Allu Arjun Birthday: ಜನ್ಮದಿನದ ಸಂಭ್ರಮದಲ್ಲಿ ಅಲ್ಲು ಅರ್ಜುನ್‌, ಸ್ಟೈಲಿಶ್ ಸ್ಟಾರ್‌ನಿಂದ ಐಕಾನ್‌ ಸ್ಟಾರ್‌ವರೆಗಿನ ಸಿನಿ ಜರ್ನಿ ಇಲ್ಲಿದೆ

ಇಂದು ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಅಪಾರ ಅಭಿಮಾನಿ ಬಳಗ ಹೊಂದಿರುವ ನಟ ಅಲ್ಲು ಅರ್ಜುನ್, 1982ರಲ್ಲಿ ಚೆನ್ನೈನಲ್ಲಿ ಜನಿಸಿದ್ರು. ನಿರ್ಮಾಪಕ ಅಲ್ಲು ಅರವಿಂದ್ ಹಾಗೂ ನಿರ್ಮಲಾ ದಂಪತಿಯ 2ನೇ ಮಗನಾಗಿದ್ದಾರೆ. ಬಾಲ ನಟನಾಗಿ ಅಲ್ಲು ಅರ್ಜುನ್ ಬಣ್ಣ ಹಚ್ಚಿದ್ದಾರೆ.

2003ರಲ್ಲಿ ಅಲ್ಲು ಅರ್ಜುನ್ ಗಂಗೋತ್ರಿ ಸಿನಿಮಾದ ಮೂಲಕ ಟಾಲಿವುಡ್​ಗೆ ಎಂಟ್ರಿ ಕೊಟ್ಟರು. ಆದರೆ ಅವರು ಹೆಸರು ಗಳಿಸಿದ್ದು 2004ರಲ್ಲಿ ಬಂದ ಆರ್ಯ ಸಿನಿಮಾ ಮೂಲಕ. ಈ ಸಿನಿಮಾ ಬಾಕ್ಸ್ ಆಫೀಸ್​ನಲ್ಲಿ ಭರ್ಜರಿ ಯಶಸ್ಸನ್ನು ಗಳಿಸಿತು. ಈ ಮೂಲಕ ಅಲ್ಲು ಅರ್ಜುನ್ ಯುವ ಜನರ ನೆಚ್ಚಿನ ಸ್ಟಾರ್ ಆಗಿ ಬೆಳೆದಿದ್ದಾರೆ.

2007ರಲ್ಲಿ ಪುರಿ ಜಗನ್ನಾಥ್ ನಿರ್ದೇಶಿಸಿದ ಅಲ್ಲು ಅರ್ಜುನ್ 5ನೇ ಸಿನಿಮಾ ದೇಸಮುದುರು ಬಾಕ್ಸ್ ಆಫೀಸ್ ಹಿಟ್ ಆಯಿತು. ಮೊದಲ ವಾರದೊಳಗೆ 12.58 ಕೋಟಿ ರೂಪಾಯಿಗಳ ಗಳಿಕೆಯನ್ನು ಕಂಡಿತು. ಅಷ್ಟೇ ಅಲ್ಲದೇ ಅಲ್ಲು ಅರ್ಜುನ್ ಅವರು ಸಿಕ್ಸ್ ಪ್ಯಾಕ್ ಪ್ರದರ್ಶಿಸಿದ ಮೊದಲ ಟಾಲಿವುಡ್ ನಟರಾದರು.

ಸ್ನೇಹಾರೆಡ್ಡಿ ಅವರನ್ನು ಪ್ರೀತಿ ಮಾಡುತ್ತಿದ್ದ ಅಲ್ಲು ಅರ್ಜುನ್, ಫೆಬ್ರವರಿ 2011 ಮಾರ್ಚ್ 26ರಲ್ಲಿ ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. ಅವರಿಗೀಗ ಒಬ್ಬ ಮಗ ಹಾಗೂ ಒಬ್ಬ ಮಗಳು ಇದ್ದಾರೆ. ಆಗಾಗ ಫ್ಯಾಮಿಲಿ ಜೊತೆ ಟ್ರಿಪ್ ಹೋಗುವ ಅಲ್ಲು ಅರ್ಜುನ್. ಸಮಯ ಸಿಕ್ಕಾಗ ಹೆಂಡತಿ, ಮಕ್ಕಳು ಹಾಗೂ ಕುಟುಂಬಸ್ಥರೊಂದಿಗೆ ಕಾಲಕಳೆಯುತ್ತಾರೆ.

