Krrish 4: ಹೃತಿಕ್ ರೋಷನ್ ಕ್ರಿಶ್ 4 ಸಿನಿಮಾ ರಿಲೀಸ್ ಯಾವಾಗ? ಚಿತ್ರದ ಬಗ್ಗೆ ರಾಕೇಶ್ ರೋಷನ್ ನೀಡಿದ್ದಾರೆ ಬಿಗ್ ಅಪ್ಡೇಟ್

ಹೃತಿಕ್ ರೋಷನ್ ಇದುವರೆಗೆ ಹಲವು ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಇದರಲ್ಲಿ 'ಕಹೋ ನಾ ಪ್ಯಾರ್ ಹೈ', 'ವಾರ್', 'ಅಗ್ನಿಪಥ್' ಮತ್ತು 'ಕೋಯಿ ಮಿಲ್ ಗಯಾ' ಚಿತ್ರಗಳು ಸೇರಿವೆ. ನಟನ 'ಕ್ರಿಶ್' ಫ್ರಾಂಚೈಸಿಯ ಎಲ್ಲಾ ಚಿತ್ರಗಳು ಪ್ರೇಕ್ಷಕರಿಂದ ಇಷ್ಟಪಟ್ಟಿವೆ. ಈಗ ಫ್ಯಾನ್ಸ್ 'ಕ್ರಿಶ್ 4' ಬಿಡುಗಡೆಗಾಗಿ ಕಾಯುತ್ತಿದ್ದಾರೆ.

ಹೃತಿಕ್ ರೋಷನ್ ಅವರ 'ಕ್ರಿಶ್ 3' 2013 ರಲ್ಲಿ ಬಿಡುಗಡೆಯಾಯಿತು. ಇದರ ನಂತರ, ಚಿತ್ರದ ಮುಂದಿನ ಭಾಗದ ಬಗ್ಗೆ ಅನೇಕ ಸುದ್ದಿ ಹರಿದಾಡುತ್ತಿದೆ. ಆದರೆ ಅಧಿಕೃತವಾಗಿ ಸಿನಿಮಾ ಬಿಡುಗಡೆಯನ್ನು ಘೋಷಿಸಿಲ್ಲ.

ಈಗ ರಾಕೇಶ್ ರೋಷನ್ ಈ ಸಿನಿಮಾ ಯಾವಾಗ ಬಿಡುಗಡೆಯಾಗುತ್ತೆ ಎಂದು ಹೇಳಿದ್ದಾರೆ. ಸಂದರ್ಶನವೊಂದರಲ್ಲಿ ಮಾತಾಡಿದ ನಿರ್ಮಾಪಕರು ಕ್ರಿಶ್ 4 ಚಿತ್ರದ ಸ್ಕ್ರಿಪ್ಟ್ ಕೆಲಸ ನಡೆಯುತ್ತಿದ್ದು, ಪ್ರಿ-ಪ್ರೊಡಕ್ಷನ್ ಹಂತದಲ್ಲಿ ಕೆಲಸ ನಡೆಯಲಿದ್ದು, 2024ರ ನಂತರ ಚಿತ್ರೀಕರಣ ಆರಂಭವಾಗಲಿದೆ. 'ಕ್ರಿಶ್ 4' ಬಿಡುಗಡೆಗೆ ಇನ್ನೂ 2-3 ವರ್ಷವಾದರೂ ಬೇಕು.

'ಕ್ರಿಶ್' ಫ್ರಾಂಚೈಸ್​ನ ಚಿತ್ರಗಳ ತಯಾರಿಸಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ ಎಂದು ರಾಕೇಶ್ ರೋಷನ್ ತಿಳಿಸಿದ್ದಾರೆ. ಕ್ರಿಶ್ ಪರಿಕಲ್ಪನೆಯೇ ಬೇರೆ ಇದೆ. ಇಂತಹ ಚಿತ್ರಗಳನ್ನು ಮಾಡಲು ಸಾಕಷ್ಟು ಸಮಯ ಬೇಕಾಗುತ್ತದೆ.

49 ವರ್ಷದ ಹೃತಿಕ್ 'ವಾರ್ 2' ಮತ್ತು 'ಫೈಟರ್' ಸೇರಿದಂತೆ ಕೆಲವು ದೊಡ್ಡ ಬಜೆಟ್ ಚಿತ್ರಗಳನ್ನು ಹೊಂದಿದ್ದಾರೆ. 'ಫೈಟರ್' ಚಿತ್ರದಲ್ಲಿ ಹೃತಿಕ್ ಮತ್ತು ದೀಪಿಕಾ ಪಡುಕೋಣೆ ಜೋಡಿಯಾಗಿ ಮೊದಲ ಬಾರಿಗೆ ಕಾಣಿಸಿಕೊಳ್ಳಲಿದ್ದಾರೆ. ಮುಂದಿನ ವರ್ಷ ಜನವರಿ 2024 ರಲ್ಲಿ ಫೈಟರ್ ಸಿನಿಮಾ ಬಿಡುಗಡೆ ಆಗಲಿದೆ.

ಅಯಾನ್ ಮುಖರ್ಜಿ ನಿರ್ದೇಶನ 'ವಾರ್ 2' ಸಿನಿಮಾದಲ್ಲಿ ಹೃತಿಕ್ ಕಾಣಿಸಿಕೊಳ್ಳಲಿದ್ದಾರೆ. ಈ ಬಿಗ್ ಬಜೆಟ್ ಮೂವಿ ಮೇಲೆ ಭಾರೀ ನಿರೀಕ್ಷೆ ಇದೆ. ಈ ಸಿನಿಮಾದಲ್ಲಿ ಹೃತಿಕ್ ರೋಷನ್ ಜೊತೆ ಟಾಲಿವುಡ್ ನಟ ಜೂನಿಯರ್ NTR ಕೂಡ ಕಾಣಿಸಿಕೊಳ್ಳಲಿದ್ದಾರೆ.

ಹೃತಿಕ್ ರೋಷನ್ ಮೊದಲ ಪತ್ನಿ ಸುಝೇನ್ ಖಾನ್ಗೆ ವಿಚ್ಛೇದನ ನೀಡಿದ್ದು, ಇಬ್ಬರು ಮಕ್ಕಳಿದ್ದಾರೆ. ಇದೀಗಾ ನಟಿ ಸಬಾ ಆಜಾದ್ ಜೊತೆ ಹೃತಿಕ್ ಡೇಟಿಂಗ್ ಮಾಡ್ತಿದ್ದಾರೆ. ಅನೇಕ ಪಾರ್ಟಿ, ಕಾರ್ಯಕ್ರಮಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.

ಸಬಾ ಆಜಾದ್, ಹೃತಿಕ್ ರೋಷನ್ ಕಿಸ್ಸಿಂಗ್ ವಿಡಿಯೋ ಇತ್ತೀಚಿಗೆ ವೈರಲ್ ಆಗಿತ್ತು. ಪಾರ್ಟಿಯಲ್ಲಿ ಸಭಾ ಹೀಲ್ಸ್ ಕೈಯಲ್ಲಿ ಹಿಡಿದುಕೊಂಡು ಗೆಳತಿಯ ಮೇಲಿನ ಪ್ರೀತಿಯನ್ನು ವ್ಯಕ್ತಪಡಿಸಿದ್ರು. ಆದಷ್ಟು ಬೇಗ ಇಬ್ಬರು ಮದುವೆ ಆಗ್ತಾರೆ ಎನ್ನಲಾಗ್ತಿದೆ.