Divorce Alimony: ಡಿವೋರ್ಸ್ ಬಳಿಕ ಮಾಜಿ ಪತ್ನಿಯರಿಗೆ ಕೋಟಿ ಕೋಟಿ ಹಣ-ಆಸ್ತಿ ಕೊಟ್ಟ ಬಾಲಿವುಡ್ ನಟರಿವರು

ಡಿವೋರ್ಸ್ ಬಳಿಕ ಮಾಜಿ ಪತ್ನಿಯರಿಗೆ ಕೋಟಿ ಕೋಟಿ ಮೌಲ್ಯದ ಆಸ್ತಿ-ಹಣ ಕೊಟ್ಟಿರುವ ಸ್ಟಾರ್ ನಟರು ಇದ್ದಾರೆ. ಯಾವ ಬಾಲಿವುಡ್ ನಟ ಎಷ್ಟು ಮೊತ್ತದ ಜೀವನಾಂಶ ನೀಡಿದ್ದಾರೆ ಎಂಬ ಮಾಹಿತಿ ಇಲ್ಲಿದೆ.

ಹೃತಿಕ್ ರೋಷನ್ ಮತ್ತು ಸುಸೇನ್ ಖಾನ್ ಬಾಲಿವುಡ್ ನ ಕ್ಯೂಟ್ ಜೋಡಿ ಎನಿಸಿಕೊಂಡಿತ್ತು. ಆದರೆ ಮದುವೆಯಾಗಿ ಸುಮಾರು 14 ವರ್ಷಗಳ ಬಳಿಕ 2014 ರಲ್ಲಿ ದೂರವಾಗುವುದಾಗಿ ಘೋಷಿಸಿದರು. ಈ ಜೋಡಿಯ ವಿಚ್ಛೇದನಕ್ಕೆ 4 ವರ್ಷಗಳು ಬೇಕಾಯಿತು. ಮಾಧ್ಯಮ ವರದಿಗಳ ಪ್ರಕಾರ, ಹೃತಿಕ್ ರೋಷನ್ ಬಳಿ ಸುಸೇನ್ 400 ಕೋಟಿ ಜೀವನಾಂಶಕ್ಕೆ ಬೇಡಿಕೆ ಇಟ್ಟಿದ್ದರಂತೆ. ಕೊನೆಗೆ ಎಷ್ಟಕ್ಕೆ ಫೈನಲ್ ಆಯ್ತು ಎಂಬ ಮಾಹಿತಿಯನ್ನು ಇವರು ಬಿಟ್ಟುಕೊಟ್ಟಿಲ್ಲ.

ಬಾಲಿವುಡ್ ನ 'ಮಿಸ್ಟರ್ ಪರ್ಫೆಕ್ಷನಿಸ್ಟ್' ಅಮೀರ್ ಖಾನ್ ತಮ್ಮ ಮೊದಲ ಪತ್ನಿ ರೀನಾ ದತ್ತಾರನ್ನು 1986 ರಲ್ಲಿ ವಿವಾಹವಾದರು. ಮದುವೆಯಾದ 16 ವರ್ಷಗಳ ನಂತರ ಬೇರ್ಪಟ್ಟರು. ವಿಚ್ಛೇದನದ ವೇಳೆ ಅಮೀರ್ ಖಾನ್ ಮಾಜಿ ಪತ್ನಿ 50 ಕೋಟಿ ರೂ. ಜೀವನಾಂಶ ನೀಡಿದ್ದಾರೆ

ನಟಿ ಕರಿಷ್ಮಾ ಕಪೂರ್ ಅವರು ಉದ್ಯಮಿ ಸಂಜಯ್ ಕಪೂರ್ ಅವರನ್ನು ವಿವಾಹವಾದರು. ಮದುವೆಯಾದ 13 ವರ್ಷಗಳ ನಂತರ ವಿಚ್ಛೇದನ ಪಡೆದರು. ಮಾಧ್ಯಮ ವರದಿಗಳ ಪ್ರಕಾರ, ವಿಚ್ಛೇದನದ ಸಮಯದಲ್ಲಿ, ಸಂಜಯ್ ಕಪೂರ್ ಕರಿಷ್ಮಾಗೆ ಫ್ಲ್ಯಾಟ್ ನೀಡಿದ್ದರು ಮತ್ತು 14 ಕೋಟಿ ರೂ. ಹಣವನ್ನು ಕೊಟ್ಟಿದ್ದಾರಂತೆ.

ಅರ್ಬಾಜ್ ಖಾನ್ ಮತ್ತು ಮಲೈಕಾ ಅರೋರಾ 1998 ರಲ್ಲಿ ವಿವಾಹವಾದರು. 18 ವರ್ಷಗಳ ಕಾಲ ಜೊತೆಗಿದ್ದ ಬಳಿಕ ವಿಚ್ಛೇದನ ಪಡೆದರು. ವಿಚ್ಛೇದನದ ಸಮಯದಲ್ಲಿ ಮಲೈಕಾ ಅರೋರಾಗೆ ಅರ್ಬಾಜ್ ಖಾನ್ 10 ರಿಂದ 15 ಕೋಟಿ ರೂ. ಜೀವನಾಂಶ ನೀಡಿದ್ದಾರೆ.

ಸಂಜಯ್ ದತ್ ಮತ್ತು ಮಾಡೆಲ್ ರಿಯಾ ಪಿಳ್ಳೈ ದಾಂಪತ್ಯ ಜೀವನ ಹೆಚ್ಚು ಕಾಲ ಉಳಿಯಲಿಲ್ಲ. ರಿಯಾ ಪಿಳ್ಳೈ ಈ ನಟನ ಎರಡನೇ ಪತ್ನಿ. 2005 ರಲ್ಲಿ ವಿಚ್ಛೇದನದ ನಂತರ, ರಿಯಾ ಸಂಜಯ್ ದತ್ ಅವರಿಂದ ಮನೆ ಮತ್ತು 8 ಕೋಟಿ ರೂ. ಪಡೆದುಕೊಂಡಿದ್ದಾರೆ.

ಅಮೃತಾ ಸಿಂಗ್ ತನ್ನ ವೃತ್ತಿಜೀವನದ ಉತ್ತುಂಗದಲ್ಲಿದ್ದಾಗ 12 ವರ್ಷ ಕಿರಿಯನಾದ ಸೈಫ್ ಅಲಿ ಖಾನ್ ಅವರನ್ನು ವಿವಾಹವಾದರು. ಆದರೆ ಅಮೃತಾ ಸಿಂಗ್ ಮತ್ತು ಸೈಫ್ ಅಲಿ ಖಾನ್ ಹೆಚ್ಚು ಕಾಲ ಒಟ್ಟಿಗೆ ಇರಲು ಸಾಧ್ಯವಾಗಲಿಲ್ಲ. ಮದುವೆಯಾದ 12 ವರ್ಷಗಳ ನಂತರ ಅಮೃತಾ ಸಿಂಗ್ ಗೆ ಸೈಫ್ ಅಲಿ ಖಾನ್ ವಿಚ್ಛೇದನ ನೀಡಿದ್ರು. 5 ಕೋಟಿ ರೂ. ಜೀನಾಂಶ ನೀಡಲಾಗಿತ್ತು.