Narendra Modi: ಮೋದಿ ಸಿನಿಮಾಗೆ ಆ್ಯಕ್ಷನ್-ಕಟ್ ಹೇಳ್ತಾರಾ ಜಾನಿ ಡೆಪ್? ವೈರಲ್ ಸುದ್ದಿ ನಿಜಾನಾ?

ಖ್ಯಾತ ಹಾಲಿವುಡ್ ನಟ ಜಾನಿ ಡೆಪ್ ದೊಡ್ಡ ಘೋಷಣೆ ಮಾಡಿದ್ದಾರೆ. ಸುಮಾರು 25 ವರ್ಷಗಳ ನಂತರ ಜಾನಿ ಡೆಪ್ ನಟನೆಯನ್ನು ತೊರೆದು ಮತ್ತೆ ನಿರ್ದೇಶನ ಮಾಡಲು ನಿರ್ಧರಿಸಿದ್ದಾರೆ.

ಜಾನಿ ಡೆಪ್ ಈ ಹಿಂದೆ 1997ರಲ್ಲಿ ದಿ ಬ್ರೇವ್ ಚಿತ್ರವನ್ನು ನಿರ್ದೇಶಿಸಿದ್ದರು. ಬ್ರೇವ್ ಚಿತ್ರದಲ್ಲಿ ಜಾನ್ ಡೆಪ್ ಮತ್ತು ಮರ್ಲಾನ್ ಬ್ರಾಂಡೊ ನಟಿಸಿದ್ದಾರೆ.

ಜಾನಿ ಡೆಪ್ ಮಾಜಿ ಪತ್ನಿ ಅಂಬರ್ ಹರ್ಡ್ ಅವರ ಕಾನೂನು ತನಿಖೆಯಲ್ಲಿ ನಿರತರಾಗಿದ್ದರು. ಈ ಸ್ಟಾರ್ ದಂಪತಿಯ ಜಗಳ ದೊಡ್ಡಮಟ್ಟದಲ್ಲಿ ಸುದ್ದಿಯಾಗಿತ್ತು.

ಅದರ ನಂತರ ನಟ ಮತ್ತೊಮ್ಮೆ ದೊಡ್ಡ ಪರದೆಯ ಮೇಲೆ ಕಾಣಿಸಿಕೊಳ್ಳಲು ಸಜ್ಜಾಗಿದ್ದಾರೆ. ಡೆಡ್‌ಲೈನ್‌ನ ವರದಿಯ ಪ್ರಕಾರ, ಜಾನಿ ಡೆಪ್ ಅವರ ಚಿತ್ರಕ್ಕೆ MODI ಎಂದು ಹೆಸರಿಡಲಾಗಿದೆ.

ಈ ಚಿತ್ರವು ಇಟಾಲಿಯನ್ ಕಲಾವಿದ ಅಮೆಡಿಯೊ ಮೊಡಿಗ್ಲಿಯಾನಿ ಅವರ ಜೀವನವನ್ನು ಆಧರಿಸಿದೆ ಎನ್ನಲಾಗಿದೆ. ಎಮಿಡಿಯೊ ಮೊಡಿಗ್ಲಿಯಾನಿ ಒಬ್ಬ ಮಹಾನ್ ವರ್ಣಚಿತ್ರಕಾರ ಮತ್ತು ಶಿಲ್ಪಿ.

ಇದು ಎಮಿಡಿಯೊ ಮೊಡಿಗ್ಲಿಯನಿಯ ಜೀವನದಲ್ಲಿ ನಡೆದ ಹಿಂಸಾತ್ಮಕ ಘಟನೆಗಳನ್ನು ಚಿತ್ರಿಸುತ್ತದೆ. ಮೋದಿ ಚಿತ್ರಕ್ಕೆ ಜಾನ್ ಡೆಪ್ ಕಾಸ್ಟಿಂಗ್ ಕೂಡ ಮಾಡಿದ್ದಾರೆ. ಹಾಲಿವುಡ್ ನಟ ಅಲ್ ಪಸಿನೋ ಮುಖ್ಯ ಪಾತ್ರದಲ್ಲಿ ನಟಿಸಲಿದ್ದಾರೆ.

ಜಾನಿ ಡೆಪ್ ಸೂಪರ್ ಫೇಮಸ್ ಆಗಿದ್ದು ಜಾಕ್ ಸ್ಪಾರೋ ಪಾತ್ರದ ಮೂಲಕ. ಪೈರೇಟ್ ಆಫ್ ಕೆರೀಬಿಯನ್ (2003-2017) ರ ಸಿನಿಮಾದಲ್ಲಿ ಕ್ಯಾಪ್ಟನ್ ಜ್ಯಾಕ್ ಸ್ಪಾರೋ ಪಾತ್ರ ಮಾಡಿ ನಟ ಸಿಕ್ಕಾಪಟ್ಟೆ ಫೇಮಸ್ ಆದರು.

ಡೆಪ್ ಪೋಷಕರು 1978ರಲ್ಲಿ ವಿಚ್ಛೇದನೆ ಪಡೆದರು. ಆಗ ನಟನಿಗೆ 15 ವರ್ಷ. ನಂತರ ನಟನ ತಾಯಿ ರಾಬರ್ಟ್ ಪಾಮರ್ ಎಂಬರವನ್ನು ಮದುವೆಯಾದರು. ಅವರು ತನಗೆ ಸ್ಫೂರ್ಥಿ ಎನ್ನುತ್ತಾರೆ ಜಾನಿ ಡೆಪ್.

ಅಂದ ಹಾಗೆ ಜಾನಿ ಡೆಪ್ ನಿರ್ದೇಶಿಸಲಿರುವುದು ಪ್ರಧಾನಿ ಮೋದಿ ಅವರ ಬಯೋಪಿಕ್ ಅಲ್ಲ. ಬಲಾಗಿ ಇಟಾಲಿಯನ್ ಕಲಾವಿದ ಅಮೆಡಿಯೊ ಮೊಡಿಗ್ಲಿಯಾನಿ ಅವರ ಜೀವನ ಆಧಾರಿತ ಚಿತ್ರವಾಗಿದೆ.