Sreeleela: 'ಭರಾಟೆ' ಹುಡುಗಿ ಸಖತ್ ಬ್ಯೂಟಿ, ಶ್ರೀಲೀಲಾ ಕೊಟ್ಟ ಪೋಸ್​ಗೆ ಪಡ್ಡೆ ಹುಡುಗರು ಫಿದಾ!

ಕನ್ನಡತಿ ಶ್ರೀಲೀಲಾ ತೆಲುಗಿನಲ್ಲಿ ಸದ್ಯ ರವಿತೇಜ ಜೊತೆ ಧಮಾಕಾ ಚಿತ್ರ ಕೂಡ ರಿಲೀಸ್ ಆಗಿ ಸೂಪರ್ ಹಿಟ್ ಆಗಿದೆ. ಇದೀಗ ನಟಿ ಶ್ರೀಲೀಲಾ ಸಾಮಾಜಿಕ ಜಾಲತಾಣದಲ್ಲಿ ಒಂದಷ್ಟು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಫೋಟೋಗಳು ವೈರಲ್ ಆಗಿದೆ. ಶ್ರೀಲೀಲಾ ಚೆಂದದ ಫೋಟೋಗಳಿಗೆ ನಾನಾ ಕಮೆಂಟ್​ಗಳು ಹರಿದು ಬರ್ತಿದೆ.

ಶ್ರೀಲೀಲಾ ಕೈಯಲ್ಲಿ 7 ಚಿತ್ರಗಳಿವೆಯಂತೆ. ನಟಿಗೆ ಅವಕಾಶಗಳು ಹರಿದು ಬರಲು ನಿರ್ದೇಶಕ ರಾಘವೇಂದ್ರ ರಾವ್ ಅವರೇ ಕಾರಣ ಅನ್ನೋ ಮಾತು ಚಿತ್ರರಂಗದ ವಲಯದಲ್ಲಿ ಕೇಳಿ ಬರ್ತಿದೆ. ಶ್ರೀಲೀಲಾ ಅವರನ್ನು ಟಾಲಿವುಡ್‌ಗೆ ಪರಿಚಯಿಸಿದ್ದು ಅವರೇ, ಹೀಗಾಗಿ ಲೀಲಾಗೆ ಹೆಚ್ಚು ಅವಕಾಶ ನೀಡಿದ್ದಾರೆ.

ಶ್ರೀಲೀಲಾಗೆ ಸೋಶಿಯಲ್ ಮೀಡಿಯಾದಲ್ಲಿ ದೊಡ್ಡ ಅಭಿಮಾನಿ ಬಳಗ ಸೃಷ್ಟಿ ಆಗಿದೆ. ಒಂದು ಕೋಟಿಗೂ ಅಧಿಕ ಮಂದಿ ಶ್ರೀಲೀಲಾ ಅವರನ್ನು ಹಿಂಬಾಲಿಸುತ್ತಿದ್ದಾರೆ. ಇದು ಅವರ ಖ್ಯಾತಿಗೆ ಹಿಡಿದಿರುವ ಕೈಗನ್ನಡಿ ಆಗಿದೆ.

ಕಿಸ್, ಭರಾಟೆ ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿರುವ ನಟಿ ಶ್ರೀಲೀಲಾ ಧ್ರುವ ಸರ್ಜಾ ಅಭಿನಯದ ದುಬಾರಿ ಚಿತ್ರದಲ್ಲೂ ಅಭಿನಯಿಸುತ್ತಿದ್ದಾರೆ. ಇದೀಗ ಕನ್ನಡ ಹಾಗೂ ತೆಲುಗು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ನಟಿ ಶ್ರೀಲೀಲಾ ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಮಾಡಿರುವುದು ಕೆಲವೇ ಕೆಲವು ಸಿನಿಮಾ ಆದ್ರು ಬಹುಭಾಷಾ ನಟಿಯಾಗಿ ಮಿಂಚುತ್ತಿದ್ದಾರೆ.

ಕಿಸ್ ಚಿತ್ರದ ಮೂಲಕ ಸ್ಯಾಂಡಲ್​ವುಡ್​ಗೆ ಎಂಟ್ರಿ ಕೊಟ್ಟ ನಟಿ ಶ್ರೀಲೀಲಾ ಚಂದನವನದ ಗೊಂಬೆಯಾಗಿದ್ದರು. ಬಳಿಕ ಟಾಲಿವುಡ್​ಗೆ ಹಾರಿದ್ದಾರೆ. ತೆಲುಗಿನ ಪೆಲ್ಳಿಸದ್ದಡಿ ಚಿತ್ರದ ಮೂಲಕ ಟಾಲಿವುಡ್​ಗೂ ಎಂಟ್ರಿ ಕೊಟ್ಟಿರುವ ಈ ನಟಿ, ತೆಲುಗಿನ ಸಾಲು ಸಾಲು ಚಿತ್ರದಲ್ಲಿ ನಟಿಸುತ್ತಿದ್ದಾರೆ.

ಸಿದ್ದು ಅಭಿನಯದ ‘ಡೀಜಯ್ ತಿಲ್ಲು’ ಚಿತ್ರ ಭರ್ಜರಿ ಯಶಸ್ಸು ಕಂಡಿತು. ಚಿತ್ರದ ಮೊದಲ ಭಾಗದಲ್ಲಿ ನೇಹಾ ಶೆಟ್ಟಿ ನಾಯಕಿಯಾಗಿ ನಟಿಸಿದ್ದರೆ, ಎರಡನೇ ಭಾಗದಲ್ಲಿ ಶ್ರೀಲೀಲಾ ನಾಯಕಿಯಾಗಲಿದ್ದಾರೆ.

2021ರ ದಸರಾ ಉಡುಗೊರೆಯಾಗಿ ಈ ಚಿತ್ರವನ್ನು ರಿಲೀಸ್ ಮಾಡಲಾಯ್ತು. ಉತ್ತಮ ಯಶಸ್ಸು ಪಡೆಯಿತು. ಈ ಹಿಂದೆ ಪೆಳ್ಳಿ ಸಂದಡಿಗೆ ಸಂಗೀತ ನೀಡಿದ್ದ ಕೀರವಾಣಿ ಹಾಗೂ ಗೀತರಚನೆಕಾರ ಚಂದ್ರಬೋಸ್ ಈ ಚಿತ್ರಕ್ಕೂ ಕೆಲಸ ಮಾಡುತ್ತಿದ್ದಾರೆ. ರಾಘವೇಂದ್ರ ರಾವ್ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡು ಹಿಟ್ ಆಗಿತ್ತು. ಚಲನಚಿತ್ರವು ಪ್ರಸ್ತುತ G5 ನಲ್ಲಿ ಸ್ಟ್ರೀಮ್ ಆಗುತ್ತಿದೆ.

ಶ್ರೀಲೀಲಾಗೆ ಸಾಲು ಸಾಲು ಆಫರ್ ಗಳು ಬರುತ್ತಿವೆ. ಹೀರೋಗಳು ಕೂಡ ನಾಯಕಿ ಪಾತ್ರಕ್ಕೆ ಶ್ರೀಲೀಲಾ ಅವರನ್ನೇ ಶಿಫಾರಸು ಮಾಡುತ್ತಿದ್ದಾರೆ. ಟಾಲಿವುಡ್​ಗೆ ಹೊಸ ನಾಯಕಿ ಎಂಟ್ರಿ ಕೊಟ್ಟಿದ್ದು, ಭಾರೀ ಸದ್ದು ಮಾಡುತ್ತಿದ್ದಾರೆ.