Rakhi Sawant: ನಾನು 'ಸುಶಾಂತ್ ಸಿಂಗ್ ರಜಪೂತ್' ಆಗಲ್ಲ ಎಂದಿದ್ಯಾಕೆ ರಾಖಿ ಸಾವಂತ್ ಪತಿ ಆದಿಲ್ ಖಾನ್?

ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ 2 ವರ್ಷಗಳ ಹಿಂದೆ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಇದನ್ನು ಕೆಲವರು ಕೊಲೆ ಎಂದು ಹೇಳ್ತಾರೆ. ನಾನು ಸುಶಾಂತ್ ಸಿಂಗ್ ತರ ಆಗಲ್ಲ ಎಂದು ರಾಖಿ ಸಾವಂತ್ ಪತಿ ಆದಿಲ್ ಖಾನ್ ಹೇಳಿದ್ದಾರೆ.

ಬಿಗ್ ಬಾಸ್ ಖ್ಯಾತಿಯ ರಾಖಿ ಸಾವಂತ್ ಹಾಗೂ ಮೈಸೂರಿನ ಆದಿಲ್ ಖಾನ್ ಅವರು ಮದುವೆ ಆಗಿದ್ದು ಇತ್ತಿಚೇಗಷ್ಟೇ ಗೊತ್ತಾಗಿತ್ತು. ಗೊತ್ತಾದಾಗಿನಿಂದ ಇಬ್ಬರ ನಡುವೆ ಯಾಕೋ ಮನಸ್ತಾಪ ಉಂಟಾಗಿದೆ.

ಪದೇ ಪದೇ ಇಬ್ಬರು ಜಗಳವಾಡ್ತಾ ಇದ್ದಾರೆ. ಕೆಲ ದಿನಗಳ ಹಿಂದೆ ರಾಖಿ ಸಾವಂತ್ ತಾಯಿ ತೀರಿಕೊಂಡರು. ಈ ಬೆನ್ನಲ್ಲೇ ರಾಖಿ ಸಾವಂತ್ ತನ್ನ ಗಂಡನಿಗೆ ಬೇರೆ ಹುಡುಗಿ ಜೊತೆ ಸಂಬಂಧ ಇದೆ. ಇದಕ್ಕೆ ಮದುವೆ ವಿಷ್ಯ ಮುಚ್ಚಿಟ್ಟಿದ್ದರು ಎಂದು ಆರೋಪಿಸಿದ್ದರು.

ಅಲ್ಲದೇ ರಾಖಿ ಸಾವಂತ್ ಸಂಸಾರದ ವಿಷ್ಯ ಮುಚ್ಚಿಟ್ಟು ನನಗೆ ಫ್ರಿಡ್ಜ್ ಅಲ್ಲಿರೋಕೆ ಇಷ್ಟ ಇಲ್ಲ ಎಂದು ಹೇಳಿದ್ದರು. ಪದೇ ಪದೇ ಇವರ ಜಗಳ ಬೀದಿ ರಾಮಾಯಣ ಆಗಿದೆ.

ರಾಖಿ ಸಾವಂತ್‍ಗೆ ಉತ್ತರ ನೀಡಿರುವ ಆದಿಲ್ ಖಾನ್, ನನಗೆ ಸುಶಾಂತ್ ಸಿಂಗ್ ರಜಪೂತ್ ತರ ಇರೋಕೆ ಇಷ್ಟ ಇಲ್ಲ.'ನಾನು ಮಹಿಳೆಯ ವಿರುದ್ಧ ಮಾತನಾಡಿಲ್ಲ ಎಂದ ಮಾತ್ರಕ್ಕೆ ನನ್ನ ತಪ್ಪು ಅಂತಲ್ಲ. ಮಹಿಳೆಯನ್ನು ಗೌರವಿಸಬೇಕು ಎನ್ನೋದನ್ನು ನಾನು ನನ್ನ ಧರ್ಮದಿಂದ ಕಲಿತಿದ್ದೇನೆ. ನಾನು ನನ್ನ ಧರ್ಮವನ್ನು ನಂಬುತ್ತೇನೆ' ಎಂದಿದ್ದಾರೆ.

'ನಾನು ಯಾವತ್ತು ರಾಖಿ ಏನು ಮಾಡ್ತಾಳೆ, ಇದರಿಂದ ನನಗೆ ಏನು ಆಗುತ್ತಿದೆ ಎಂದು ಹೇಳಲು ಆರಂಭಿಸುತ್ತೀನೋ ಅಂದು ಅವಳು ಮಾತನಾಡೋಕೆ ಆಗೋದಿಲ್ಲ. ಅವಳಿಗೆ ಜನರ ಮುಂದೆ ಬಂದು ಆದಿಲ್ ಕೆಟ್ಟವನು ಅಂತ ಹೇಳಬೇಕು ಅಷ್ಟೇ" ಎಂದು ಆದಿಲ್ ಹೇಳಿದ್ದಾರೆ.

ರಾಖಿ ಸಾವಂತ್‍ಗೆ ಒಬ್ಬ ಹುಡುಗ ಜೀವನಕ್ಕೆ ಬೇಕಾದ ಎಲ್ಲವನ್ನು ಕೊಟ್ಟಿದ್ದಾನೆ. ಈ ಮೂಲಕ ಅವಳ ಬದುಕನ್ನು ತುಂಬ ಸರಳ ಮಾಡಿದ್ದಾನೆ. ಆದ್ರೂ ಅವಳು ಈ ರೀತಿ ಆಡ್ತಾಳೆ ಎಂದಿದ್ದಾರೆ.

ಬಿಗ್ ಬಾಸ್ 14 ಶೋನಲ್ಲಿ ರಾಖಿ ಸಾವಂತ್ ಸ್ಪರ್ಧಿ ಆಗಿದ್ದರು. ಬಿಗ್ ಬಾಸ್ ನಲ್ಲೂ ಹಲವು ಬಾರಿ ಜಗಳ ಮಾಡಿಕೊಂಡಿದ್ದರು. ಅದರಿಂದಲೇ ಖ್ಯಾತಿ ಪಡೆದಿದ್ದರು.