Toyota Vellfire: ಡಾಲಿಗೆ ಸಿಕ್ಕಿರೋ ಗಿಫ್ಟ್ ಭಾರೀ ದುಬಾರಿ! ಈ ಲಕ್ಷುರಿ ಕಾರಿನ ಬೆಲೆ ಎಷ್ಟು ಗೊತ್ತೇ?

ಸ್ಯಾಂಡಲ್​ವುಡ್ ನಟ ಡಾಲಿ ಧನಂಜಯ್ ಅವರು ಈಗ ಸುಂದರವಾಗಿರುವ ಲಕ್ಷುರಿ ಟೊಯೋಟಾ ಕಾರಿನ ಮಾಲೀಕ. ನಿರ್ಮಾಪಕರಿಂದ ದುಬಾರಿ ಗಿಫ್ಟ್ ಪಡೆದಿದ್ದಾರೆ ಡಾಲಿ. Toyota Vellfire ಕಾರಿನ ವಿಶೇಷತೆಗಳು ಏನೇನು? ಇಲ್ಲಿವೆ ನೋಡಿ.

ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಲಕ್ಷುರಿ Toyota Vellfire ಲಭ್ಯವಿದ್ದು ಇದು ಐಷರಾಮಿ ಕಾರುಗಳಲ್ಲಿ ಒಂದಾಗಿದೆ. ಈ ಕಾರಿನ ಬೆಲೆಯೂ ದುಬಾರಿ ಇದ್ದು ಇದರ ವಿನ್ಯಾಸ, ಸೀಟ್ಸ್, ಡ್ರೈವಿಂಗ್ ಎಲ್ಲವೂ ಕ್ಲಾಸಿಯಾಗಿದೆ. ಈ ಕಾರಿನ ಕುರಿತ ಮಾಹಿತಿ ಇಲ್ಲಿದೆ ನೋಡಿ.

ಕಾರಿನ ಮಧ್ಯದ ಸಾಲಿನಲ್ಲಿ ಎರಡು ಐಷಾರಾಮಿ ಕ್ಯಾಪ್ಟನ್ ಸೀಟ್​​ಗಳಿವೆ. ಇದನ್ನು 'ಎಕ್ಸಿಕ್ಯೂಟಿವ್ ಲೌಂಜ್' ಪ್ಯಾಕೇಜ್ ಎಂದೂ ಕರೆಯಲಾಗುತ್ತದೆ. ಎರಡೂ ಸೀಟ್​ಗಳೂ ಆರಾಮವಾಗಿ ಒರಗಿಕೊಳ್ಳಬಹುದಾದ ರೀತಿ ವಿನ್ಯಾಸ ಮಾಡಲ್ಪಟ್ಟಿವೆ. ವೆಲ್‌ಫೈರ್ ಚಾಲಿತ ಸ್ಲೈಡಿಂಗ್ ಡೋರ್‌ಗಳು, ಎರಡು ಸನ್‌ರೂಫ್‌ಗಳು, ಪ್ರತ್ಯೇಕ ಟ್ರೇ ಟೇಬಲ್‌ಗಳು ಮತ್ತು ಮೂಡ್ ಲೈಟಿಂಗ್ ಅನ್ನು ಸಹ ಒಳಗೊಂಡಿರುತ್ತದೆ.

ಹೊರ ನೋಟದಲ್ಲಿಯೂ ಆಕರ್ಷಕ ವಿನ್ಯಾಸವನ್ನು ಹೊಂದಿರುವ ಕಾರು ಈಗಾಗಲೇ ಹಲವಾರು ಸೆಲೆಬ್ರಿಟಿಗಳಲ್ಲಿದೆ. ಮಾಲಿವುಡ್ ನಟ ಮೋಹನ್​ಲಾಲ್ ಬಿಳಿ ಬಣ್ಣದ ಕಾರು ಖರೀದಿಸಿದ್ದಾರೆ. ತಮಿಳು ನಟ ಸಿಂಬು ನಿರ್ಮಾಪಕರಿಂದ ಬ್ಲ್ಯಾಕ್ ಕಾರ್ ಗಿಫ್ಟ್ ಪಡೆದಿದ್ದಾರೆ.

ಇದರ ಆರಾಮದಾಯಕ ಸೀಟ್​ಗಳಲ್ಲಿ ತಲೆಯನ್ನು ಆರಾಮವಾಗಿಟ್ಟುಕೊಳ್ಳಲು, ಕೈಯನ್ನು ಹ್ಯಾಂಡ್ ಮೇಲೆ ಇಟ್ಟು, ಕಾಲು ಚಾಚಿ ಕೂರಬಹುದು. ಇದರ ಸೀಟ್ ಮಾಡೆಲ್ ಲಕ್ಷುರಿಯಾಗಿದೆ.

ಇದರಲ್ಲಿ 10.2 ಇಂಚ್ ಸ್ಕ್ರೀನ್ ಇದ್ದು 360 ಡಿಗ್ರಿಯ ಕ್ಯಾಮೆರಾ ಇದೆ. 7 ಇಂಚುಗಳ ಟಚ್​ಸ್ಕ್ರೀನ್ ಇನ್ಫೋಟೈನ್​ಮೆಂಟ್ ವ್ಯವಸ್ಥೆಯನ್ನೂ ಇದರಲ್ಲಿ ಮಾಡಲಾಗಿದೆ. ಡ್ಯುಯಲ್ ಟೋನ್​ನಲ್ಲಿ ಇಂಟೀರಿಯರ್ ಥೀಮ್ ಬರುವುದು ಇನ್ನೊಂದು ಆಕರ್ಷಣೆ.

ಈ ಕಾರಿನ ಎವರೇಜ್ ಎಕ್ಸ್ ಶೋರೂಮ್ ಬೆಲೆ 96.44 ಲಕ್ಷ ರೂಪಾಯಿ ಇದೆ. ಈ ಕಾರು ತನ್ನ ವಿನ್ಯಾಸ ಹಾಗೂ ಲಕ್ಷುರಿ ಫೀಚರ್​ಗಳಿಂದಲೇ ಹೈಲೈಟ್ ಆಗಿದೆ.

ಸದ್ಯ ಡಾಲಿ ಅವರು ಈ ದುಬಾರಿ ಕಾರಿನ ಮಾಲೀಕರಾಗಿದ್ದು ಡಾಲಿ ಅವರ ಗಿಫ್ಟ್ ಕಾರು ಕೂಡಾ ಬ್ಲ್ಯಾಕ್ ಕಲರ್​​ನದ್ದಾಗಿದೆ. ನಟ ಸ್ಮೈಲಿಂಗ್ ಫೇಸ್​ನಲ್ಲಿ ಕಾರಿನ ಜೊತೆ ಪೋಸ್ ಕೊಟ್ಟಿದ್ದಾರೆ.