Tamanna-Prabhas: ಪ್ರಭಾಸ್ ಆತಿಥ್ಯಕ್ಕೆ ನಟಿ ತಮನ್ನಾ ಫಿದಾ! ಬಾಹುಬಲಿ ಬಗ್ಗೆ ಮಿಲ್ಕಿ ಬ್ಯೂಟಿ ಕಮೆಂಟ್ ವೈರಲ್

ಪ್ಯಾನ್ ಇಂಡಿಯಾ ಸ್ಟಾರ್ ಕಿರೀಟವನ್ನು ಹೊಂದಿದ್ದರೂ ಪ್ರಭಾಸ್ ನಿಜ ಜೀವನದಲ್ಲಿ ತುಂಬಾ ಸರಳವಾಗಿದ್ದಾರೆ. ಅದರಲ್ಲೂ ಅವರ ವ್ಯಕ್ತಿತ್ವಕ್ಕೆ ಸಾಕಷ್ಟು ಅಭಿಮಾನಿಗಳಿದ್ದಾರೆ. ಪ್ರಭಾಸ್ ಯಾವಾಗಲೂ ತಮ್ಮ ಕೈಲಾದಷ್ಟು ಸಹಾಯ ಮಾಡುವ ಮೂಲಕ ಜನ ಸೇವೆ ಕೂಡ ಮಾಡುತ್ತಾರೆ.

ಅಷ್ಟೇ ಅಲ್ಲದೇ ತಾವು ಯಾವುದೇ ಸಿನಿಮಾ ಸೆಟ್​ನಲ್ಲಿದ್ರು ಎಲ್ಲರಿಗೂ ಅವರ ಮನೆಯಿಂದಲೇ ಊಟ ತರುತ್ತಾರೆ ಈ ವಿಚಾರ ಅನೇಕ ಭಾರೀ ಸುದ್ದಿಯಾಗಿತ್ತು. ಇತ್ತೀಚೆಗಷ್ಟೇ ತಮನ್ನಾ ಇದೇ ವಿಷಯವನ್ನು ಪ್ರಸ್ತಾಪಿಸಿ ಕುತೂಹಲಕಾರಿ ಕಮೆಂಟ್ ಮಾಡಿದ್ದಾರೆ. ಪ್ರಭಾಸ್ ನಿಜವಾದ ಕಿಂಗ್ ಎಂದು ತಮನ್ನಾ ಹೇಳಿದ್ದಾರೆ.

ಸಂದರ್ಶನವೊಂದರಲ್ಲಿ ಮಾತಾಡಿದ ತಮನ್ನಾ ಪ್ರಭಾಸ್ ಅವರ ಆತಿಥ್ಯದ ಬಗ್ಗೆ ಪ್ರಸ್ತಾಪಿಸಿದ್ದಾರೆ. ಇಷ್ಟು ದೊಡ್ಡ ಸ್ಟಾರ್ ಆದ್ರೂ ಪ್ರಭಾಸ್ ತುಂಬಾ ಸಿಂಪಲ್ ಎಂದು ತಮನ್ನಾ ಹೇಳಿದ್ದಾರೆ. ಪ್ರಭಾಸ್ ಆತಿಥ್ಯ ಮರೆಯಲು ಆಗಲ್ಲ. ಊಟಕ್ಕೆ ಕರೆದರೆ ಕನಿಷ್ಠ 30 ಬಗೆಯ ಡಿಶ್ ಬರುತ್ತೆ ಬಾಯಲ್ಲಿ ನೀರೂರಿಸುವ ತಿಂಡಿ ತಿನ್ನಿಸು ಬರುತ್ತದೆ.

ಪ್ರಭಾಸ್ ತಮ್ಮ ಜೊತೆಯಲ್ಲಿದ್ದವರನ್ನು ಖುಷಿಯಾಗಿ ಇಡುತ್ತಾರೆ. ಸಂತೋಷ ಹರಡುವ ಪ್ರಭಾಸ್ ಹಣದ ಮನಸ್ಸಿನ ವ್ಯಕ್ತಿಯಲ್ಲ ಎಂದು ತಮನ್ನಾ ಹೇಳಿದ್ದಾರೆ. ಮೇಲಾಗಿ ಒಂದೇ ಮಾತಿನಲ್ಲಿ ಮಿಲ್ಕಿ ಬ್ಯೂಟಿ ನಾನೇ ನಿಜವಾದ ಪ್ರಭಾಸ್ ಎಂದು ಹೇಳುವ ಮೂಲಕ ರೆಬೆಲ್ ಸ್ಟಾರ್ ಅಭಿಮಾನಿಗಳಿಗೆ ಅಚ್ಚರಿ ಮೂಡಿಸಿದ್ದಾರೆ.

