Ajay Rao Birthday: ಸ್ಯಾಂಡಲ್​ವುಡ್​ `ಕೃಷ್ಣ’ನಿಗೆ ಹುಟ್ಟುಹಬ್ಬದ ಸಂಭ್ರಮ.. 42ನೇ ವಸಂತಕ್ಕೆ ಕಾಲಿಟ್ಟ ಅಜಯ್​ ರಾವ್​!

ಸ್ಯಾಂಡಲ್​ವುಡ್​ನಲ್ಲಿ `ಕೃಷ್ಣ’ ಅಂತಲೇ ಫೇಮಸ್​ ಆಗಿರುವ ನಟ ಎಂದರೇ.. ಅದು ನಮ್ಮ ಅಜಯ್​ ರಾವ್ `ಕೃಷ್ಣ’ನ ಹೆಸರಿರುವ ಹೆಚ್ಚಿನ ಸಿನಿಮಾಗಳಲ್ಲಿ ನಟ ಅಜಯ್​ ರಾವ್​ ನಟಿಸಿದ್ದಾರೆ.ಇಂದು ಅಜಯ್​ ರಾವ್​ಗೆ ಹುಟ್ಟುಹಬ್ಬದ ಸಂಭ್ರಮ.

`ಎಕ್ಸ್​ಕ್ಯೂಸ್​ ಮಿ’ ಸಿನಿಮಾ ಮೂಲಕ ಅಜಯ್​ ರಾವ್​ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ಈ ಚಿತ್ರದಲ್ಲಿ ಅಜಯ್​ ರಾವ್, ರಮ್ಯಾ ಹಾಗೂ ಸುನೀಲ್ ರಾವ್​ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದರು.

ಅಜಯ್​ ರಾವ್​​ ಅವರ ಮೊದಲ ಚಿತ್ರ ಅಭೂತ ಪೂರ್ವವಾಗಿ ಯಶಸ್ವಿ ಕಂಡು ಇವರಿಗೆ ಒಳ್ಳೆ ಇಮೇಜ್ ತಂದುಕೊಡುವಲ್ಲಿ ಯಶಸ್ವಿಯಾಯಿತು. ನಂತರ 2008 ರಲ್ಲಿ ತೆರೆಕಂಡಿರುವ "ತಾಜ್ ಮಹಲ್" ಚಿತ್ರದಲ್ಲಿ ನಾಯಕರಾಗಿ ಕಾಣಿಸಿಕೊಳ್ಳವ ಮೂಲಕ ಕನ್ನಡ ಚಿತ್ರರಂಗದಲ್ಲಿ ಗುರುತಿಸಿಕೊಂಡರು.

"ಕೃಷ್ಣನ್ ಲವ್ ಸ್ಟೋರಿ, ಕೃಷ್ಣ ಮ್ಯಾರೇಜ್ ಲವ್ ಸ್ಟೋರಿ, ಕೃಷ್ಣ ಲೀಲಾ, ಸೇರಿದಂತೆ ಇನ್ನು ಹಲವು ಚಿತ್ರಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ.

ಕೇವಲ ನಟನೆ ಮಾಡುವುದಲ್ಲದೆ ಕೆಲ ಚಿತ್ರಗಳಿಗೆ ನಿರ್ಮಾಪಕರಾಗಿಯೂ ಕನ್ನಡ ಚಿತ್ರಗದಲ್ಲಿ ಕಾರ್ಯನಿರ್ವಹಿಸಿದ್ದಾರೆ. ಇತ್ತೀಚೆಗೆ ಇವರ ಅಭಿನಯದ ಸಿನಿಮಾ ಲವ್​ ಯೂ ರಚ್ಚು ತೆರೆ ಕಂಡಿತ್ತು.

ಸ್ಯಾಂಡಲ್​ವುಡ್​ ನಟ ಅಜಯ್​ ರಾವ್​ (Krishna Ajay Rao) ಅವರು ಪಕ್ಕಾ ಫ್ಯಾಮಿಲಿ ಮ್ಯಾನ್​. ಸಿನಿಮಾ ಕೆಲಸಗಳ ಬಿಡುವಿನಲ್ಲಿ ಅವರು ಕುಟುಂಬದವರ ಜೊತೆಗೆ ಕಾಲ ಕಳೆಯುತ್ತಾರೆ. ಮುದ್ದು ಮಗಳಾದ ಚೆರ್ರಿ (ಚರೀಷ್ಮಾ) ಜೊತೆ ಎಂಜಾಯ್​ ಮಾಡುತ್ತಿರುವ ವಿಡಿಯೋ ವೈರಲ್​ ಆಗಿತ್ತು.

ಲವ್ ಯು ರಚ್ಚು ಸಿನಿಮಾ ನಂತರ ನಟ ಅಜಯ್ ರಾವ್ ತಮ್ಮ ಮುಂದಿನ ಪ್ರಾಜೆಕ್ಟ್ ಬಗ್ಗೆ ಮಾಹಿತಿ ನೀಡಿದ್ದಾರೆ. ಶ್ರಾವಣಿ ಸುಬ್ರಮಣ್ಯ ಸಿನಿಮಾ ನಿರ್ದೇಶಕ ಮಂಜು ಸ್ವರಾಜ್ ಡೈರೆಕ್ಷನ್ ನ ಮುಂದಿನ ಸಿನಿಮಾದಲ್ಲಿ ಅಜಯ್ ರಾವ್ ನಟಿಸುತ್ತಿದ್ದಾರೆ.