Bollywood Fittest Star Kids: ಫಿಟ್ನೆಸ್​ ವಿಚಾರದಲ್ಲಿ ಬಿ-ಟೌನ್​ನ ಈ ಸ್ಟಾರ್​ ಕಿಡ್ಸ್​ ಯಾವ ಹೀರೋಗೂ ಕಡಿಮೆ ಇಲ್ಲ..!

ಒಂದುಕಾಲದಲ್ಲಿ ಅಭಿನಯಿಸುವುದು ಒಂದು ಗೊತ್ತಿದ್ದರೆ ಸಾಕು ನಟರಾಗುತ್ತಿದ್ದರು. ಎಷ್ಟೋ ಸ್ಟಾರ್ ನಟರಿಗೆ ಇಂದಿಗೂ ಡ್ಯಾನ್ಸ್ ಮಾಡಲು ಬರುವುದಿಲ್ಲ. ಆದರೆ ಈಗ ಕಾಲ ಬದಲಾಗಿದೆ ನಾಯಕನಾಗಲು ಬಯಸುವವರಿಗೆ ನಟನೆಯ ಜೊತೆಗೆ ಫಿಟ್ನೆಸ್​ ಹಾಗೂ ಡ್ಯಾನ್ಸ್ ಮಾಡಲೂ ತಿಳಿದಿರಬೇಕು.

ಸೈಫ್​ ಅಲಿ ಖಾನ್​ ಅವರ ಮಗ ಇಬ್ರಾಹಿಂ ಅಲಿ ಖಾನ್​ ಸದ್ಯಕ್ಕೆ ಸಿನಿ ರಂಗಕ್ಕೆ ಬಂದಿಲ್ಲ. ಆದರೆ ಭವಿಷ್ಯದಲ್ಲಿ ನಾಯಕನಾಗಿ ಎಂಟ್ರಿ ಕೊಡುವ ಎಲ್ಲ ಸಾಧ್ಯತೆ ಇದೆ. ಅದಕ್ಕಾಗಿಯೇ ಇಬ್ರಾಹಿಂ ಅಗತ್ಯ ತಯಾರಿ ನಡೆಸಿದ್ದಾರೆ. ಈ ಸಿದ್ಧತೆಯಲ್ಲಿ ಫಿಟ್ನೆಸ್ ಸಹ ಒಂದು. ಈಗಾಗಲೇ ಅವರು ಮಾಡೆಲಿಂಗ್​ ಸಹ ಮಾಡುತ್ತಿದ್ದಾರೆ.

80-90ರ ದಶಕದ ಸ್ಟಾರ್​ ನಟ ಗೋವಿಂದ ಅವರ ಮಗ ಯಶ್​ವರ್ಧನ್​ ಅಹುಜಾ ಲೈಮ್​ಲೈಟ್​ನಿಂದ ದೂರ ಇದ್ದಾರೆ. ಆದರೆ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿರುವ ಯಶ್​ವರ್ಧನ್​ ಸದಾ ತಮ್ಮ ಫಿಟ್ನೆಸ್​ ಫೋಟೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ.

ಶಾರುಖ್​ ಖಾನ್​ ಅವರ ಮಗ ಆರ್ಯನ್​ ಖಾನ್​ ಸದ್ಯ ಸಿನಿಮಾ ರಂಗದಿಂದ ದೂರ ಇದ್ದಾರೆ. ಆದರೆ ಹೀರೋ ಆಗಲು ಅಗತ್ಯವಿರುವ ಎಲ್ಲ ಲಕ್ಷಣಗಳೂ ಅವರಲ್ಲಿವೆಯಂತೆ. ಸಾಮಾಜಿಕ ಜಾಲತಾಣದಲ್ಲಿ ಆರ್ಯನ್ ತಮ್ಮ ಸಿಕ್ಸ್​ಪ್ಯಾಕ್​ ಫೋಟೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಸಿನಿಮಾ ಎಂಟ್ರಿ ಕೊಡುವ ನಿರ್ಧಾರ ಸಂಪೂರ್ಣವಾಗಿ ಆರ್ಯನ್​ಗೆ ಬಿಟ್ಟಿದ್ದು ಎನ್ನುತ್ತಾರೆ ಶಾರುಖ್​.

ಚಾಕೊಲೆಟ್ ಬಾಯ್​ನಂತಿರುವ ಅಹಾನ್​ ಪಾಂಡೆ, ಚಂಕಿ ಪಾಂಡೆ ಹಾಗೂ ಅನನ್ಯಾ ಪಾಂಡೆ ಅವರ ಸಂಬಂಧಿ. ಇವರೂ ಸಹ ಫಿಟ್ನೆಸ್ ಬಗ್ಗೆ ಸಾಕಷ್ಟು ಗಂಭೀರವಾಗಿದ್ದಾರಂತೆ.

ಫಿಟ್ನೆಸ್​ ಕಿಂಗ್​ ಸೋನು ಸೂದ್​ ಅವರ ಮಗ ಇಶಾನ್​ ಸೂದ್​ ಯಾವ ವಿಷಯದಲ್ಲೂ ಅಪ್ಪನಿಗಿಂತ ಕಡಿಮೆ ಇಲ್ಲ. ಫಿಟ್ನೆಸ್​ ವಿಷಯಕ್ಕೆ ಬಂದರೆ  ಇಶಾನ್​ ಅಪ್ಪನೊಂದಿಗೆ ಸದಾ ತರಬೇತಿ ಪಡೆಯುತ್ತಾರೆ. ಫೋಟೋ ನೋಡಿಯೇ ಇಶಾನ್​ ಫಿಟ್ನೆಸ್​ ಬಗ್ಗೆ ಹೇಳಬಹುದು.