ಪ್ರಭಾಸ್ ಜೊತೆ ರೆಬೆಲ್ ಸಿನಿಮಾದಲ್ಲಿ ನಟಿಸಿದ್ದ ತಮನ್ನಾ ನಂತರ ಬಾಹುಬಲಿ ಪಾರ್ಟ್ 1ರಲ್ಲಿ ರೆಬೆಲ್ ಸ್ಟಾರ್ ಜೊತೆ ರೊಮ್ಯಾನ್ಸ್ ಮಾಡಿದ್ದರು. ಇವರಿಬ್ಬರ ಸ್ಕ್ರೀನ್ ಪ್ರೆಸೆನ್ಸ್ ಪ್ರಭಾಸ್ ಅಭಿಮಾನಿಗಳಿಗೆ ಒಳ್ಳೆ ಕಿಕ್ ಕೊಟ್ಟಿತ್ತು.

ಇತ್ತೀಚೆಗೆ, ಪ್ರಭಾಸ್ ಕೂಡ ತಮನ್ನಾ ಬಗ್ಗೆ ಆಸಕ್ತಿದಾಯಕ ಕಾಮೆಂಟ್ಗಳನ್ನು ಮಾಡಿದ್ದಾರೆ. ಬಾಲಕೃಷ್ಣ ನಡೆಸಿಕೊಡುವ ಅನ್ಸ್ಟಾಪಬಲ್ ಶೋನಲ್ಲಿ ಪ್ರಭಾಸ್​ ಕಾಮೆಂಟ್​ಗಳು ವೈರಲ್ ಆಗಿವೆ. ತಮನ್ನಾ ಮತ್ತು ನಯನತಾರಾ ಇಬ್ಬರಲ್ಲಿ ಯಾರ ಜೊತೆ ಶಾಪಿಂಗ್ ಮಾಡುತ್ತೀರಿ ಎಂದು ಬಾಲಯ್ಯ ಪ್ರಭಾಸ್​ಗೆ ಕೇಳಿದರು. ಇಬ್ಬರೂ ಜೊತೆಯೂ ಯಾವ ಮುಲಾಜಿಲ್ಲದೆ ಶಾಪಿಂಗ್ ಮಾಡೋದಾಗಿ ಹೇಳಿದ್ದಾರೆ.

ಇತ್ತೀಚೆಗಷ್ಟೇ ರಾಧೆ ಶ್ಯಾಮ್ ಚಿತ್ರದ ಮೂಲಕ ಪ್ರೇಕ್ಷಕರ ಮುಂದೆ ಬಂದಿದ್ದ ಪ್ರಭಾಸ್ ಸದ್ಯ ಸಾಲು ಸಾಲು ಪ್ರಾಜೆಕ್ಟ್​ಗಳಲ್ಲಿ ಬ್ಯುಸಿಯಾಗಿದ್ದಾರೆ. ಪ್ರಭಾಸ್ ಈಗಾಗಲೇ ಬಾಲಿವುಡ್ ನಿರ್ದೇಶಕ ಓಂ ರಾವತ್ ಜೊತೆಗಿನ ಆದಿಪುರುಷ ಚಿತ್ರದ ಶೂಟಿಂಗ್ ಮುಗಿಸಿದ್ದು, ಮುಂಬರುವ ಚಿತ್ರಗಳತ್ತ ಗಮನ ಹರಿಸುತ್ತಿದ್ದಾರೆ.

ಸದ್ಯ ಪ್ರಭಾಸ್ ಕೈಯಲ್ಲಿ ದೊಡ್ಡ ದೊಡ್ಡ ಸಿನಿಮಾಗಳಿವೆ. ಸಾಲಾರ್ ಸಿನಿಮಾವನ್ನು ಕೆಜಿಎಫ್ ಖ್ಯಾತಿಯ ಪ್ರಶಾಂತ್ ನೀಲ್ ನಿರ್ದೇಶಿಸುತ್ತಿದ್ದಾರೆ. ಅದ್ಧೂರಿ ಆಕ್ಷನ್ ಎಂಟರ್ಟೈನರ್ ಆಗಿರುವ ಈ ಸಿನಿಮಾ ತೆಲುಗು, ತಮಿಳು, ಕನ್ನಡ, ಮಲಯಾಳಂ ಮತ್ತು ಹಿಂದಿ ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗಲಿದೆ.