Mohanlal Birthday: ಮೋಹನ್​ಲಾಲ್ ಬೆಸ್ಟ್ ಮೂವೀಸ್ ಇವು! ನೀವು ನೋಡಿದ್ದೀರಾ?

ಮಾಲಿವುಡ್ ನಟ ಲಾಲೆಟ್ಟನ್ ಇಂದು 63ನೇ ಬರ್ತ್​ಡೇ ಆಚರಿಸುತ್ತಿದ್ದಾರೆ. ನಟ 1960ರಲ್ಲಿ ಮೇ 21ರಂದು ಜನಿಸಿದರು. ಕೇರಳದ ಪತ್ತನಂತಿಟ್ಟ ಜಿಲ್ಲೆಯಲ್ಲಿ ಜನಿಸಿದ್ದರು ನಟ. ಮೋಹನ್​ಲಾಲ್ ತಮ್ಮ ಸಿನಿಮಾಗಳ ಮೂಲಕ ಬಹಳಷ್ಟು ಜನರ ಮನಸು ಗೆದ್ದಿದ್ದಾರೆ.

ಮೋಹನ್​ನಾಲ್ ಅವರು 42 ವರ್ಷದ ಹಿಂದೆ ಖಳನಾಯಕನ ಪಾತ್ರದಲ್ಲಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟರು. 1987ರಲ್ಲಿ ಮೋಹನ್​ಲಾಲ್ ಮೊದಲ ಸಿನಿಮಾ ಮಾಡಿದರು. 1980ರಲ್ಲಿ ಮಂಜಿಲ್ ವಿರಿಂಜ ಪೂಕ್ಕಳ್ ಸಿನಿಮಾ ಮಾಡುವ ಮೂಲಕ ಅವರ ಮಲಯಾಳ ಪ್ರೇಕ್ಷಕರ ಮನಸು ಗೆದ್ದರು.

ಈ ಸಿನಿಮಾವನ್ನು ಫಾಸಿಲ್ ನಿರ್ದೇಶಿಸಿದ್ದರು. ಇದರಲ್ಲಿ ಮೋಹನ್​ಲಾಲ್ ಪಾತ್ರಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಯಿತು. ಈ ಸಿನಿಮಾ ಮೂಲಕ ನಟನಿಗೆ ಅದೃಷ್ಟದ ಬಾಗಿಲು ತೆರೆಯಿತು ಎಂದೇ ಹೇಳಬಹುದು.

ನಟ ಸಿನಿಮಾಗಳಲ್ಲಿ ವಿಲನ್ ಆಗಿ ಫೇಮಸ್ ಆಗಿ ನಂತರ ನಟನಿಗೆ ಹೀರೋ ಆಗಿಯೂ ಅವಕಾಶಗಳು ಸಿಕ್ಕವು. ತಂಬಿ ಕಣ್ಣಂತನಂ ನಿರ್ದೇಶನದ ರಾಜಾವಿಂಡೆ ಮಗನ್(1986) ಸಿನಿಮಾ ಮೋಹನ್​ಲಾಲ್ ಅವರಿಗೆ ಸ್ಟಾರ್​ಡಮ್ ತಂದುಕೊಟ್ಟಿತು.

ನಟ ಬೇರೆ ಬೇರೆ ಭಾಷೆಗಳಲ್ಲಿ 350ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದರು. ಮಲಯಾಳಂ, ತಮಿಳು, ತೆಲುಗು, ಹಿಂದಿ ಸಿನಿಮಾಗಳನ್ನು ನಟಿಸಿ ವಿಶ್ವಾದ್ಯಂತ ಅಭಿಮಾನಿಗಳನ್ನು ಗಳಿಸಿದ್ದಾರೆ. ನಟನಿಗೆ ಕಂಪ್ಲೀಟ್ ಆ್ಯಕ್ಟರ್ ಎನ್ನುವ ಬಿರುದು ನೀಡಲಾಗಿದೆ.

ನಟ ಸಿನಿಮಾಗೆ ನೀಡುವ ಶ್ರದ್ಧೆ ಅವರನ್ನು ಪರಿಪೂರ್ಣ ನಟನಾಗಿ ಬೆಳೆಸಿದ್ದಷ್ಟೇ ಅಲ್ಲದೆ ಅವರು ಮಾಡಿದ ಪ್ರತಿ ಪಾತ್ರದ ಮೂಲಕವೂ ಪ್ರೇಕ್ಷಕರ ಮನಸು ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ.

ಮೋಹನ್​ಲಾಲ್ ನಟಿಸಿರುವ 350ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನೀವು ಮಿಸ್ ಮಾಡದೆ ನೋಡಬೇಕಾದ ಬೆಸ್ಟ್ ಸಿನಿಮಾಗಳಿವು. ಕಿರೀಡಂ(1989), ತೂವನತುಂಬಿಗಳ್(1989), ಸ್ಫಡಿಕಂ(2005), ರಾಜಾವಿಂಡೆ ಮಗನ್(1986), ದಶರಥಂ(1989), ಬೋಯಿಂಗ್ ಬೋಯಿಂಗ್ (1985), ದೇವಾಸುರಂ(1993), ಕಿಲುಕ್ಕಮ್(1991), ಭಾರತಂ (1991).

ನಟ 2002ರಲ್ಲಿ ರಾಮ್ ಗೋಪಾಲ್ ವರ್ಮಾ ಅವರ ಕಂಪೆನಿ ಸಿನಿಮಾ ಮೂಲಕ ಬಾಲಿವುಡ್​ಗೆ ಎಂಟ್ರಿ ಕೊಟ್ಟರು. 2007ರಲ್ಲಿ ಆಗ್ ಸಿನಿಮಾದಲ್ಲಿ ನಟಿಸಿದರು. 2012ರ ತೀಜ್​ನಲ್ಲಿಯೂ ನಟಿಸಿದರು. ತೆಲುಗಿನಲ್ಲಿ ಮನಮಂದ, ಜನತಾ ಗ್ಯಾರೇಜ್​ನಲ್ಲಿಯೂ ನಟಿಸಿದರು.