Haripriya-Vasishta Simha: Loveಲಿ ಸೆಟ್​ಗೆ ಬಂದ ಹರಿಪ್ರಿಯಾ! ಭಾವೀ ಪತಿಯ ಜೊತೆ ಸಮಯ ಕಳೆದ ನಟಿ

ನಟ ವಸಿಷ್ಠ ಸಿಂಹ ಹಾಗೂ ನಟಿ ಹರಿಪ್ರಿಯಾ ಅವರ ನಿಶ್ಚಿತಾರ್ಥ ನಡೆದಿದೆ. ಸ್ಯಾಂಡಲ್​ವುಡ್​ನ ಕ್ಯೂಟ್ ಜೋಡಿಯೊಂದು ಎಂಗೇಜ್ಮೆಂಟ್ ಮಾಡಿಕೊಂಡು ಹಸೆಮಣೆ ಏರಲು ಸಿದ್ಧವಾಗಿದೆ. ಈಗ ನಟಿ ಭಾವೀ ಪತಿ ಕೆಲಸ ಮಾಡೋ ಸಿನಿಮಾ ಸೆಟ್​ಗೆ ಬಂದಿದ್ದಾರೆ.

ಇವರಿಬ್ಬರ ಮದುವೆ ಬಗ್ಗೆ ಈಗಾಗಲೇ ಬಹಳಷ್ಟು ಸುದ್ದಿ ಓಡಾಡಿದ್ದು ಇವರ ಮದುವೆ ಬಗ್ಗೆ ಅಭಿಮಾನಿಗಳಿಗೆ ಕುತೂಹಲ ಹೆಚ್ಚಾಗಿದೆ. ದುಬೈಗೆ ಹೋಗಿ ಬಂದಿದ್ದ ಈ ಜೋಡಿ ದಿಢೀರ್ ಎಂಗೇಜ್ಮೆಂಟ್ ಮಾಡಿಕೊಂಡಿದ್ದರು.

ಇವರ ನಿಶ್ಚಿತಾರ್ಥ ಫೋಟೋಗಳು ವೈರಲ್ ಆದಾಗ ಇವರ ಸಂಬಂಧ ಪಕ್ಕಾ ಆಗಿತ್ತು. ಇದೀಗ ಜೋಡಿ ಯಾವಾಗ ಮದುವೆಯಾಗ್ತಾರೆ ಎನ್ನುವ ಕುತೂಹಲ ಎಲ್ಲರಲ್ಲಿದೆ.

ಈ ಮಧ್ಯೆ ನಟಿ ಹರಿಪ್ರಿಯಾ ಅವರು ವಸಿಷ್ಠ ಸಿಂಹ ಅವರ ಸಿನಿಮಾ ಶೂಟಿಂಗ್ ಸೆಟ್​ಗೆ ಭೇಟಿಕೊಟ್ಟಿದ್ದಾರೆ. ಅಲ್ಲಿ ನಟ ಸಾಧುಕೋಕಿಲ ಸೇರಿದಂತೆ ಇತರ ಕಲಾವಿದರೊಂದಿಗೆ ಮಾತನಾಡಿದ್ದಾರೆ.

ನಟ ವಸಿಷ್ಠ ಸಿಂಹ ಅವರು ಲವ್​ಲಿ ಸಿನಿಮಾ ಮಾಡುತ್ತಿದ್ದು ಇದರ ಶೂಟಿಂಗ್ ಸದ್ಯ ಉಡುಪಿಯಲ್ಲಿ ನಡೆಯುತ್ತಿದೆ. ಈ ಶೂಟಿಂಗ್ ಸೆಟ್​​ಗೆ ಹರಿಪ್ರಿಯಾ ಅವರು ಭೇಟಿ ಕೊಟ್ಟಿದ್ದಾರೆ.

ಭಾವೀ ಪತ್ನಿಗೆ ಮೊಬೈಲ್​ನಲ್ಲಿ ಏನನ್ನೋ ತೋರಿಸುತ್ತಿರುವ ನಟ ವಸಿಷ್ಠ ಸಿಂಹ. ಜೊತೆಯಲ್ಲಿ ನಟ ಸಾಧುಕೋಕಿಲ ಅವರೂ ಇದ್ದಾರೆ.

ನಟಿ ಹರಿಪ್ರಿಯಾ ವೈಟ್ ಕಲರ್ ಡ್ರೆಸ್​ನಲ್ಲಿ ಬಂದಿದ್ದು ಅವರು ಫುಲ್ ಸ್ಮೈಲಿಂಗ್ ಮೂಡ್​​ನಲ್ಲಿ ಕಂಡುಬಂದರು.

ವಸಿಷ್ಠ ಸಿಂಹ ಅವರು ಹಳದಿ ಬಣ್ಣದ ಶರ್ಟ್ ಧರಿಸಿದ್ದು ಶೂಟಿಂಗ್ ಸಿದ್ಧತೆಯಲ್ಲಿದ್ದರು. ಹೊಸ ಜೋಡಿ ಜೊತೆ ಸೆಟ್​ನಲ್ಲಿದ್ದ ಕಲಾವಿದರು ಮಾತನಾಡಿದ್ದಾರೆ.

ಉಡುಪಿಯಲ್ಲಿ ಸಿನಿಮಾದ ಶೂಟಿಂಗ್ ನಡೆಯುತ್ತಿದ್ದು ಹರಿಪ್ರಿಯಾ ಅವರ ಭೇಟಿಯ ಫೋಟೋಗಳು ಇವು. ಅಂತೂ ಈಗ ಜೋಡಿ ಹೆಚ್ಚು ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ.