Ashwini Puneeth Rajkumar: ಅಪ್ಪುವಿನ ಈ ಗುಣಕ್ಕೆ ಕ್ಲೀನ್ ಬೋಲ್ಡ್ ಆಗಿದ್ರಂತೆ ಅಶ್ವಿನಿ; ಪವರ್ ಸ್ಟಾರ್ ಪತ್ನಿಗೆ ಇವರೇ ಪವರ್!

ಸ್ಯಾಂಡಲ್ವುಡ್ನಲ್ಲಿ ತನ್ನದೇ ಆದ ಚಾಪು ಮೂಡಿಸಿದ ಅಶ್ವಿನಿ ಪುನೀತ್​ರಾಜ್​ಕುಮಾರ್, ನಿರ್ಮಾಪಕಿಯಾಗಿದ್ದಾರೆ. ಪಿ.ಆರ್.ಕೆ ಪ್ರೊಡಕ್ಷನ್ಸ್ ಮೂಲಕ ಹಲವು ಚಲನಚಿತ್ರಗಳನ್ನು ನಿರ್ಮಿಸಿದ್ದಾರೆ.

ಪುನೀತ್ ರಾಜ್​ಕುಮಾರ್ ಅವರು ಅಶ್ವಿನಿ ಅವರು ಪ್ರೀತಿಸಿ ಮದುವೆಯಾದ್ರು. ಈ ಬಗ್ಗೆ ಸಂದರ್ಶನದಲ್ಲಿ ಪುನೀತ್ ರಾಜ್​ಕುಮಾರ್ ಅವ್ರೇ ಹೇಳಿಕೊಂಡಿದ್ದಾರೆ. ಅಶ್ವಿನಿ ಅವರನ್ನು ಪುನೀತ್ ರಾಜ್​ಕುಮಾರ್ ಮೊದಲು ನೋಡಿದ್ದು ಜಿಮ್​​ನಲ್ಲಿ, ಮೊದಲ ನೋಟದಲ್ಲೇ ಅಪ್ಪು ಅವರು ಅಶ್ವಿನಿಗೆ ಬೋಲ್ಡ್ ಆಗಿದ್ರು.

ಪರಿಚಯದ ಬಳಿಕ ಇವರಿಬ್ಬರ ಮಧ್ಯೆ ಸ್ನೇಹ ಚಿಗುರಿತು. ಅಶ್ವಿನಿ ಮೇಲೆ ಪುನೀತ್ ಲವ್ ಆಗಿದೆ. ಪುನೀತ್ ರಾಜ್​ಕುಮಾರ್ ತಡ ಮಾಡದೇ ಅಶ್ವಿನಿ ಅವರಿಗೆ ಲವ್ ಪ್ರಪೋಸ್ ಮಾಡಿಬಿಟ್ರು. ಇಬ್ಬರು ಬಳಿಕ ಮನೆಯವರನ್ನು ಮದುವೆಗೆ ಒಪ್ಪಿಸಿದ್ದಾರೆ.

ಕುಟುಂಬಸ್ಥರ ಸಮ್ಮತಿ ಪಡೆದು ಪುನೀತ್ ರಾಜ್​ಕುಮಾರ್ ಮತ್ತು ಅಶ್ವಿನಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಡಿಸೆಂಬರ್ 1, 1999 ರಂದು ಗುರು-ಹಿರಿಯರ ಸಮ್ಮುಖದಲ್ಲಿ ಪುನೀತ್ ರಾಜ್​ಕುಮಾರ್ ಮತ್ತು ಅಶ್ವಿನಿ ಹೊಸ ಜೀವನಕ್ಕೆ ಕಾಲಿಟ್ರು.

