Deepika Padukone: ಮತ್ತೊಂದು ಹಾಲಿವುಡ್​ ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ..!

XXX-ದ ರಿಟರ್ನ್‌ ಆಫ್‌ ಸ್ಯಾಂಡರ ಕೇಜ್‌' ಚಿತ್ರದ ಮೂಲಕ ಹಾಲಿವುಡ್‌ಗೆ ಎಂಟ್ರಿ ಕೊಟ್ಟ ದೀಪಿಕಾ ಅವರಿಗೆ ಆ ಚಿತ್ರದಿಂದಲೇ ಯಶಸ್ಸು ಕೈ ಹಿಡಿದಿತ್ತು. ಮೊದಲ ಪ್ರಯತ್ನದಲ್ಲಿಯೇ ದೀಪಿಕಾ ಗೆದ್ದಿದ್ದರು.

ವಿನ್ ಡೀಸೆಲ್​ ಜತೆ ಕಾಣಿಸಿಕೊಂಡಿದ್ದ ದೀಪಿಕಾ ಪಡುಕೋಣೆ ಅವರಿಗೆ ಹೆಸರನ್ನೂ ತಂದು ಕೊಟ್ಟಿತ್ತು. ಅಲ್ಲದೆ ಆ ಸಿನಿಮಾದಲ್ಲಿ ದೀಪಿಕಾ ಒಂದೂವರೆ ಗಂಟೆ ಕಾಲ ತೆರೆ ಮೇಲೆ ಕಾಣಿಸಿಕೊಂಡಿದ್ದರು. 

ಆ ಸಿನಿಮಾದ ನಂತರ ಮತ್ತೆ ದೀಪಿಕಾ ಪಡುಕೋಣೆ ಅವರು ಮತ್ತೊಂದು ಹಾಲಿವುಡ್ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಅನ್ನೋ ಸುದ್ದಿ ಸಖತ್​ ಗುಲ್ಲಾಗಿತ್ತು.

ಹಾಲಿವುಡ್‌ ಸಿನಿಮಾ ತ್ರಿಬಲ್‌ ಎಕ್ಸ್‌ ಚಿತ್ರದ ನಿರ್ದೇಶಕ ಡಿ.ಜೆ.ಕರುಸೊ ಅವರ ಮುಂದಿನ ಚಿತ್ರ XXX4 ನಲ್ಲಿ ದೀಪಿಕಾ ಇರಲಿದ್ದಾರೆ ಎಂದೂ ಹೇಳಲಾಗಿತ್ತು.

XXX-ದ ರಿಟರ್ನ್‌ ಆಫ್‌ ಸ್ಯಾಂಡರ ಕೇಜ್‌' ಚಿತ್ರದ ಬಳಿಕ ದೀಪಿಕಾರ ಎರಡನೇ ಚಿತ್ರ ಯಾವುದೆಂದು ಅಭಿಮಾನಿಗಳು ಕಾತುರರಾಗಿ ಕಾಯುತ್ತಿದ್ದರು.

ಆಗ ದೀಪಿಕಾ ತಮ್ಮ ಪದ್ಮಾವತ್​ ಸಿನಿಮಾದ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದರು. ಈ ಕಾರಣದಿಂದಾಗಿ ತಮ್ಮ ಮುಂದಿನ ಹಾಲಿವುಡ್​ ಸಿನಿಮಾ ಬಗ್ಗೆ ಯಾವುದೇ ಮಾಹಿತಿ ನೀಡಿರಲಿಲ್ಲ.

ಆದರೆ ಈಗ ದೀಪಿಕಾ ಪಡುಕೋಣೆ ಅಭಿಮಾನಿಗಳಿಗೆ ಖುಷಿಯಾದ ಸುದ್ದಿ ಸಿಕ್ಕಿದೆ. ದೀಪಿಕಾರ ಮುಂದಿನ ಹಾಲಿವುಡ್​ ಸಿನಿಮಾ ಕುರಿತಾಗಿ ಸುದ್ದಿ ಬಹಿರಂಗವಾಗಿದೆ.

ಎಸ್​ಟಿಎಕ್ಸ್​ ಫಿಲಂಸ್​ ಜೊತೆ ದೀಪಿಕಾ ಕೈ ಜೋಡಿಸಿದ್ದಾರೆ. ಕ್ರಾಸ್​ ಕಲ್ಚರ್​ ರೊಮ್ಯಾಂಟಿಕ್​ ಕಾಮಿಡಿಯಲ್ಲಿ ದೀಪಿಕಾ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ ಎಂಧು ಡೆಡ್​ಲೈನ್ ವರದಿ ಮಾಡಿದೆ.

ಕ್ರಾಸ್​ ಕಲ್ಚರ್​ ರೊಮ್ಯಾಂಟಿಕ್​ ಕಾಮಿಡಿ ಪ್ರಾಜೆಕ್ಟ್​ ಅನ್ನು ದೀಪಿಕಾ ತಮ್ಮ ಹೋಂ ಪ್ರೊಡಕ್ಷನ್ಸ್​ ಕಾ ದಲ್ಲೇ ನಿರ್ಮಿಸಲಿದ್ದಾರಂತೆ.

ಇನ್ನು ದೀಪಿಕಾ ಪಡುಕೋಣೆ ತಮ್ಮ ಹೋಂ ಬ್ಯಾನರ್​ನಲ್ಲೇ ಮತ್ತೊಂದು ಹಿಂದಿ ಸಿನಿಮಾ ನಿರ್ಮಾಣ ಮಾಡುತ್ತಿರುವುದು ಗೊತ್ತೇ ಇದೆ.

ಹಾಲಿವುಡ್ ಸಿನಿಮಾ ದ ಇಂಟರ್ನ್​ ಅನ್ನು ಹಿಂದಿಯಲ್ಲಿ ರಿಮೇಕ್ ಮಾಡಲಾಗಿದ್ದಾರೆ. ಈ ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ ಜತೆ ಅಮಿತಾಭ್​ ಬಚ್ಚನ್​ ಅವರು ನಟಿಸಲಿದ್ದಾರೆ.

ಈ ಚಿತ್ರದಲ್ಲಿ ಈ ಹಿಂದೆ ರಿಷಿ ಕಪೂರ್ ಅವರನ್ನು ಆಯ್ಕೆ ಮಾಡಿಕೊಳ್ಳಲಾಗಿತ್ತು,. ಅವರ ಅಗಲಿಕೆಯ ನಂತರ ಈ ಪಾತ್ರಕ್ಕೆ ದೀಪಿಕಾ ಅವರು ಅಮಿತಾಭ್​ ಅವರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ.

ಇನ್ನು ರಣವೀರ್​ ಸಿಂಗ್​ ಜತೆ ನಟಿಸಿರುವ 83 ಸಿನಿಮಾ ರಿಲೀಸ್​ಗೆ ರೆಡಿಯಾಗಿದೆ. ಆದರೆ, ಕೊರೋನಾ ಕಾರಣದಿಂದಾಗಿ ಇನ್ನೂ ಚಿತ್ರ ತೆರೆ ಕಂಡಿಲ್ಲ.