'ನಾನು ಕನ್ನಡತಿ, ಕರ್ನಾಟಕ ಬಿಟ್ಟು ಹೋಗುವುದಿಲ್ಲ': 'ಮೈನಾ' ಬೆಡಗಿಯ ಕನ್ನಡ ಪ್ರೇಮ

ಕನ್ನಡದಿಂದಲೇ ಹೆಸರು ಮಾಡಿ, ಅನ್ಯಭಾಷೆಗೆ ಹೋದ ಮೇಲೆ ನಮ್ಮ ಭಾಷೆಯ ಬಗ್ಗೆ ಅಸಡ್ಡೆ ತೋರುವ ನಟಿಯರು ಒಂದೆಡೆಯಾದರೆ, ಅನ್ಯಭಾಷೆಯ ಸಂದರ್ಶನದಲ್ಲೇ ಕನ್ನಡ ಗೀತೆ ಹಾಡಬೇಕು, ಅಲ್ಲದೆ ನಾನು ಕರ್ನಾಟಕದವಳು, ಕನ್ನಡತಿ ಎಂದು ಹೇಳುವ ನಟಿ ಇನ್ನೊಂದೆಡೆ.

ಹೌದು ಕೆಲ ವರ್ಷಗಳಿಂದ ಕನ್ನಡ ಚಿತ್ರರಂಗದಿಂದ ದೂರ ಉಳಿದಿರುವ ಮುದ್ದು ಮುಖದ ಚೆಲುವೆ ನಿತ್ಯಾ ಮೆನನ್ ಮತ್ತೆ ಸುದ್ದಿಯಲ್ಲಿದ್ದಾರೆ.

ಈ ಬಾರಿ ಮೈನಾ ಬೆಡಗಿ ಸುದ್ದಿಯಲ್ಲಿರುವುದು ಯಾವುದಾದರು ಕನ್ನಡ ಚಿತ್ರದಿಂದಲ್ಲ. ಅಥವಾ ಕನ್ನಡ ಸಿನಿಮಾದಲ್ಲೂ ಕಾಣಿಸಿಕೊಳ್ಳಲು ಕೂಡ ಅಲ್ಲ. ಸದ್ಯ ಕಾಲಿವುಡ್, ಟಾಲಿವುಡ್, ಮಾಡಲಿವುಡ್ ಮತ್ತು ಬಾಲಿವುಡ್​ನಲ್ಲಿ ಬ್ಯುಸಿಯಾಗಿರುವ ಸೌತ್ ಸುಂದರಿ ಕೆಲ ದಿನಗಳ ಹಿಂದೆ ಇಂಟರ್ವ್ಯೂನಲ್ಲಿ ಕಾಣಿಸಿಕೊಂಡಿದ್ದರು.

ಖ್ಯಾತ ನಿರೂಪಕಿಯೊಬ್ಬರು ನಡೆಸಿಕೊಡುವ ಈ ಸಂದರ್ಶನ ಕಾರ್ಯಕ್ರಮದಲ್ಲಿ ಸಿನಿಪಯಣದ ಕಥೆಯೊಂದಿಗೆ ನಿತ್ಯಾ ಮೆನನ್ ಒಂದಷ್ಟು ಹರಟೆಯನ್ನು ಹೊಡೆದಿದ್ದಾರೆ.

ಈ ವೇಳೆ ತುಂಬಾ ಜನರಿಗೆ ಗೊತ್ತು, ನೀವು ಬೆಂಗಳೂರಿನವರು ಎಂದು. ಆದರೆ ಹೆಚ್ಚಿನವರಿಗೆ ನಿಮಗೆ ಕನ್ನಡ ಬರುತ್ತದೆ ಎಂಬುದು ಗೊತ್ತಿಲ್ಲ ಎಂದು ನಿರೂಪಕಿ ಹೇಳಿದಾಗ, ನಿತ್ಯಾ ಮೆನನ್ ಈ ಹಿಂದೆಯು ಹಲವು ಬಾರಿ ನಾನು ನನಗೆ ಕನ್ನಡ ಬರುತ್ತದೆ ಎಂದು ಹೇಳಿದ್ದೇನೆ.

ನನ್ನ ಕುಟುಂಬದವರು ಕರ್ನಾಟಕದಲ್ಲೇ ಹುಟ್ಟಿರುವುದು. ನಾನು ಕೂಡ ಇಲ್ಲೇ ಬೆಳೆದಿರುವುದು. ಹೀಗಾಗಿ ನಾನು ಕರ್ನಾಟಕ ಬಿಟ್ಟು ಹೋಗುವುದಿಲ್ಲ. ಎಲ್ಲೇ ಹೋದರು ನನ್ನ ಹುಟ್ಟೂರನ್ನು ಬಿಡುವುದಿಲ್ಲ ಎಂದು ನಿತ್ಯಾ ಮೆನನ್ ಹೇಳಿದರು.