ಅಶ್ವಿನಿ ಚಿಕ್ಕಮಗಳೂರಿನವರಾಗಿದ್ದಾರೆ. ಪುನೀತ್ ರಾಜ್​ಕುಮಾರ್ ಅವರ ಸಿಂಪ್ಲಿಸಿಟಿ ಗುಣಕ್ಕೆ ಅಶ್ವಿನಿ ಕ್ಲೀನ್ ಬೋಲ್ಡ್ ಆಗಿದ್ದರಂತೆ. ಪುನೀತ್ ಅವರ ಸರಳತೆ ಮತ್ತು ಇನ್ನೊಬ್ಬರಿಗೆ ಸಹಾಯ ಮಾಡುವ ಮನೋಭಾವ ನೋಡಿ ಅವರನ್ನು ಇಷ್ಟ ಪಟ್ಟಿದ್ದಾಗಿ ಈ ಹಿಂದೆ ನೀಡಿದ್ದ ಸಂದರ್ಶನವೊಂದರಲ್ಲಿ ಅಶ್ವಿನಿ ಪುನೀತ್ ರಾಜ್​ಕುಮಾರ್ ಹೇಳಿದ್ದರು.

ಅಶ್ವಿನಿ ಮತ್ತು ಪುನೀತ್ ರಾಜ್​​ಕುಮಾರ್ ದಂಪತಿಗೆ ದ್ರಿತಿ ಮತ್ತು ವಂದಿತಾ ಎಂಬ ಇಬ್ಬರು ಹೆಣ್ಣು ಮಕ್ಕಳಿದ್ದಾರೆ. ಹಿರಿಯ ಪುತ್ರಿ ದ್ರಿತಿ ನ್ಯೂರ್ಯಾಕ್​ನಲ್ಲಿ ವಿದ್ಯಾಭ್ಯಾಸ ಮಾಡುತ್ತಿದ್ದರೆ, ಕಿರಿಯ ಪುತ್ರಿ ವಂದಿತಾ ಬೆಂಗಳೂರಿನಲ್ಲೇ ಓದುತ್ತಿದ್ದಾರೆ. ಪುನೀತ್ ನಿಧನದ ಬಳಿಕ ಮನೆ ಹಾಗೂ ಮಕ್ಕಳ ಸಂಪೂರ್ಣ ಜವಾಬ್ದಾರಿಯನ್ನು ಅಶ್ವಿನಿ ನಿಭಾಯಿಸುತ್ತಿದ್ದಾರೆ.

2021ರ ಅಕ್ಟೋಬರ್ 29 ರಂದು ಪುನೀತ್ ರಾಜ್ಕುಮಾರ್ ಹಠಾತ್ ಸಾವನ್ನಪ್ಪಿದರು. ಈ ಸುದ್ದಿ ಅಶ್ವಿನಿ ಬಾಳಲ್ಲಿ ದೊಡ್ಡ ಆಘಾತವಾಗಿತ್ತು, ವಿಧಿಯಾಟಕ್ಕೆ ಕೈಚೆಲ್ಲಿ ಕೂರದೇ ಅಶ್ವಿನಿ ಪುನೀತ್ ರಾಜ್​ಕುಮಾರ್, ಸಿನಿಮಾರಂಗದಲ್ಲೇ ಆ್ಯಕ್ಟೀವ್ ಆಗಿದ್ದಾರೆ. ಸೌಮ್ಯ ಸ್ವಭಾವದವರಾದ ಅಶ್ವಿನಿ ಪುನೀತ್ ರಾಜ್​ಕುಮಾರ್, ಪಾರ್ವತಮ್ಮ ರೀತಿ ಗಿಟ್ಟಿಗಿತ್ತಿಯಾಗಿದ್ದಾರೆ.

ಪುನೀತ್ ಕನಸಾಗಿದ್ದ ಗಂಧದ ಗುಡಿ ಸಾಕ್ಷ್ಯಚಿತ್ರವನ್ನು ಯಶಸ್ವಿಯಾಗಿ ಜನರ ಮುಂದೆ ತನ್ನ ಕೀರ್ತಿ ಅಶ್ವಿನಿ ಪುನೀತ್ ರಾಜ್​ಕುಮಾರ್ ಅವರಿಗೆ ಸಲ್ಲುತ್ತದೆ. PRK ಪ್ರೊಡೆಕ್ಷನ್ ಸಂಸ್ಥೆ ಮೂಲಕ ಅನೇಕ ಸಿನಿಮಾಗಳನ್ನು ಅಶ್ವಿನಿ ನಿರ್ಮಿಸಿದ್ದಾರೆ.