Shruti Haasan: ಖರ್ಚಿಗೂ ಹಣ ಇಲ್ಲದಂತಾಗಿದೆ; ಶಾಕಿಂಗ್ ಸುದ್ದಿ ಬಿಚ್ಚಿಟ್ಟ ನಟಿ ಶ್ರುತಿ ಹಾಸನ್

ಸಿನಿಮಾ ಸ್ಟಾರ್ಗಳು ಎಂದರೆ ಅವರು ಐಷಾರಾಮಿ ಜೀವನ ನಡೆಸುತ್ತಿರುತ್ತಾರೆ. ಓಡಾಡಲು ಒಂದು ಕಾರು, ಉಳಿಯಲು ಒಂದು ಬಂಗಲೆ ಇರುತ್ತದೆ ಎಂಬುದು ಅನೇಕರ ನಂಬಿಕೆ.

ಆದರೆ, ಅನೇಕ ಸ್ಟಾರ್ ಕಲಾವಿದರು ಸಾಲ ಮಾಡಿಕೊಂಡು ಜೀವನ ಸಾಗಿಸುತ್ತಾರೆ ಎಂಬುದು ಅನೇಕರಿಗೆ ಗೊತ್ತಿಲ್ಲದ ವಿಚಾರ.

ಕಮಲ್ ಹಾಸನ್ ಮಗಳು ಶ್ರುತಿ ಹಾಸನ್ ಕೂಡ ಈಗ ಅಂಥದ್ದೇ ಶಾಂಕಿಗ್ ವಿಚಾರ ಬಿಚ್ಚಿಟ್ಟಿದ್ದಾರೆ. ಅಷ್ಟಕ್ಕೂ ಅವರು ಹೇಳಿದ್ದೇನು ಎನ್ನುವುದಕ್ಕೆ ಇಲ್ಲಿದೆ ಉತ್ತರ.

ಶ್ರುತಿ ಹಾಸನ್ ಸಾಕಷ್ಟು ಸಿನಿಮಾಗಳಲ್ಲಿ ಬಣ್ಣ ಹಚ್ಚಿದ್ದಾರೆ. ಸಿನಿಮಾಗಾಗಿ ಸಾಕಷ್ಟು ಸಂಭಾವನೆ ಕೂಡ ಪಡೆಯುತ್ತಾರೆ. ಆದರೆ, ಅವರು ಇತ್ತೀಚೆಗೆ ಬೆಳ್ಳಿ ಪರದೆ ಮೇಲೆ ಕಾಣಿಸಿಕೊಳ್ಳುತ್ತಿಲ್ಲ.

ಈ ಮಧ್ಯೆ ಅವರಿಗೆ ಆರ್ಥಿಕ ಸಂಕಷ್ಟ ಎದುರಾಗಿದೆಯಂತೆ. ಈ ಬಗ್ಗೆ ಅವರು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ಅವರು, ನಾನು ಆರ್ಥಿಕವಾಗಿ ಕುಗ್ಗಿದ್ದೇನೆ. ಮಾಡಿರುವ ಸಾಲ ತೀರಿಸಬೇಕಿದೆ. ಇದಕ್ಕೆಲ್ಲ ನನ್ನ ತಂದೆ ಬಳಿ ಕೇಳಿದರೆ ಅವರು ಹಣ ನೀಡುವುದಿಲ್ಲ ಎಂದು ಹೇಳುವುದಿಲ್ಲ. ಆದರೆ, ನನಗೆ ಸ್ವಾವಲಂಬಿ ಆಗಿ ಬದುಕಬೇಕು. ನಾನೇ ಸಾಲವನ್ನು ತೀರಿಸಬೇಕು ಎನ್ನುತ್ತಾರೆ ಶ್ರುತಿ.

ಚಿತ್ರರಂಗದಲ್ಲಿ ಕೆಲಸ ಮಾಡುವವರಿಗೆ ನಿತ್ಯ ಸಿನಿಮಾ ಕೆಲಸಗಳು ಇರುವುದಿಲ್ಲ. ಅಲ್ಲಿ ತಿಂಗಳಿಗೆ ಇಂತಿಷ್ಟು ಎಂದು ಯಾರೂ ಸಂಭಾವನೆ ಕೊಡುವುದಿಲ್ಲ. ಹೀಗಾಗಿ, ಚಿತ್ರರಂಗದಲ್ಲಿ ಕೆಲಸ ಮಾಡುವುದು ತುಂಬಾನೆ ರಿಸ್ಕ್ ಎಂದಿದ್ದಾರೆ ಶ್ರುತಿ ಹಾಸನ್.

ಇನ್ನು, ಲಾಕ್ಡೌನ್ ಇರುವುದರಿಂದ ತುಂಬಾ ಜನರಿಗೆ ಸಮಸ್ಯೆ ಎದುರಾಗಿದೆ. ಈ ಬಗ್ಗೆಯೂ ಶ್ರುತಿ ಹಾಸನ್ ಬೇಸರ ವ್ಯಕ್ತಪಡಿಸಿದ್ದಾರೆ.