Taapsee Pannu: ಮಕ್ಕಳು ಬೇಕೆನಿಸಿದಾಗ ಮದುವೆಯಾಗ್ತಾರಂತೆ ನಟಿ ತಾಪ್ಸಿ ಪನ್ನು..!

ಹಿಂದಿ ಹಾಗೂ ತೆಲುಗು ಸಿನಿರಂಗದಲ್ಲಿ ತಮ್ಮ ಅಭಿನಯದ ಮೂಲಕ ತಮ್ಮದೇ ಆದ ಸ್ಥಾನ ಪಡೆದುಕೊಂಡಿರುವ ತಾಪ್ಸಿ ಪನ್ನು ಸದ್ಯ ಬಾಲಿವುಡ್​ ಸಿನಿಮಾಗಳಲ್ಲೇ  ಬ್ಯುಸಿಯಾಗಿದ್ದಾರೆ.

ಸಿನಿ ಕೆರಿಯರ್​ನಲ್ಲಿ ಉತ್ತುಂಗದಲ್ಲಿರುವಾಗಲೇ  ತಮ್ಮ ಲವ್​ ಲೈಫ್​ ಹಾಗೂ ಬಾಯ್​ ಫ್ರೆಂಡ್​ ಬಗ್ಗೆ ಹೇಳಿಕೊಂಡಿದ್ದಾರೆ.

ತಾಪ್ಸಿ ಅವರಿಗೆ ಬಾಯ್​ ಫ್ರೆಂಡ್​ ಇದ್ದಾರೆ ಎಂದು ಬಹಳ ಸಮಯದಿಂದ ಸುದ್ದಿ ಹರಿದಾಡುತ್ತಿತ್ತು. ಆದರೆ ಅವರು ಯಾರು ಅನ್ನೋದು ಮಾತ್ರ ಎಲ್ಲೂ ತಾಪ್ಸಿ ಹೇಳಿಕೊಂಡಿರಲಿಲ್ಲ. ಬಾಯ್​ಫ್ರೆಂಡ್​ ಜತೆ ಮಾಲ್ಡೀವ್ಸ್​ಗೂ ಹೋಗಿ ಎಂಜಾಯ್​ ಮಾಡಿದ್ದರು.

ತನ್ನ ಪ್ರಿಯತಮನ ಬಗ್ಗೆ ಮಾತನಾಡಲು ತನಗೆ ಯಾವುದೇ ಅಂಜಿಕೆ ಇಲ್ಲ ಎಂದಿರುವ ತಾಪ್ಸಿ, ತನ್ನ ರಿಲೇಶನ್​ ಶಿಪ್​ ಸ್ಟೇಟಸ್​ ಬಗ್ಗೆ ಸಾರ್ವಜನಿಕವಾಗಿ ಮಾತನಾಡಿದ್ದಾರೆ.

ತಾನು ವೃತ್ತಿ ಹಾಗೂ ವೈಯಕ್ತಿಕ ಜೀವನವನ್ನು ಸದಾ ಪ್ರತ್ಯೇಕವಾಗಿ ನೋಡುತ್ತೇನೆ. ಎರಡನ್ನೂ ಮಿಕ್ಸ್​ ಮಾಡುವುದಿಲ್ಲ ಎಂದಿದ್ದಾರೆ. ಬೇರೆಯವರ ಹುಟ್ಟುಹಬ್ಬದಲ್ಲಿ ಭಾಗಿಯಾದರೆ ಒಂದೇ ಒಂದು ಫೋಟೋ ಹಂಚಿಕೊಳ್ಳುವ ನಾನು, ಬಾಯ್​ಫ್ರೆಂಡ್​ ವಿಷಯದಲ್ಲೂ ಹಾಗೆ ಇರುತ್ತೇನೆ ಎಂದಿದ್ದಾರೆ.

ಬಾಯ್​ಫ್ರೆಂಡ್​  ಮಥಿಯಾಸ್​ ಜತೆ ಲವ್​ ರಿಲೇಶನ್​ ಶಿಪ್​ನಲ್ಲಿದ್ದೇನೆ. ಆದರೆ ಸದ್ಯಕ್ಕೆ ಮದುವೆ ಬಗ್ಗೆ ಯೋಚನೆ ಮಾಡಿಲ್ಲ ಎನ್ನುತ್ತಾರೆ ತಾಪ್ಸಿ.

ತನಗೆ ಮಕ್ಕಳು ಬೇಕೆನಿಸಿದಾಗ ಮದುವೆಯಾಗುತ್ತೇನೆ, ಸದ್ಯಕ್ಕೆ ಆ ಆಲೋಚನೆ ಇಲ್ಲ. ಸದ್ಯಕ್ಕೆ ಏನಿದ್ದರೂ  ತನ್ನ ಗಮನವೆಲ್ಲ ಸಿನಿಮಾದತ್ತ ಎಂದು ಹೇಳಿದ್ದಾರೆ ತಾಪ್ಸಿ.

ಹಿಂದಿಯಲ್ಲಿ ಹಸೀನ್​ ದಿಲ್​ರುಬಾ, ರಶ್ಮಿ ರಾಕೆಟ್​, ಶಬ್ಬಾಶ್​ ಮಿಥು ತಮಿಳಿನಲ್ಲಿ ಜನಗಣಮನ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.