Rashmika Mandanna: ನಾನು ಮನೆ ಕೆಲಸದವರ ಕಾಲನ್ನೂ ಮುಟ್ಟುತ್ತೇನೆ ಎಂದ ರಶ್ಮಿಕಾ

ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ ಅವರು ತಾವು ಎಲ್ಲರನ್ನೂ ಗೌರವಿಸುವುದಾಗಿ ಹೇಳಿದ್ದಾರೆ. ಹಾಗೆಯೇ ಮನೆಯ ಕೆಲಸದವರನ್ನೂ ಗೌರವಿಸುತ್ತೇನೆ ಎಂದಿದ್ದಾರೆ ಪುಷ್ಪಾ ನಟಿ. ನಟಿ ತಮ್ಮ ಪೋಷಕರ ಬಗ್ಗೆಯೂ ಮಾತನಾಡಿದ್ದಾರೆ.

ನಾನು ಮನೆಗೆ ಹೋದಾಗ ಎಲ್ಲರ ಕಾಲುಮುಟ್ಟಿ ನಮಸ್ಕರಿಸುತ್ತೇನೆ. ನಾನು ಯಾರನ್ನೂ ಬೇಧ ಮಾಡಲು ಬಯಸುವುದಿಲ್ಲ. ಮನೆಯ ಕೆಲಸದವರ ಕಾಲನ್ನೂ ಮುಟ್ಟುತ್ತೇನೆ ಎಂದಿದ್ದಾರೆ. ರಶ್ಮಿಕಾ ಅವರು ಸುಮನ್ ಹಾಗೂ ಮದನ್ ಮಂದಣ್ಣ ಅವರ ಪುತ್ರಿ.

ರಶ್ಮಿಕಾ ಅವರು ಕಿರಿಕ್ ಪಾರ್ಟಿ ಸಿನಿಮಾ ಮೂಲಕ ತಮ್ಮ ಸಿನಿಮಾ ಜರ್ನಿಯನ್ನು ಶುರು ಮಾಡಿದ್ದಾರೆ. ಈ ಸಿನಿಮಾ 2016ರಲ್ಲಿ ರಿಲೀಸ್ ಆಯಿತು. ನಂತರ ಅಂಜನೀಪುತ್ರ(2017), ಗೀತಾ ಗೋವಿಂದಂ(2018), ಯಜಮಾನ (2019), ಸರಿಲೇರು ನೀಕೆವರು (2020), ಭೀಷ್ಮ (2020), ಪೊಗರು (2021), ಪುಷ್ಪಾ: ದಿ ರೈಸ್(2021), ಸೀತಾ ರಾಮಂ ಹಾಗೂ ಗುಡ್​ಬೈ, ಮಿಷನ್ ಮಜ್ನು (2022), ವಾರಿಸು (2023) ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಬಜಾರ್ ಇಂಡಿಯಾ ಜೊತೆ ಇಂಟರ್​ವ್ಯೂನಲ್ಲಿ ಮಾತನಾಡಿದ ರಶ್ಮಿಕಾ, ನನಗೆ ಚಿಕ್ಕ ವಿಚಾರಗಳೂ ಕೂಡಾ ಮುಖ್ಯ. ನಾನು ಎದ್ದ ನಂತರ ಪೆಟ್ಸ್ ಜೊತೆ ಆಡುತ್ತೇನೆ. ಸ್ನೇಹಿತರನ್ನು ಭೇಟಿ ಮಾಡುತ್ತೇನೆ. ಇದು ನನಗೆ ಖುಷಿ ಕೊಡುತ್ತದೆ ಎಂದಿದ್ದಾರೆ.

ಪದಗಳು ತುಂಬಾ ಪವರ್​ಫುಲ್. ಅವು ಒಬ್ಬ ವ್ಯಕ್ತಿಯನ್ನು ಒಡೆಯಬಲ್ಲವು. ಹಾಗಾಗಿ ಯಾರಾದರೂ ಏನಾದರೂ ಹೇಳಿದರೆ ನಾನು ಅದನ್ನು ಪರಿಗಣಿಸುತ್ತೇನೆ. ಎಲ್ಲವನ್ನೂ ಡೈರಿಯಲ್ಲಿ ಬರೆಯುತ್ತೇನೆ ಎಂದಿದ್ದಾರೆ.

ಮನೆಗೆ ಹೋದಾಗ ಪ್ರತಿಯೊಬ್ಬರ ಪಾದ ಮುಟ್ಟಿ ನಮಸ್ಕರಿಸುತ್ತೇನೆ. ಮನೆಯ ಕೆಲಸದವರನ್ನೂ ಬಿಡುವುದಿಲ್ಲ. ಎಲ್ಲರನ್ನೂ ಗೌರವಿಸಬೇಕು. ನನನ್ ಸ್ವಭಾವ ಅದು ಎಂದಿದ್ದಾರೆ.

ನಿಮ್ಮ ಬಗ್ಗೆ ನಿಮ್ಮ ಪೋಷಕರಿಗೆ ತುಂಬಾ ಹೆಮ್ಮೆ ಇದೆಯಾ ಎಂದು ಕೇಳಿದ್ದಕ್ಕೆ ಉತ್ತರಿಸಿದ ನಟಿ, ಅವರು ಹಾಗೆ ವಿಪರೀತ ಹೆಮ್ಮೆ ಪಡುವುದಿಲ್ಲ. ಅವರು ಸಿನಿಮಾ ಇಂಡಸ್ಟ್ರಿಯಿಂದ ದೂರ ಇದ್ದಾರೆ. ಅವರಿಗೆ ನಾನೇನು ಮಾಡುತ್ತೇನೆಂದು ತಿಳಿಯುವುದಿಲ್ಲ. ನಾನು ಯಾವುದಾದರೂ ಅವಾರ್ಡ್ ಪಡೆದಾಗ ಅವರು ಖುಷಿ ಪಡುತ್ತಾರೆ ಎಂದಿದ್ದಾರೆ.

ಅವರು ನನ್ನ ಕುರಿತು ಹೆಮ್ಮೆ ಪಡುವಂತೆ ಮಾಡಲು ನಾನು ಪ್ರಯತ್ನಿಸುತ್ತೇನೆ. ನನ್ನ ಪೋಷಕರು ಒಬ್ಬ ಮಗು ಏನೇನು ಕೇಳುತ್ತದೋ ಅದೆಲ್ಲವನ್ನು ಕೊಟ್ಟು ಬೆಳೆಸಿದ್ದಾರೆ ಎಂದಿದ್ದಾರೆ. ಈಗ ಅವರ ಕಾಳಜಿ ವಹಿಸುವುದು ನನ್ನ ಜವಾಬ್ದಾರಿ ಎಂದಿದ್ದಾರೆ.