Manasa Holla: ಗಾಯನದಿಂದ ಸಂಗೀತ ನಿರ್ದೇಶನದತ್ತ: ಕನಸು ನನಸಾಗಿಕೊಳ್ಳುವ ಪ್ರಯತ್ನದಲ್ಲಿ ಮಾನಸಾ ಹೊಳ್ಳ

ಗಾಯಕಿಯಾಗಿ ಸಂಗೀತ ಪ್ರಿಯರ ಮನಸ್ಸು ಕದ್ದಿರುವ ಮಾನಸಾ ಹೊಳ್ಳ ಸಂಗೀತ ನಿರ್ದೇಶನದತ್ತ ಮುಖ ಮಾಡಿದ್ದಾರೆ.

ಮಾನಸಾ ಹೊಳ್ಳ ಸಂಗೀತ ನಿರ್ದೇಶನ ಮಾಡಿರುವ ಸಿನಿಮಾ ಕನಸು ಮಾರಟಕ್ಕಿದೆ ಚಿತ್ರ ಇತ್ತೀಚೆಗಷ್ಟೆ ರಿಲೀಸ್​ ಆಗಿದೆ.

ಮಾನಸಾ ಮೊದಲು ಅವರು 6 ಟು 6 ಅನ್ನೋ ಸಿನಿಮಾಕ್ಕೆ ಸಂಗೀತ ನೀಡುವ ಮೂಲಕ ಗಾಯನದಿಂದ ಬಡ್ತಿ ಪಡೆದುಕೊಂಡರು. ಬಯಲು ಸೀಮೆ, ಮನಸಾಗಿದೆ, ಮಸಣದ ಹೂವು, ಪಂಕ್ಚರ್​, ತುಳು ಸಿನಿಮಾ ಕಾಸರತ್ತ್ ಚಿತ್ರಗಳಿಗೆ ಸಂಗೀತ ನೀಡುತ್ತಿದ್ದಾರೆ.

200ಕ್ಕೂ ಅಧಿಕ ಕನ್ನಡ ಹಾಡುಗಳಿಗೆ ದನಿಯಾಗಿರುವ ಮಾನಸಾ, ತಮಿಳಿನಲ್ಲಿ 5, ತುಳುವಿಲ್ಲಿ 3 ಹಾಗೂ ತೆಲುಗು ಭಾಷೆಯಲ್ಲಿ 2 ಹಾಡುಗಳನ್ನು ಹಾಡಿರುವುದು ವಿಶೇಷ.

ಹಂಸಲೇಖ, ವಿ. ಹರಿಕೃಷ್ಣ, ಅರ್ಜುನ್ ಜನ್ಯ, ಗಣೇಶ ನಾರಾಯಣ್, ಇಳೆಯರಾಜ ಅವರ ಪುತ್ರ ಕಾರ್ತಿಕ್ ರಾಜ, ಮಣಿಕಾಂತ್ ಕದ್ರಿ ಅವರ ಸಂಗೀತ ನಿರ್ದೇಶನದ ಹಾಡುಗಳಿಗೆ ಧ್ವನಿಯಾಗಿದ್ದಾರೆ.

'ಕಣ್ಣಿಗು ಕಣ್ಣಿಗು...', 'ಉಪಕಾರ ಸುಮನ್ನಿದ್ದರೆ..', 'ಒಲವಿನ ಕಿರಣಕೆ..', 'ನನಗು ನಿನಗು..', 'ಅಚ್ಚಾಗಿದೆ ಹೃದಯದ ಈ ಸ್ನೇಹ...', 'ಬಂದಂತೆ ರಾಜ ಕುಮಾರ..', 'ಆಗಿದೆ ಆಗಿದೆ ನನ್ನ ಜನುಮ ಸಾರ್ಥಕ..' ಮುಂತಾದ ಅವರ ಗಾಯನದ ಹಾಡುಗಳು ಹಿಟ್ ಆಗಿವೆ. ಇದರ ಜೊತೆಗೆ 20 ಧಾರಾವಾಹಿಗಳಿಗೂ ಶೀರ್ಷಿಕೆ ಗೀತೆಯನ್ನು ಹಾಡಿದ್ದಾರೆ

ಗಾಯನದ ಜೊತೆಗೆ ಕೀ ಬೋರ್ಡ್​ ಸಹ ಪ್ಲೇ ಮಾಡುತ್ತಾರೆ. ಇನ್ನು, ಅಧ್ಯಕ್ಷ, ಸೂಪರ್​ ರಂಗ, ಡಾರ್ಲಿಂಗ್​, ಶಿವಲಿಂಗ, ಸ್ಟೈಲ್​ ಕಿಂಗ್​ ಭರಾಟೆ ಸೇರಿದಂತೆ 180 ಕ್ಕೂ ಹೆಚ್ಚು ಚಲನ ಚಿತ್ರಗಳಿಗೆ ಹಿನ್ನೆಲೆ ಗಾಯಕಿಯಾಗಿ ಕೆಲಸ ಮಾಡಿದ್ದಾರೆ.

ಮಾನಸಾ 25 ಆಲ್ಬಂಗಳಿಗೆ ಹಾಗೂ 10ಕ್ಕೂ ಅಧಿಕ ಧಾರಾವಾಹಿಗಳಿಗೆ ಸಂಗೀತ ನಿರ್ದೇಶನ ಮಾಡಿದ್ದಾರೆ.

ಹಿನ್ನಲೆ ಗಾಯನಕ್ಕಾಗಿ ಆರ್ಯಭಟ ಪ್ರಶಸ್ತಿ, ಕೆಐಎಂಎ ಪ್ರಶಸ್ತಿ, ಕರ್ನಾಟಕ ಚಲನ ಚಿತ್ರ ರಸಿಕರ ಪ್ರಶಸ್ತಿ ಪಡೆದಿದ್ದಾರೆ ಮಾನಸಾ.