ಡಿಸೆಂಬರ್ 17, 2021ರಲ್ಲಿ ರಿಲೀಸ್ ಆದ 'ಪುಷ್ಪ: ದಿ ರೈಸ್' ಸಿನಿಮಾ ಅಲ್ಲು ಅರ್ಜುನ್ ಸಿನಿ ಕೆರಿಯರ್​ಗೆ ಮತ್ತೊಂದು ಬ್ರೇಕ್ ಕೊಟ್ಟಿತು. ಚಿತ್ರದಲ್ಲಿ ಅಲ್ಲು ಅರ್ಜುನ್ ಅವರ ವಿಶಿಷ್ಟ ಶೈಲಿಯು ಅವರ ಅಭಿಮಾನಿಗಳ ಹೃದಯವನ್ನು ಗೆದ್ದಿತು.

ಪುಷ್ಪ ಸಿನಿಮಾದಲ್ಲಿ ಅಲ್ಲು ಅರ್ಜುನ್ ಮಾಡಿದ ಪುಷ್ಪ ಪಾತ್ರವು ಸಖತ್ ಫೇಮಸ್ ಆಯಿತು. ಹಾಡಿನಲ್ಲಿ ಅವರ ಯುನಿಕ್ ಸ್ಟೈಲ್ ವೈರಲ್ ಆಗಿತ್ತು, ಅಭಿಮಾನಿಗಳು ಅದನ್ನು ಮರುಸೃಷ್ಟಿಸಿ ತಮ್ಮದೇ ಆದ ರೀತಿಯಲ್ಲಿ ಸೋಶಿಯಲ್ ಮೀಡಿಯಾದಲ್ಲಿ ಹರಿಬಿಡುತ್ತಿದ್ರು.

ಇದೀಗ ಅಲ್ಲು ಅರ್ಜುನ್ ಪುಷ್ಪ ದಿ ರೂಲ್ ಸಿನಿಮಾ ಶೂಟಿಂಗ್​ನಲ್ಲಿ ಬ್ಯುಸಿ ಆಗಿದ್ದಾರೆ. ಅಲ್ಲು ಅರ್ಜುನ್ ಜನ್ಮದಿನದ ಹಿನ್ನೆಲೆ, ಪುಷ್ಪ 2 ಸಿನಿಮಾ ವಿಡಿಯೋವನ್ನು ಚಿತ್ರತಂಡ ಅಭಿಮಾನಿಗಳಿಗೆ ಗಿಫ್ಟ್ ಆಗಿದೆ. ಪುಷ್ಪ ಡೈಲಾಗ್ ನೋಡಿ ಅಭಿಮಾನಿಗಳು ಫಿದಾ ಆಗಿದ್ದಾರೆ.

ಮತ್ತೊಂದೆಡೆ ಅಲ್ಲು ಅರ್ಜುನ್ ಪುಷ್ಪ ಸಿನಿಮಾದಲ್ಲಿ ಹೊಸ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ದೇವಿ ಅವತಾರದಲ್ಲಿ ಕಾಣಿಸಿಕೊಂಡಿರುವ ಅಲ್ಲು ಅರ್ಜುನ್, ಕೈಯಲ್ಲಿ ಗನ್ ಹಿಡಿದುಕೊಂಡಿದ್ದಾರೆ. ಹಿಂದೆಂದೂ ಕಾಣದ ಗೆಟಪ್​ನಲ್ಲಿ ಅಲ್ಲು ಅರ್ಜುನ್ ಕಂಡ ಅಭಿಮಾನಿಗಳು ಪುಷ್ಪ ಸಿನಿಮಾ ತೆರೆ ಮೇಲೆ ನೋಡಲು ಕಾಯುತ್ತಿದ್ದಾರೆ.