Happy Birthday Yogesh: ಕನ್ನಡಿಗರ ಅಭಿಮಾನದ ಅಂಬಾರಿ ಹೊತ್ತ ಯೋಗಿಗೆ ಹುಟ್ಟುಹಬ್ಬದ ಸಂಭ್ರಮ, ಲೂಸ್‌ ಮಾದನ ದುನಿಯಾ ಕಥೆ ಇಲ್ಲಿದೆ

ನಟ ಲೂಸ್ ಮಾದ ಯೋಗಿ, ಈ ಹೆಸರನ್ನು ಕೇಳಿದ್ರೆ ನೆನಪಾಗೋದು ಜಿಂಕೆ ಮರಿನಾ ಹಾಡು. ಈ ಸಿನಿಮಾ ಬಿಡುಗಡೆಯಾದ ಸಮಯದಲ್ಲಿ ಪ್ರತಿಯೊಬ್ಬರ ಬಾಯಲ್ಲೂ ಇದೇ ಕಾಡು ಕೇಳಿ ಬರುತ್ತಿತ್ತು. ಈಗಲೂ ಜನರ ನೆನಪಿನಲ್ಲಿ ಈ ಹಾಡಿದೆ.

ದುನಿಯಾ ಸಿನಿಮಾದಲ್ಲಿ ವಿಲನ್ ಆಗಿ ಮೊದಲ ಬಾರಿಗೆ ಜನರ ಮುಂದೆ ಬಂದಿದ್ದ ಯೋಗಿ ಲೂಸ್​ ಮಾದ ಎಂದು ಫೇಮಸ್​ ಆದವರು. ಸ್ಯಾಂಡಲ್​ವುಡ್​ಗೆ ಹೊಸ ವಿಲನ್ ಎಂಟ್ರಿ ಎಂದು ಹೇಳಲಾಗಿತ್ತು. ಆದರೆ ಅವರು ಹೀರೋ ಆಗಿ ಮೆರೆದಿದ್ದಾರೆ.

ಆರಂಭದಲ್ಲಿ ಹಲವು ಹಿಟ್ ಸಿನಿಮಾ ನೀಡಿದ್ದ ಯೋಗಿ ನಂತರ ಸೋಲಿನ ರುಚಿಯನ್ನು ಸಹ ಅನುಭವಿಸಿದ್ದಾರೆ. ಆದರೆ ಅದಕ್ಕೆ ಕುಗ್ಗದ ಯೋಗಿ ಮತ್ತೆ ಅದೇ ಭರವಸೆಯೊಂದಿಗೆ ತೆರೆಯ ಮೇಲೆ ಬಂದಿದ್ದಾರೆ.

ಸಾಹಿತ್ಯಾ ಅವರನ್ನು ಪ್ರೀತಿಸಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಈ ದಂಪತಿಗೆ ಶ್ರೀನಿಕಾ ಎಂಬ ಮಗಳಿದ್ದಾಳೆ. 16ನೇ ವಯಸ್ಸಿನಲ್ಲಿ ಸಿನಿಮಾ ರಂಗಕ್ಕೆ ಕಾಲಿಟ್ಟ ಈ ನಟ ಮತ್ತೆ ತೆರೆಮೇಲೆ ಘರ್ಜಿಸುತ್ತಿದ್ದಾರೆ.

ನಂದ ಲವ್ಸ್ ನಂದಿತಾ' ಸಿನಿಮಾದಲ್ಲಿ ಮೊದಲ ಬಾರಿ ನಾಯಕರಾದಾಗ ಯೋಗಿಗೆ ಕೇವಲ 17 ವರ್ಷ. ಈ ಸಿನಿಮಾ ಸೂಪರ್ ಹಿಟ್​ ಆಯ್ತು. ನಂತರ ಅಂಬಾರಿ ಸೇರಿದಂತೆ ಅನೇಕ ಭರ್ಜರಿ ಹಿಟ್​ ಸಿನಿಮಾಗಳನ್ನು ಅವರು ನೀಡಿದ್ದಾರೆ.

ರಾಜ್ಯ ಪ್ರಶಸ್ತಿಗಳನ್ನು ಪಡೆದಿರುವ ಈ ನಟ ಬಹಳಷ್ಟು ಏಳು ಬೀಳುಗಳನ್ನು ಕಂಡಿದ್ದಾರೆ. ಸಿದ್ಲಿಂಗು ಸಿನಿಮಾ ಅವರಿಗೆ ಬಹಳಷ್ಟು ಹೆಸರು ತಂದುಕೊಟ್ಟಿದೆ. ಆದರೆ ಅವರ ನಿರ್ಮಾಣದ ಯಕ್ಷ ಸಿನಿಮಾ ದೊಡ್ಡ ಹೊಡೆತ ನೀಡಿತು.

ಹಲವಾರು ನೋವುಗಳ ನಂತರ ಮತ್ತೆ ಯೋಗಿ ಪುಟಿದೆದ್ದಿದ್ದು ಸಾಲು ಸಾಲು ಸಿನಿಮಾಗಳನ್ನು ಮಾಡುತ್ತಿದ್ದಾರೆ. ಲಂಕೆ, ಕಿರಿಕ್ ಶಂಕರ್ ಸೇರಿದಂತೆ ವಿವಿಧ ಸಿನಿಮಾಗಳು ಬಿಡುಗಡೆಯಾಗಿ ಹೆಸರು ಮಾಡಿದೆ.

ವಿನೋದ್​ ಪ್ರಭಾಕರ್ ಜೊತೆ ಲಂಕಾಸುರ ಸೇರಿದಂತೆ ಅನೇಕ ಸಿನಿಮಾಗಳನ್ನು ಒಪ್ಪಿಕೊಂಡಿದ್ದು, ಮುಂದಿನ ದಿನಗಳಲ್ಲಿ ಇನ್ನೂ ಹೆಚ್ಚಿನ ಸಿನಿಮಾಗಳ ಜೊತೆ ಜನರಿಗೆ ಮನರಂಜನೆ ನೀಡುವ ವಿಶ್ವಾಸ ಅವರಲ್ಲಿದೆ.