Hansika Motwani: ವರನ ಮನೆಯವರು ಲೇಟಾಗಿ ಬಂದಿದ್ದಕ್ಕೆ 5 ಲಕ್ಷ ವಸೂಲಿ! ನಟಿ ಹನ್ಸಿಕಾ ತಾಯಿ ಮಾಡಿದ್ದೇನು?

ನಟಿ ಹನ್ಸಿಕಾ ಮೊಟ್ವಾನಿ ಅವರು ಮದುವೆ ವಿಚಾರವಾಗಿ ಸಾಕಷ್ಟು ಟ್ರೋಲ್ ಆಗಿದ್ದಾರೆ. ಉದ್ಯಮಿ ಸೊಹೈಲ್ ಕಥುರಿಯಾ ಅವರನ್ನು ಹನ್ಸಿಕಾ ಮದುವೆಯಾಗಿದ್ದಾರೆ.

ನಟಿ ತಮ್ಮ ಮದುವೆ ಬಗ್ಗೆ ಲವ್ ಶಾದಿ ಡ್ರಾಮಾ ಎನ್ನುವ ಒಂದು ವೆಬ್ ಸಿರೀಸ್ ಕೂಡಾ ಮಾಡಿದ್ದಾರೆ. ತಮ್ಮ ಮದುವೆ ಮುನ್ನ ನಡೆದಿದ್ದೇನು? ಅಸಲಿಗೆ ಆಗಿರೋ ಸಂಗತಿ ಏನೆಂದು ತಮ್ಮ ನಿಜವಾದ ಅಭಿಮಾನಿಗಳಿಗೆ ತಿಳಿಸುವ ಸಲುವಾಗಿ ಇದನ್ನು ಮಾಡಿದ್ದಾರೆ.

ಇದರ ಇತ್ತೀಚಿನ ಎಪಿಸೋಡ್ ಒಂದು ವಿಶೇಷತೆಯನ್ನು ಹೊಂದಿತ್ತು. ಹನ್ಸಿಕಾ ಅವರ ತಾಯಿ ಮೋನಾ ಮೊಟ್ವಾನಿ ಸೊಹೈಲ್ ಅವರ ಕುಟುಂಬ ಮದುವೆ ಮನೆಗೆ ಲೇಟಾಗಿ ಬಂದಿದ್ದಕ್ಕೆ ಗರಂ ಆಗಿದ್ದಾರೆ.

ವಿವಾಹದ ಶಾಸ್ತ್ರಗಳಿಗೆ ವರನ ಕಡೆಯವರು ಲೇಟಾಗಿ ಬಂದಿದ್ದಕ್ಕೆ ಹನ್ಸಿಕಾ ಅವರ ತಾಯಿ ಸಿಟ್ಟಾಗಿದ್ದರು. ಹನ್ಸಿಕಾ ಮದುವೆ ವೆಬ್ ಸಿರೀಸ್ ಡಿಸ್ನಿ ಪ್ಲಸ್ ಹಾಟ್​ಸ್ಟಾರ್​ನಲ್ಲಿ ರಿಲೀಸ್ ಆಗಿದೆ.

ವರನ ಕಡೆಯವರು ಲೇಟಾಗಿ ಬಂದಾಗ ಹನ್ಸಿಕಾ ತಾಯಿ ಒಂದು ಅನೌನ್ಸ್​ಮೆಂಟ್ ಮಾಡುತ್ತಾರೆ. ಮೊಟ್ವಾನಿ ಫ್ಯಾಮಿಲಿ ಸರಿಯಾದ ಸಮಯಕ್ಕೆ ಬಂದಿದ್ದಾರೆ. ಆದರೆ ಕಥುರಿಯಾ ಫ್ಯಾಮಿಲಿ ಲೇಟಾಗಿದೆ. ನೀವು ಇಂದೂ ಲೇಟಾಗಿ ಬಂದರೆ ಪ್ರತಿ ನಿಮಿಷಕ್ಕೆ 5 ಲಕ್ಷ ಪಾವತಿಸಬೇಕಾಗುತ್ತದೆ ಎಂದಿದ್ದಾರೆ.

ಮುಹೂರ್ತ ಇರುವುದು 4:30ರಿಂದ 6 ಗಂಟೆ. ಹಾಗಾಗಿ ನೀವು ಸ್ವಲ್ಪ ಬೇಗ ಬರಬೇಕಾಗಿ ನಾನು ಕೇಳಿಕೊಳ್ಳುತ್ತೇನೆ ಎಂದಿದ್ದಾರೆ ಹನ್ಸಿಕಾ ತಾಯಿ.

ಹನ್ಸಿಕಾ ಪತಿ ಸೊಹೈಲ್ ಅವರಿಗೆ ಇದು ಎರಡನೇ ವಿವಾಹ. ಅವರ ಮೊದಲನೇ ಪತ್ನಿ ಹನ್ಸಿಕಾ ಅವರ ಗೆಳತಿ ಎನ್ನಲಾಗಿದೆ.