೊರಬಂದಿದ್ದರು. ಈ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದಂತೆ ಇಬ್ಬರೂ ಪ್ರೀತಿಯಲ್ಲಿ ಬಿದ್ದಿದ್ದಾರೆ ಅನ್ನುವ ಗುಸುಗುಸು ಹಬ್ಬಿದೆ.ಎಲ್ಲಕ್ಕಿಂತ ಹೆಚ್ಚಾಗಿ ಹೃತಿಕ್ ಪ್ರೀತಿಯಲ್ಲಿ ಬಿದ್ದಿರೋ ಆ ನಟಿ ಯಾರು ಅನ್ನುವ ಚರ್ಚೆ ಜೋರಾಗಿ ನಡೆಯುತ್ತಿದೆ

1989ರಲ್ಲಿ ಜನವರಿ 1ರಂದು ಉತ್ತರ ಪ್ರದೇಶದ ಘಾಜಿಯಾಬಾದ್‌ನಲ್ಲಿ JANAM ಎನ್ನುವ ಗುಂಪು 'ಹಲ್ಲಾ ಬೋಲ್' ಹೆಸರಿನಲ್ಲಿ ಬೀದಿ ನಾಟಕ ಮಾಡುತ್ತಿತ್ತು. ಈ ವೇಳೆ ಗುಂಪೊಂದು ನಾಟಕಗಾರರ ಮೇಲೆ ಹಲ್ಲೆ ಮಾಡಿತ್ತು. ಇದರಲ್ಲಿ ಪ್ರಸಿದ್ಧ ನಾಟಕಗಾರ, ಅಂಕಣಗಾರರಾಗಿ ಖ್ಯಾತಿ ಪಡೆದಿದ್ದ ಸಫ್ದರ್ ಹಾಶ್ಮಿಗೆ ಗಂಭೀರ ಗಾಯವಾಗಿತ್ತು.

ಮರು ದಿನ ಚಿಕಿತ್ಸೆ ಫಲಿಸದೆ ಸಫ್ದರ್ ಹಾಶ್ಮಿ ಸಾವನ್ನಪ್ಪಿದ್ದರು. ಘಾಜಿಯಾಬಾದ್ ಕೋರ್ಟ್ ಘಟನೆ ನಡೆದ 14 ವರ್ಷಗಳ ಬಳಿಕ 10 ಮಂದಿಗೆ ಶಿಕ್ಷೆ ನೀಡಿತ್ತು. ಇದರಲ್ಲಿ ಕಾಂಗ್ರೆಸ್ ಪಕ್ಷದ ಮುಖಂಡ ಮುಕೇಶ್ ಶರ್ಮಾ ಕೂಡ ಇದ್ದರು. ಈ ಇವರ ಸಂಬಂಧಿಯೇ ಸಬಾ ಅಜಾದ್.

ಈಕೆ ಕೂಡ ರಂಗಭೂಮಿಯಲ್ಲಿ ಆಕ್ಟಿವ್ ಆಗಿದ್ದಾರೆ. ಆಗಾಗ ಸಿನಿಮಾಗಳಲ್ಲೂ ಕಾಣಿಸಿಕೊಂಡಿದ್ದಾರೆ. 2008ರಲ್ಲಿ ಸಬಾ ಆಜಾದ್ 'ದಿಲ್ ಕಬಡ್ಡಿ' ಅನ್ನುವ ಸಿನಿಮಾ ಮೂಲಕ ಬಾಲಿವುಡ್ ಪ್ರವೇಶ ಮಾಡಿದ್ದರು. ಬಳಿಕ 2011ರಲ್ಲಿ ತೆರೆಕಂಡ 'ಮುಜ್ಸೆ ಫ್ರೆಂಡ್‌ಶಿಪ್ ಕರೋಗೆ' ಚಿತ್ರದಲ್ಲಿ ನಟಿಸಿದ್ದರು. ಬಳಿಕ ಸಿನಿಮಾಗಳಲ್ಲಿ ಹೆಚ್ಚು ಕಾಣಿಸಿಕೊಂಡಿಲ್ಲ