Rajinikanth Fans: ಈ ಕ್ರಿಕೆಟಿಗರು ತಲೈವಾ ಪಕ್ಕಾ ಅಭಿಮಾನಿಗಳು, ಇವರ ಎದೆಯ ಮೇಲಿದೆ ರಜನಿಕಾಂತ್ ಭಾವಚಿತ್ರದ ಹಚ್ಚೆ!

ದೇಶ ಮತ್ತು ವಿಶ್ವದಲ್ಲಿ ರಜನಿಕಾಂತ್ ಅಭಿಮಾನಿಗಳ ಪಟ್ಟಿ ಬಹಳ ದೊಡ್ಡದಿದೆ. ಭಾರತೀಯ ಕ್ರಿಕೆಟಿಗರು ಕೂಡ ತಲೈವಾ ಅವರ ದೊಡ್ಡ ಅಭಿಮಾನಿಗಳು ಮತ್ತು ಈ ಸೂಪರ್​ ಸ್ಟಾರ್​ ಬಗ್ಗೆ ತಮ್ಮ ಕ್ರೇಜ್ ಅನ್ನು ಬಹಿರಂಗಪಡಿಸಿದ್ದಾರೆ. ರಜನಿಕಾಂತ್ ಅಭಿಮಾನಿಯವರೊಬ್ಬರು ರಜನಿಕಾಂತ್ ಅವರ ಟ್ಯಾಟೂವನ್ನು ಒಮ್ಮೆ ತಮ್ಮ ಎದೆಯ ಮೇಲೆ ಹಾಕಿಸಿಕೊಂಡಿದ್ದರು. (ಕುಲದೀಪ್ ಯಾದವ್ Instagram)

ಹರ್ಭಜನ್ ಸಿಂಗ್ ಅವರು ರಜನಿಕಾಂತ್ ಭಾವಚಿತ್ರದ ಟ್ಯಾಟೂವನ್ನು ಎದೆಯ ಮೇಲೆ ಹಚ್ಚೆ ಹಾಕಿಸಿಕೊಂಡಿದ್ದಾರೆ. ಕ್ರಿಕೆಟ್​ನಿಂದ ನಿವೃತ್ತಿಯಾದ ಬಳಿಕ ಹರ್ಭಜನ್ ಸಿಂಗ್, ನಟನೆಯತ್ತ ಮುಖ ಮಾಡಿದ್ದಾರೆ. ಹರ್ಭಜನ್ ಸಿಂಗ್ 2021ರಲ್ಲಿ ತಮಿಳು ಸಿನಿಮಾ ಫ್ರೆಂಡ್​ಶಿಪ್​ನಲ್ಲಿ ಕೆಲಸ ಮಾಡಿದರು. ಅದೇ ವರ್ಷ, ರಜನಿಕಾಂತ್ ತಲೈವಾ ಅವರ 71 ನೇ ಹುಟ್ಟುಹಬ್ಬದಂದು, ಹರ್ಭಜನ್ ಈ ಸೂಪರ್​ ಸ್ಟಾರ್​​ಗೆ ಅಭಿಮಾನಿಯಾಗಿ ಪ್ರೀತಿಯನ್ನು ವ್ಯಕ್ತಪಡಿಸಲು ವಿಶೇಷ ಕೆಲಸ ಮಾಡಿದ್ದಾರೆ. ಭಜ್ಜಿ ಎದೆಯ ಮೇಲೆ ರಜನಿಕಾಂತ್ ಮುಖದ ಹಚ್ಚೆ ಹಾಕಿಸಿಕೊಂಡಿದ್ದರು. (ಹರ್ಭಜನ್ ಸಿಂಗ್ ಇನ್ಸ್ಟಾಗ್ರಾಮ್)

ನವೆಂಬರ್ 2021ರಲ್ಲಿ ಭಾರತಕ್ಕೆ ಎಂಟ್ರಿ ಕೊಟ್ಟ ಮಧ್ಯಪ್ರದೇಶದ ಆಲ್ರೌಂಡರ್ ವೆಂಕಟೇಶ್ ಅಯ್ಯರ್ ಕೂಡ ರಜನಿಕಾಂತ್ ಅವರ ಅಭಿಮಾನಿಯಾಗಿದ್ದಾರೆ. ಅವರು ತಮ್ಮ ವಾಟ್ಸಾಪ್ ಡಿಪಿಯಲ್ಲಿ ರಜನಿಕಾಂತ್ ಅವರ ಫೋಟೋವನ್ನು ಹಲವು ಬಾರಿ ಹಾಕಿದ್ದಾರೆ. ವೆಂಕಟೇಶ್ ಅಯ್ಯರ್ ಅವರು 2021-22 ರಲ್ಲಿ ವಿಜಯ್ ಹಜಾರೆ ಟ್ರೋಫಿಯಲ್ಲಿ ಚಂಡೀಗಢ ವಿರುದ್ಧ ಶತಕ ಗಳಿಸಿದ್ದರು. ಈ ಆಲ್ ರೌಂಡರ್ ರಜನಿಕಾಂತ್ ಅವರ 71 ನೇ ಹುಟ್ಟುಹಬ್ಬದಂದು ತಮ್ಮ ಶತಕವನ್ನು ಅರ್ಪಿಸಿದರು. ರಜನಿಕಾಂತ್ ಶೈಲಿಯಲ್ಲಿ ಮೈದಾನದಲ್ಲಿ ಹಲವು ಬಾರಿ ಸಂಭ್ರಮಿಸಿದ್ದಾರೆ. (ವೆಂಕಟೇಶ್ ಅಯ್ಯರ್ Instagram)