ಈ ಹಿಂದೆ ಮೈನಾ ಚಿತ್ರದ ಶೂಟಿಂಗ್ ವೇಳೆ ನಟಿ ಸುಹಾಸಿನಿ ಮೇಡಂ, ನನಗೆ ಮಲಯಾಳಂನಲ್ಲಿ ಬರೆದು ಡೈಲಾಗ್ ಹೇಳಬಹುದಲ್ಲವೇ ಎಂದರು. ನನಗೂ ಅವರು ಯಾಕೆ ಹಾಗೆ ಹೇಳಿದರೂ ಎಂಬುದು ಸಡನ್ ಆಗಿ ತೋಚಲಿಲ್ಲ.

ನಿಜ ಹೇಳಬೇಕೆಂದರೆ ನನಗೆ ಕನ್ನಡದಲ್ಲಿ ಓದಲು, ಬರೆಯಲು ಬರುತ್ತದೆ. ಆದರೆ ಮಲಯಾಳಂ ಮಾತನಾಡಬಲ್ಲೆ ಅಷ್ಟೇ. ಸುಹಾಸಿನಿ ಮೇಡಂ ನಾನು ಕೇರಳದವಳು ಅಂದುಕೊಂಡು ಹಾಗೆ ಹೇಳಿದ್ದರು ಎಂದು ನಿತ್ಯಾ ಮೆನನ್ ಹೇಳಿದರು.

ಇನ್ನು ಕೆಲ ತಿಂಗಳ ಹಿಂದೆ ಮಲಯಾಳಂ ಸಂದರ್ಶನವೊಂದರಲ್ಲಿ ನಿರೂಪಕಿ ಆಯಾ ಸಂದರ್ಭವನ್ನು ತಿಳಿಸಿ ಅದಕ್ಕೆ ಹೊಂದುವಂತಹ ಗೀತೆಗಳನ್ನು ಹಾಡಲು ನಿತ್ಯಾಗೆ ತಿಳಿಸಿದ್ದರು.

ನಿರೂಪಕಿಯ ಕೋರಿಕೆಯಂತೆ ತಮಿಳು, ತೆಲುಗು, ಮಲಯಾಳಂ, ಹಿಂದಿ, ಇಂಗ್ಲೀಷ್ ಹಾಡುಗಳನ್ನು ನಿತ್ಯಾ ಸುಮಧುರವಾಗಿ ಹಾಡಿದರು. ಹಾಡು ಮುಗಿಯುತ್ತಿದ್ದಂತೆ ನಿರೂಪಕಿ ಚಪ್ಪಾಳೆ ಸಹ ಹೊಡೆದರು. ಆದರೆ,

ನಿತ್ಯಾ ಮೆನನ್ 'ನಾನಿನ್ನೂ ಕನ್ನಡ ಹಾಡನ್ನು ಹಾಡಿಲ್ಲ. ಕನ್ನಡದಲ್ಲೂ ಒಂದು ಗೀತೆಯನ್ನು ಹಾಡಬೇಕು ಎಂದು ನಿರೂಪಕಿ ತಿಳಿಸಿದ್ದರು.

ಅದರಂತೆ 'ಮಿಲನ' ಚಿತ್ರದ 'ನಿನ್ನಿಂದಲೇ.. ನಿನ್ನಿಂದಲೇ..' ಹಾಡನ್ನು ಇಂಪಾಗಿ ಹಾಡಿದ ನಿತ್ಯಾ ತಮ್ಮ ನೆಲದ ಮೇಲಿನ ಪ್ರೀತಿಯನ್ನು ತೋರಿಸಿದರು. ಈ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು.

ಇದೀಗ ಮತ್ತೊಮ್ಮೆ ಸಂದರ್ಶನದಲ್ಲಿ ಕರುನಾಡ ಮೇಲಿನ ಇಷ್ಟ, ಭಾಷೆಯ ಮೇಲಿನ ಪ್ರೀತಿಯನ್ನು ನಿತ್ಯಾ ಮೆನನ್ ತೋರ್ಪಡಿಸಿದ್ದಾರೆ.

ಇದರೊಂದಿಗೆ ಕನ್ನಡದಿಂದಲೇ ಹೆಸರು ಮಾಡಿ, ಅನ್ಯಭಾಷೆಗೆ ಹೋದ ಮೇಲೆ ನಮ್ಮ ಭಾಷೆಯ ಬಗ್ಗೆ ಅಸಡ್ಡೆ ತೋರುವ ನಟಿಯರು ಒಂದೆಡೆಯಾದರೆ, ಅನ್ಯಭಾಷೆಯ ಸಂದರ್ಶನದಲ್ಲೇ ಕನ್ನಡ ಗೀತೆ ಹಾಡಬೇಕು, ಅಲ್ಲದೆ ನಾನು ಕರ್ನಾಟಕದವಳು, ಕನ್ನಡತಿ ಎಂದು ಹೆಮ್ಮೆಯಿಂದ ಹೇಳುವ ನಟಿ ನಿತ್ಯಾ ಮೆನನ್​ ಅಭಿಮಾನಕ್ಕೆ ಅಭಿಮಾನಿಗಳು ಬಹುಪರಾಕ್ ಅಂದಿದ್ದಾರೆ.

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್

ನಿತ್ಯಾ ಮೆನನ್