HBD Anushka Shetty: ಸಿನಿಮಾಗಾಗಿ ಹೆಚ್ಚಿಸಿಕೊಂಡಿದ್ದ 20 ಕೆಜಿ ತೂಕ ಇಳಿಸಿಕೊಳ್ಳಲು ಪರದಾಡಿದ್ದ ಅನುಷ್ಕಾ ಶೆಟ್ಟಿ..!

ತಮ್ಮ ಅಭಿನಯದ ಮೂಲಕವೇ ಭಾರತೀಯ ಸಿನಿ ರಂಗದಲ್ಲಿ ಗುರುತಿಸಿಕೊಂಡಿರುವ ನಟಿ ಅನುಷ್ಕಾ ಶೆಟ್ಟಿ. ಬಾಹುಬಲಿ ಸಿನಿಮಾದಲ್ಲಿ ದೇವಸೇನಾ ಪಾತ್ರದಲ್ಲಿ ನಟಿಸುವ ಮೂಲಕ ಪ್ಯಾನ್​ ಇಂಡಿಯಾ ಮಟ್ಟದಲ್ಲಿ ಖ್ಯಾತಿ ಪಡೆದ ನಟಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. 1981 ನ. 7ರಂದು ಹುಟ್ಟಿರುವ ಅನುಷ್ಕಾ ತಮ್ಮ 39ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ.

ಅನುಷ್ಕಾ ಶೆಟ್ಟಿ ತಮ್ಮ ಸಿನಿಮಾವೊಂದಕ್ಕಾಗಿ ಬರೋಬ್ಬರಿ 20 ಕೆಜಿ ತೂಕ ಹೆಚ್ಚಿಸಿಕೊಂಡಿದ್ದರು.

ಹೌದು,  2015ರಲ್ಲಿ ಪ್ರಕಾಶ್​ ಕೋವೆಲಮುಡಿ ಅವರ ನಿರ್ದೇಶನದ ಸೈಜ್​ ಝೀರೋ ಸಿನಿಮಾದಲ್ಲಿ ಅನುಷ್ಕಾ ಶರ್ಮಾ ಸ್ಥೂಲಕಾಯಿ ನಟಿಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾದಲ್ಲಿ ತಮಿಳು ನಟ ಆರ್ಯ ನಾಯಕನಾಗಿದ್ದಾರೆ.

ಈ ಸಿನಿಮಾ  ನಂತರ ಅನುಷ್ಕಾ ಶೆಟ್ಟಿ ಹೆಚ್ಚಿಸಿಕೊಂಡಿದ್ದ ತೂಕ ಇಳಿಸಿಕೊಳ್ಳಲು ತುಂಬಾ ಪರದಾಡಬೇಕಾಯಿತು.

ದೇಹದ ತೂಕ ಇಳಿಸಿಕೊಳ್ಳದ ಕಾರಣಕ್ಕೆ ಅನುಷ್ಕಾರಿಗೆ ಹಲವಾರು ಸಿನಿಮಾಗಳ ಅವಕಾಶಗಳು ಕೈ ತಪ್ಪಿದ್ದವು.

ಅನುಷ್ಕಾ 2005ರಲ್ಲಿ ಪೂರಿ ಜಗನ್ನಾಥ್​ ಅವರ ಸೂಪರ್​ ಸಿನಿಮಾದ ಮೂಲಕ ಸಿನಿ ರಂಗಕ್ಕೆ ಕಾಲಿಟ್ಟರು. ಈ ಸಿನಿಮಾದಲ್ಲಿ ಸೋನು ಸೂದ್​ ಹಾಗೂ ನಾಗಾರ್ಜುನ ನಟಿಸಿದ್ದಾರೆ. ನಾಯಕಿಯಾಗಿ ಆಯಿಷಾ ಟಾಕಿಯಾ ಅಭಿನಯಿಸಿದ್ದಾರೆ.

ಅನುಷ್ಕಾ ವಿದೇಶಕ್ಕೆ ಹೋಗಿ ದೇಹದ ತೂಕ ಇಳಿಸಿಕೊಂಡ ನಂತರ ಅವರಿಗೆ ನಿಶ್ಯಬ್ಧಂ ಸಿನಿಮಾದ ಆಫರ್​ ಸಿಕ್ಕಿತ್ತು. ಅದು ಒಟಿಟಿ ಮೂಲಕ ರಿಲೀಸ್​ ಸಹ ಆಗಿದೆ. ಅನುಷ್ಕಾ ಈಗಲೂ ಸಹ ಒಂದು ಸಿನಿಮಾಗೆ 4 ಕೋಟಿ ಸಂಭಾವನೆ ಪಡೆಯುತ್ತಾರಂತೆ.