ಇತ್ತೀಚೆಗೆ, ಭಾರತೀಯ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಸಂಜು ಸ್ಯಾಮ್ಸನ್ ಕೂಡ ಸೂಪರ್ಸ್ಟಾರ್ ರಜನಿಕಾಂತ್ ಜೊತೆಗಿನ ಚಿತ್ರವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ರಜನಿಕಾಂತ್ ಸಂಜು ಅವರನ್ನು ಮನೆಗೆ ಕರೆಸಿಕೊಂಡಿದ್ದರು. ಈ ಸಂದರ್ಭದಲ್ಲಿ ಸಂಜು ತಮ್ಮ ಮನದಾಳವನ್ನು ವ್ಯಕ್ತಪಡಿಸಿದ್ದರು. ಸಂಜು ಸ್ಯಾಮ್ಸನ್ ಅವರು 7 ವರ್ಷ ವಯಸ್ಸಿನಿಂದಲೂ ರಜನಿಕಾಂತ್ ಅವರ ಅಭಿಮಾನಿ ಎಂದು ಟ್ವೀಟ್ ಮಾಡಿದ್ದರು. ಬಾಲ್ಯದಲ್ಲಿಯೇ, ಒಂದು ದಿನ ನಾನು ರಜನಿಕಾಂತ್ ಅವರನ್ನು ಅವರ ಮನೆಯಲ್ಲೇ ಭೇಟಿಯಾಗುತ್ತೇನೆ ಎಂದು ಹೇಳಿದ್ದರಂತೆ. 21 ವರ್ಷಗಳ ನಂತರ ಸಂಜು ಅವರ ಈ ಕನಸು ನನಸಾಗಿದ್ದು, ತಲೈವಾ ಅವರನ್ನು ಮನೆಗೆ ಕರೆದಿದ್ದರು. (ಸಂಜು ಸ್ಯಾಮ್ಸನ್ Instagram)

ಅದೇ ಸಮಯದಲ್ಲಿ, ಆಸ್ಟ್ರೇಲಿಯಾ ವಿರುದ್ಧದ ಮುಂಬೈ ODI ನಂತರ, ಕುಲ್ದೀಪ್ ಯಾದವ್ ಕೂಡ ರಜನಿಕಾಂತ್ ಜೊತೆಗಿನ ತಮ್ಮ ಚಿತ್ರವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ, ವಾಷಿಂಗ್ಟನ್ ಸುಂದರ್ ಕೂಡ ಸೂಪರ್ ಸ್ಟಾರ್ ಅವರೊಂದಿಗೆ ಮಾತುಕತೆ ನಡೆಸಿದ್ರು. (ಕುಲದೀಪ್ ಯಾದವ್ ಅವರ ಇನ್ಸ್ಟಾಗ್ರಾಮ್)

ಭಾರತದ ಮಾಜಿ ವೇಗದ ಬೌಲರ್ ಜಾವಗಲ್ ಶ್ರೀನಾಥ್ ಕೂಡ ರಜನಿಕಾಂತ್ ಅಭಿಮಾನಿ. ಒಮ್ಮೆ ರವಿಚಂದ್ರನ್ ಅಶ್ವಿನ್ ಅವರೊಂದಿಗಿನ ಮಾತಾಡುತ್ತಿದ್ದ ವೇಳೆ ಶ್ರೀನಾಥ್, ರಜನಿಕಾಂತ್ ಅವರನ್ನು ಹೊಗಳಿದ್ದರು. ಜೀವನದಲ್ಲಿ ಬೇಸರವಿದ್ದರೆ ರಜನಿಕಾಂತ್ ಸಿನಿಮಾ ನೋಡಿ ಎಂದ್ರು. ಇದೇ ಕಾರಣಕ್ಕೆ ಜನ ರಜನಿಕಾಂತ್ರನ್ನು ತುಂಬಾ ಇಷ್ಟಪಡುತ್ತಾರೆ. (ಫೇಸ್ಬುಕ್/ಮಾಧವಿ ಜಾವಗಲ್ ಶ್ರೀನಾಥ್)

ಭಾರತದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಕೂಡ ರಜನಿಕಾಂತ್ ಅವರ ದೊಡ್ಡ ಅಭಿಮಾನಿಯಾಗಿದ್ದಾರೆ. ರಜನಿಕಾಂತ್ ಅವರ ಸ್ಟೈಲ್ ಅನ್ನು ಧೋನಿ ಅನೇಕ ಬಾರಿ ಕಾಪಿ ಮಾಡುತ್ತಿರುವುದು ಕಂಡು ಬಂದಿದೆ. ಸ್ವತಃ ರಜನಿಕಾಂತ್ ಕೂಡ ಧೋನಿಯ ಅಭಿಮಾನಿ ಆಗಿದ್ದಾರೆ.