Anupama Serial: ಗೃಹಿಣಿಯರಿಗೆ ಗುಡ್ ನ್ಯೂಸ್, ದೇಶದ ಮನೆ ಮನೆ ತಲುಪಿದ 'ಅನುಪಮಾ' ಇಂದು ಕರುನಾಡಿಗೆ ಎಂಟ್ರಿ

ಕನ್ನಡದಲ್ಲಿ ಈಗಾಗಲೇ ಹಿಟ್ ಧಾರಾವಾಹಿಗಳು ಪ್ರಸಾರವಾಗುತ್ತಿವೆ. ಜನರಿಗೆ ಮನರಂಜನೆ ನೀಡುತ್ತಿವೆ. ಈಗ ಜನರಿಗೆ ಮತ್ತಷ್ಟು ಮನರಂಜನೆ ನೀಡಲು ಹಿಂದಿಯ ಅನುಪಮ ಧಾರಾವಾಹಿ ಸೋಮವಾರದಿಂದ ಪ್ರಸಾರವಾಗಲಿದೆ.

ಸ್ಟಾರ್ ಸುವರ್ಣ ಜನರಿಗೆ ಮನರಂಜನೆ ನೀಡಲು ಹೊಸ ಪ್ರಯತ್ನಕ್ಕೆ ಕೈ ಹಾಕಿದೆ. ಹಿಂದಿಯಲ್ಲಿ ಎಲ್ಲರ ಮನಗೆದ್ದಿರುವ ಅನುಪಮಾ ಸೀರಿಯಲ್ ಕನ್ನಡದಲ್ಲಿ ಡಬ್ ಆಗ್ತಿದೆ. ಸ್ಟಾರ್ ಸುವರ್ಣದಲ್ಲಿ ಸೋಮವಾರದಿಂದ ಮಧ್ಯಾಹ್ನ 1 ಗಂಟೆಗೆ ಧಾರಾವಾಹಿ ಪ್ರಸಾರವಾಗುತ್ತೆ.

ಈ ಧಾರಾವಾಹಿಯೂ ಸಾಮಾನ್ಯ ಗೃಹಿಣಿಯ ಅಸಾಮಾನ್ಯ ಕಥೆ ಆಗಿದೆ. ಮಕ್ಕಳು ಬೆಳೆದು ನಿಂತ ವಯಸ್ಸಿನಲ್ಲಿ ಪತಿ ವಿಚ್ಛೇದನ ನೀಡುತ್ತಾನೆ. ಆ ವಯಸ್ಸಿನಲ್ಲಿ ಇನ್ನೊಂದು ಮದುವೆಯಾಗಿ 2 ಮನೆಯನ್ನು ನಿಭಾಯಿಸುವುದೇ ಸ್ಟೋರಿ.

ಮನೆಗಾಗಿ ಜೀವನ ಮೀಸಲಿಡುವ ಮಹಿಳೆ. ಆದ್ರೂ ಗಂಡ, ಮಕ್ಕಳ ಪ್ರೀತಿ ಸಿಕ್ಕಿರುವುದಿಲ್ಲ. ಎಲ್ಲರೂ ಈಕೆಯನ್ನು ತಾತ್ಸರದಿಂದ ನೋಡ್ತಾರೆ. ನಿನಗೆ ಓದು, ಬರಹ ಗೊತ್ತಿಲ್ಲ ಎಂದು ಕೀಳಾಗಿ ನೋಡ್ತಾರೆ.

ಇದೊಂದು ಲವ್ ಸ್ಟೋರಿ ಆಗಿದೆ. ನಾಯಕಿ ಪತಿ ಡಿವೋರ್ಸ್ ಆದ ಮೇಲೆ ಬೇರೆ ಮದುವೆ ಆಗ್ತಾನೆ. ನಾಯಕಿಯೂ 26 ವರ್ಷಗಳ ಹಿಂದೆ ಪ್ರೀತಿ ಮಾಡಿದ್ದ ಹುಡುಗನ ಜೊತೆ ಎರಡನೇ ಮದುವೆ ಆಗ್ತಾಳೆ.

ನಾಯಕಿಯು 3 ಮಕ್ಕಳನ್ನು ಬೆಳೆಸುವ ಪರಿ, ಇಂಗ್ಲಿಷ್ ಕಲಿತು ಕಂಪನಿ ನಡೆಸುವುದು ಎಲ್ಲವೂ ಜನರಿಗೆ ಇಷ್ಟ ಆಗಿದೆ. ಹಿಂದಿಯಲ್ಲಿ ಹಿಟ್ ಆಗಿದೆ.

ಇದು ಕುಟುಂಬದವರು ಕೂತು ನೋಡುವ ಧಾರಾವಾಹಿಯಾಗಿದ್ದೂ, ಹಿಂದಿಯ ರೀತಿ ಕನ್ನಡದಲ್ಲೂ ಅಭಿಮಾನಿಗಳನ್ನು ಸೆಳೆಯುವುದು ಪಕ್ಕಾ ಎನ್ನಲಾಗುತ್ತಿದೆ.

ನಾಯಕಿಯ ಪಾತ್ರವನ್ನು ರೂಪಾಲಿ ಗಂಗೂಲಿ ಅವರು ಮಾಡಿದ್ದಾರೆ. ನಾಯಕನ ಪಾತ್ರವನ್ನು ಗೌರವ್ ಖನ್ನಾ ಮಾಡಿದ್ದಾರೆ. ಇದರಲ್ಲಿ ದೊಡ್ಡ ತಾರಾ ಬಳಗವೇ ಇದೆ.