Haripriya-Vasishta Simha: ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಸಿಂಹಪ್ರಿಯ! ಇಲ್ಲಿವೆ ಮದುವೆ ಫೋಟೋಸ್

ಸ್ಯಾಂಡಲ್​ವುಡ್ ಸ್ಟಾರ್ ಸೆಲೆಬ್ರಿಟಿ ಹರಿಪ್ರಿಯಾ ಹಾಗೂ ನಟ ವಸಿಷ್ಠ ಸಿಂಹ ಅವರು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಅವರ ಮದುವೆ ಫೋಟೋಗಳು ವೈರಲ್ ಆಗಿವೆ.

ನಟಿ ಹರಿಪ್ರಿಯಾ ಅವರು ನೀಲಿ ಬಣ್ಣದ ಬಾರ್ಡರ್ ಇದ್ದಂತಹ ಸೀರೆ ಉಟ್ಟಿದ್ದರೆ ವಸಿಷ್ಠ ಸಿಂಹ ಕೂಡಾ ಸುಂದರವಾದ ಉಡುಪಿನಲ್ಲಿ ಸ್ಟೈಲಿಷ್ ಆಗಿ ಕಂಡುಬಂದರು.

ಪೇಟವನ್ನು ಧರಿಸಿ ಮದುಮಗನ ಲುಕ್​ನಲ್ಲಿ ಸಖತ್ತಾಗಿ ಮಿಂಚಿದ ನಟ ವಸಿಷ್ಠ ಸಿಂಹ ಮುಖದಲ್ಲಿ ಮದುವೆ ಸಂಭ್ರಮ ತುಂಬಿತ್ತು. ಹರಿಪ್ರಿಯಾ ಕೂಡಾ ಕ್ಯೂಟ್ ಆಗಿ ಕಾಣಿಸಿದ್ದಾರೆ.

ಹರಿಪ್ರಿಯಾ ಹಾಗೂ ವಸಿಷ್ಠ ಸಿಂಹ ಅವರು ದುಬೈ ಪ್ರವಾಸ ಹೋಗಿದ್ದಾಗ ಜೊತೆಯಲ್ಲಿ ಕ್ಯಾಮೆರಾ ಕಣ್ಣಿಗೆ ಸೆರೆಯಾಗಿದ್ದರು. ಬೆಂಗಳೂರು ಏರ್ಪೋರ್ಟ್​ನಲ್ಲಿದ್ದ ಇವರ ಫೋಟೋ ವೈರಲ್ ಆಗಿತ್ತು.

ಈ ಅದ್ಧೂರಿ ಮದುವೆಯಲ್ಲಿ ಪ್ರತಾಪ್ ಸಿಂಹ ಅವರೂ ಭಾಗಿಯಾಗಿದ್ದರು. ಹಾಗೆಯೇ ಮೈಸೂರಿನ ಪ್ರಮುಖ ರಾಜಕಾರಣಿಗಳೂ ಇದ್ದರು.

ವಿವಾಹ ಶಾಸ್ತ್ರಗಳಲ್ಲಿ ನಟಿ ಹರಿಪ್ರಿಯಾ ಅವರು ಕ್ರೀಂ ಕಲರ್ ಸೀರೆ ಉಟ್ಟಿದ್ದರು. ಅವರ ಕೈಯಲ್ಲಿದ್ದ ಮೆಹಂದಿಯೂ ಫೋಟೋದಲ್ಲಿ ಹೈಲೈಟ್ ಆಗಿದೆ.

ಹರಿಪ್ರಿಯಾ ಹಾಗೂ ವಸಿಷ್ಠ ಸಿಂಹ ಅವರು ಸ್ಯಾಂಡಲ್​ವುಡ್ ಸೆಲೆಬ್ರಿಟಿಗಳನ್ನು ಮದುವೆಗೆ ಆಹ್ವಾನಿಸುವ ಹಲವಾರು ಫೋಟೋಗಳು ವೈರಲ್ ಆಗಿದ್ದವು.