Rambha Daughter: ರಂಭಾ ಈಗ ಎಲ್ಲಿದ್ದಾರೆ? ನಟಿಯ ಮಗಳನ್ನು ನೋಡಿ ನೆಟ್ಟಿಗರು ಹೇಳಿದ್ದೇನು?

ಟಾಲಿವುಡ್, ಸ್ಯಾಂಡಲ್​ವುಡ್​ನಲ್ಲಿ ಅನೇಕ ಸಿನಿಮಾಗಳನ್ನು ಮಾಡಿ 90ರ ದಶಕದ ಸೂಪರ್ ಹೀರೋಯಿನ್ ಆಗಿದ್ದಾರೆ. ಸೂಪರ್ ಡೂಪರ್ ಹಿಟ್ ಸಿನಿಮಾ ನೀಡಿ ಮಾಯವಾದ ನಟಿ ಈಗ ಎಲ್ಲಿದ್ದಾರೆ? ಹೇಗಿದ್ದಾರೆ ಗೊತ್ತಾ?

2010ರಲ್ಲಿ ಕೆನಡಾದ ಉದ್ಯಮಿ ಇಂದ್ರಕುಮಾರ್ ಅವರನ್ನು ನಟಿ ರಂಭಾ ವಿವಾಹವಾಗಿದ್ದಾರೆ. ಮದುವೆ ಬಳಿಕ ಚಿತ್ರರಂಗದಿಂದ ದೂರ ಉಳಿದ ರಂಭಾ ಮನೆ, ಮಕ್ಕಳು ಸಂಸಾರ ಎಂದು ಆರಾಮಾಗಿದ್ದಾರೆ. ಇತ್ತೀಚೆಗೆ ರಂಭಾ ತಮ್ಮ ಹಿರಿಯ ಮಗಳ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಹದಿನೈದನೇ ವಯಸ್ಸಿಗೆ ನಾಯಕಿಯಾಗಿ ರಂಭಾ ಎಂಟ್ರಿ ಕೊಟ್ಟರು. ಆ ವೇಳೆಗೆ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದರು. ತೆಲುಗು ಅಲ್ಲದೆ, ದಕ್ಷಿಣ ಭಾರತದ ತಮಿಳು ಮತ್ತು ಮಲಯಾಳಂ ಸಿನಿಮಾಗಳಲ್ಲಿ ನಟಿಸಿ ಸಖತ್ ಫೇಮಸ್ ಆಗಿದ್ದಾರೆ. ರಂಭಾ, ಬಬ್ಲಿ ಮತ್ತು ಗ್ಲಾಮರಸ್ ನಾಯಕಿಯಾಗಿ ಪ್ರೇಕ್ಷಕರ ಹೃದಯ ಗೆದ್ದಿದ್ರು.

1992ರಲ್ಲಿ ತೆರೆಕಂಡ ‘ಆ ಒಕ್ಕಿ ಅಡಕ್ಕು’ ಚಿತ್ರದ ಮೂಲಕ ರಂಭಾ ಚಿತ್ರರಂಗಕ್ಕೆ ಕಾಲಿಟ್ಟರು. ಕನ್ನಡದಲ್ಲೂ ಕೆಲ ಸಿನಿಮಾಗಳಲ್ಲಿ ಅಭಿನಯಿಸಿರುವ ರಂಭಾಗೆ ಅಪಾರ ಅಭಿಮಾನಿ ಬಳಗವೇ ಇದೆ. 90ರ ದಶಕದಲ್ಲಿ ಸೂಪರ್ ಸ್ಟಾರ್​ಗಳ ಜೊತೆ ಮಿಂಚಿದ್ರು.

