Priyanka Chopra: ಬಾತ್​ರೂಮ್​ನಲ್ಲಿ ಊಟ ಮಾಡ್ತಿದ್ರಂತೆ ಪ್ರಿಯಾಂಕಾ! ದೇಸಿ ಗರ್ಲ್ ನೋವಿನ ಕಥೆ

ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಅವರು ತಮ್ಮ ಬಾಲ್ಯದ ಕಷ್ಟದ ದಿನಗಳನ್ನು ಶೇರ್ ಶೇರ್ ಮಾಡಿದ್ದಾರೆ. ವಿಶ್ವಾದ್ಯಂತ ಸ್ಟಾರ್ ಪಟ್ಟವಿರುವ ಸೆಲೆಬ್ರಿಟಿಗಳಲ್ಲಿ ಪ್ರಿಯಾಂಕಾ ಚೋಪ್ರಾ ಕೂಡಾ ಒಬ್ಬರು. ಬಾಲಿವುಡ್​ನಲ್ಲಿ ಹಿಟ್ ಸಿನಿಮಾಗಳನ್ನು ಕೊಟ್ಟ ನಟಿ ಈಗ ಹಾಲಿವುಡ್​ನಲ್ಲಿ ಬ್ಯುಸಿಯಾಗಿದ್ದಾರೆ.

ಈಗ ತಮ್ಮ ಕಾನ್ಫಿಡೆನ್ಸ್​ನಿಂದಲೇ ಫೇಮಸ್ ಆಗಿರುವ ಪ್ರಿಯಾಂಕಾ ಚೋಪ್ರಾ ಹಿಂದೆ ಹೀಗಿರಲಿಲ್ಲ. ತಾನು ಮೊದಲಬಾರಿ ಶಿಕ್ಷಣಕ್ಕಾಗಿ ಅಮೆರಿಕಾಗೆ ಬಂದಾಗ ಯಾವ ರೀತಿಯ ಅನುಭವವಾಯಿತು ಎನ್ನುವುದನ್ನು ನಟಿ ರಿವೀಲ್ ಮಾಡಿದ್ದಾರೆ. ನಟಿ ವಾಶ್​ರೂಮ್​ನಲ್ಲಿ ಊಟ ಮಾಡುತ್ತಿದ್ದರು ಎನ್ನುವುದನ್ನು ರಿವೀಲ್ ಮಾಡಿದ್ದಾರೆ.

ತಮ್ಮ ಕಾನ್ಫಿಡೆನ್ಸ್​ನಿಂದಾಗಿ ಹೈಲೈಟ್ ಆಗುವ ಈ ನಟಿ ಹಿಂದೆ ಹೀಗಿರಲಿಲ್ಲ. ಕಾನ್ಫಿಡೆನ್ಸ್ ವಿಚಾರದಲ್ಲಿ ತುಂಬಾ ಹಿಂದೆ ಇದ್ದರಂತೆ ನಟಿ. ಕಳೆದ ಹಲವಾರು ವರ್ಷಗಳಲ್ಲಿ ನಟಿ ತಮ್ಮ ಕಾನ್ಫಿಡೆನ್ಸ್ ಹೆಚ್ಚಿಸಿಕೊಳ್ಳುವುದರ ಜೊತೆ ಇತರ ಮಹಿಳೆಯರ ಕಾನ್ಫಿಡೆನ್ಸ್ ಕೂಡಾ ಹೆಚ್ಚಿಸಿದ್ದಾರೆ.

ಮೊದಲಬಾರಿಗೆ ಅಮೆರಿಕಾಗೆ ಶಿಫ್ಟ್ ಆದಾಗ ಟೀನೇಜ್​ನಲ್ಲಿ ತಮಗಾದ ಕೆಟ್ಟ ಅನುಭವಗಳ ಬಗ್ಗೆ ನಟಿ ಮಾತನಾಡಿದ್ದಾರೆ. ಅಮೆರಿಕಾದಲ್ಲಿ ಮೊದಲ ಕೆಲವು ವಾರ ಯಾವ ರೀತಿ ಇದ್ದೆ ಎನ್ನುವುದನ್ನು ನಟಿ ಟುಡೇ ಶೋನಲ್ಲಿ ಶೇರ್ ಮಾಡಿದ್ದಾರೆ.

ನಾನು ಬಾತ್​ರೂಮ್​ನಲ್ಲಿ ಊಟ ಮಾಡುತ್ತಿದ್ದೆ. ನಾನು ಅಷ್ಟೂ ನರ್ವಸ್ ಆಗಿದ್ದೆ. ಕೆಫೆಟೇರಿಯಾಗೆ ಹೋಗುವುದು ಹೇಗೆಂದು ನನಗೆ ತಿಳಿದಿರಲಿಲ್ಲ. ವೆಂಡಿಂಗ್ ಮೆಷಿನ್​ನಿಂದ ಡೋರ್ಟಿಯಸ್ ತಿನ್ನುತ್ತಿದ್ದೆ. ಬೇಗನೆ ಬಾತ್​ರೂಮ್​ಗೆ ಹೋಗಿ ತಿಂದು ಬರುತ್ತಿದ್ದೆ. ನಂತರ ಕ್ಲಾಸ್​ಗೆ ಹೋಗುತ್ತಿದ್ದೆ ಎಂದಿದ್ದಾರೆ.

ನಾನು ಭಾರತೀಯಳು ಎನ್ನುವುದಕ್ಕಿಂತ ನಾನು ಅಮೆರಿಕಾದವಳು ಅಲ್ಲ ಎನ್ನುವ ಭಾವನೆ ಹೆಚ್ಚಿತ್ತು. ತನ್ನ ಐಡೆಂಟಿಯನ್ನು ಬದಲಾಯಿಸಿ ಆ ಸ್ಥಳಕ್ಕೆ ಹೊಂದಿಕೊಳ್ಳಲು ತುಂಬಾ ಪ್ರಯತ್ನಿಸಿದ್ದಾರೆ ಪ್ರಿಯಾಂಕಾ ಚೋಪ್ರಾ ಒಪ್ಪಿಕೊಂಡಿದ್ದಾರೆ. ತಾನು ಯಾಕೆ ಡೇಟ್ ಮಾಡಬಾರದು, ರಾತ್ರಿ ಹೊರಗಡೆ ಹೋಗಬಾರದು ಎನ್ನುವುದನ್ನು ಗೆಳೆಯರ ಬಳಿ ಹೇಳುತ್ತಿದ್ದರಂತೆ ಪ್ರಿಯಾಂಕಾ.

ಪ್ರಿಯಾಂಕಾ ಚೋಪ್ರಾ ಜೋನಸ್ ಸಿಟೆಡಾಲ್​ನಲ್ಲಿ ನಟಿಸಿದ್ದಾರೆ. ಈ ಸಿರೀಸ್ ಮಿಶ್ರ ಪ್ರತಿಕ್ರಿಯೆಯನ್ನು ಪಡೆದುಕೊಳ್ಳುತ್ತಿದೆ. ನಟಿ ಸದ್ಯ ಪತಿ ನಿಕ್ ಹಾಗೂ ಮಗಳು ಮಾಲ್ತಿ ಜೊತೆ ಲಾಸ್ ಏಂಜಲೀಸ್​ನಲ್ಲಿ ನೆಲೆಸಿದ್ದಾರೆ.