ಅಂದು ಅನೇಕ ನಿರ್ದೇಶಕರು ರಂಭಾ ಕಾಲ್ ಶೀಟ್​ಗಾಗಿ ಕಾಯುತ್ತಿದ್ರು. ಮೆಗಾಸ್ಟಾರ್ ಚಿರಂಜೀವಿ, ವೆಂಕಟೇಶ್, ನಾಗಾರ್ಜುನ ಮುಂತಾದ ಸ್ಟಾರ್ ಹೀರೋಗಳೊಂದಿಗೆ ತೆರೆ ಹಂಚಿಕೊಂಡಿದ್ದರು. ತಮಿಳಿನಲ್ಲಿ ರಜನಿಕಾಂತ್, ಅಜಿತ್, ವಿಜಯ್ ಮತ್ತು ಹಿಂದಿಯಲ್ಲಿ ಸಲ್ಮಾನ್ ಖಾನ್ ಅವರಂತಹ ಸ್ಟಾರ್​ಗಳೊಂದಿಗೆ ತೆರೆ ಹಂಚಿಕೊಂಡಿದ್ದಾರೆ.

90ರ ದಶಕದಲ್ಲಿ ರಂಭಾ ಸ್ಟಾರ್ ಹೀರೋಯಿನ್ ಆಗಿದ್ದರು. ಆಕೆಯ ಸೌಂದರ್ಯಕ್ಕೆ ತೆಲುಗು, ತಮಿಳು ಯುವಕರು ಫಿದಾ ಆಗಿದ್ದರು. ಈಕೆಯ ಗ್ಲಾಮರ್ ನೋಡಲೆಂದೇ ಥಿಯೇಟರ್ ಗಳಲ್ಲಿ ಜನ ಸಾಲುಗಟ್ಟಿ ನಿಲ್ಲುತ್ತಿದ್ರು. ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ.

ಆದರೆ 2010ರಲ್ಲಿ ಕೆನಡಾದ ಉದ್ಯಮಿ ಇಂದ್ರಕುಮಾರ್ ಅವರನ್ನು ಮದುವೆಯಾದ ರಂಭಾ, ನಟನೆಗೆ ಗುಡ್ ಬೈ ಹೇಳಿದ್ರು. ಅಂದಿನಿಂದ ಚಿತ್ರರಂಗದಿಂದ ದೂರವಿದ್ದು ವೈವಾಹಿಕ ಜೀವನವನ್ನು ಎಂಜಾಯ್ ಮಾಡುತ್ತಿದ್ದಾರೆ. ಈ ದಂಪತಿಗೆ ಇಬ್ಬರು ಪುತ್ರಿಯರು ಹಾಗೂ ಒಬ್ಬ ಪುತ್ರ ಇದ್ದಾನೆ.

ರಂಭಾ ತಮ್ಮ ಫ್ಯಾಮಿಲಿ ಫೋಟೋಗಳನ್ನು ಅಷ್ಟಾಗಿ ಹಂಚಿಕೊಂಡಿಲ್ಲ. ಆದರೆ ರಂಭಾ ಇತ್ತೀಚೆಗೆ ತಮ್ಮ ಹಿರಿಯ ಮಗಳ ಫೋಟೋಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ರಂಭಾ ಅವರ ಮಗಳ ಹೆಸರು ಲಾನ್ಯ ಇಂದ್ರಕುಮಾರ್, ಫೋಟೋ ನೋಡಿದ ನೆಟ್ಟಿಗರು ಮಗಳು ಸೇಮ್ ರಂಭಾ ಅವರ ಜೆರಾಕ್ಸ್ ಕಾಫಿಯಂತೆ ಕಾಣುತ್ತಿದ್ದಾರೆ ಎಂದು ಕಮೆಂಟ್ ಮಾಡಿದ್ದಾರೆ.

ರಂಭಾ ಅವರು ಸಿನಿಮಾದಿಂದ ದೂರವಿದ್ದರೂ ಸೋಷಿಯಲ್ ಮೀಡಿಯಾದಲ್ಲಿ ಸದಾ ಆ್ಯಕ್ಟಿವ್ ಆಗಿದ್ದು, ನೆಟ್ಟಿಗರೊಂದಿಗೆ ಅನೇಕ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ಇಂದಿಗೂ ಅಭಿಮಾನಿಗಳು ನಟಿ ರಂಭಾ ಅವರನ್ನು ನೆನೆಯುತ್ತಾರೆ.