Hansika Motwani: ಸಿಂಬು ಜೊತೆ ಲವ್! ನಾನು ಸಿಕ್ಕಾಪಟ್ಟೆ ರೊಮ್ಯಾಂಟಿಕ್ ಹುಡುಗಿ ಎಂದ ಹನ್ಸಿಕಾ

ಹನ್ಸಿಕಾ ತನ್ನ ಚೆಲುವಿನಿಂದ ಯುವ ಪ್ರೇಕ್ಷಕರನ್ನು ಮೋಡಿ ಮಾಡಿದ್ದಾರೆ. ಹನ್ಸಿಕಾ ತನ್ನ ಸೌಂದರ್ಯದಿಂದ ಸೌತ್ ಇಂಡಸ್ಟ್ರಿ ಮಾತ್ರವಲ್ಲದೆ ಬಾಲಿವುಡ್​ನಲ್ಲಿಯೂ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ.

ಸ್ಟಾರ್ ಸ್ಥಾನಮಾನ ಸಿಗದಿದ್ದರೂ ಜನಮನದಲ್ಲಿ ಸ್ಥಾನ ಗಳಿಸಿದ್ದಾರೆ. ನಟಿ ಇತ್ತೀಚೆಗಷ್ಟೇ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಈ ಸಂದರ್ಭ ತಮ್ಮ ವಿವಾಹದ ಬಗ್ಗೆ ಹಲವು ವಿಚಾರ ರಿವೀಲ್ ಮಾಡಿದ್ದಾರೆ.

ಸದ್ಯ ವೈವಾಹಿಕ ಜೀವನವನ್ನು ಎಂಜಾಯ್ ಮಾಡುತ್ತಿರುವ ಈ ಬ್ಯೂಟಿ ಇತ್ತೀಚೆಗಷ್ಟೇ ಹೀರೋ ಸಿಂಬು ಹಾಗೂ ಸೊಹೈಲ್ ಖತುರಿಯಾ ಮದುವೆ ಡೇಟಿಂಗ್ ವಿಚಾರಗಳ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. ತಮ್ಮ ಜೀವನದ ಗುಟ್ಟುಗಳನ್ನು ಬಿಚ್ಚಿಟ್ಟ ಹನ್ಸಿಕಾ ಕುತೂಹಲಕಾರಿ ವಿಷಯಗಳನ್ನು ಹಂಚಿಕೊಂಡಿದ್ದಾರೆ.

ನನ್ನ ಕೊನೆಯ ಸಂಬಂಧ ಬಹಳ ವಿಚಿತ್ರವಾಗಿತ್ತು. ಆದರೆ ಅದು ಈಗ ಕಥೆಯ ಅಂತ್ಯವಾಗಿದೆ. ಬ್ರೇಕಪ್ ಆದ ನಂತರ ಮತ್ತೆ ಲವ್​ಗೆ ಯಸ್ ಹೇಳಲು 8 ವರ್ಷ ಬೇಕಾಯಿತು ಎಂದ ಹನ್ಸಿಕಾ ದೇವರು ಒಳ್ಳೆಯ ದಾರಿ ತೋರಿಸಿದ್ದಾನೆ ಎಂದಿದ್ದಾರೆ.

ನಾನೊಬ್ಬ ರೊಮ್ಯಾಂಟಿಕ್ ವ್ಯಕ್ತಿ ಎಂದ ಹನ್ಸಿಕಾ ಪ್ರೀತಿ, ಮದುವೆಯಲ್ಲಿ ನನಗೆ ನಂಬಿಕೆ ಇದೆ ಎಂದಿದ್ದಾರೆ. ಸೊಹೈಲ್ ನನ್ನ ಜೀವನದಲ್ಲಿ ಬಂದ ನಂತರ ನನಗೆ ಪ್ರೀತಿಯಲ್ಲಿ ನಂಬಿಕೆ ಹೆಚ್ಚಿದೆ ಎಂದು ಹನ್ಸಿಕಾ ಹೇಳಿದ್ದಾರೆ. ಈಗ ಹೊಸ ಪಯಣ ಆರಂಭಿಸಿದ್ದೇನೆ ಎನ್ನುತ್ತಾರೆ ಹನ್ಸಿಕಾ.

ಮತ್ತೊಂದೆಡೆ ಸಿಂಬು ಕೂಡ ಇತ್ತೀಚೆಗೆ ಹನ್ಸಿಕಾ ಜೊತೆಗಿನ ಪ್ರೀತಿ ಮತ್ತು ಬ್ರೇಕಪ್ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ. ಅವರ ಪ್ರೀತಿ, ಬ್ರೇಕಪ್ ಹಿಂದೆ ಹಲವು ಕಾರಣಗಳಿದ್ದರೂ ಸರಿಯಾದ ತಿಳುವಳಿಕೆ ಇಲ್ಲದಿರುವುದು ಹಾಗೂ ಪ್ರೇಮ ಪ್ರಕರಣಗಳಲ್ಲಿ ಸರಿಯಾದ ನಿರ್ಧಾರ ಕೈಗೊಳ್ಳಲು ಸಾಧ್ಯವಾಗದೇ ಇರುವುದರಿಂದ ತಪ್ಪುಗಳು ಸಂಭವಿಸುತ್ತವೆ ಎಂದಿದ್ದಾರೆ. ಹಾಗಾಗಿಯೇ ನಯನತಾರಾ ಮತ್ತು ಹನ್ಸಿಕಾ ಜೊತೆ ಸಂಬಂಧ ಮುಂದುವರಿಸಲು ಸಾಧ್ಯವಾಗಲಿಲ್ಲ ಎನ್ನುತ್ತಾರೆ ಸಿಂಬು.

'ಲವ್ ಶಾದಿ ಡ್ರಾಮಾ' ಶೀರ್ಷಿಕೆಯ ಹನ್ಸಿಕಾ-ಸೊಹೈಲ್ ಖತುರಿಯಾ ಮದುವೆಯ ವೀಡಿಯೊ ಡಿಸ್ನಿ+ಹಾಟ್‌ಸ್ಟಾರ್‌ನಲ್ಲಿ ಸ್ಟ್ರೀಮ್ ಆಗುತ್ತಿದೆ. ಈ ವಿಡಿಯೋದಲ್ಲಿ ಹನ್ಸಿಕಾ ತಮ್ಮ ಮದುವೆಯ ಬಗ್ಗೆ ಹಲವು ಕುತೂಹಲಕಾರಿ ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ.

ನಟಿ ತನ್ನ ಗೆಳೆತಿಯ ಪತಿಯನ್ನೇ ಮದುವೆಯಾಗಿದ್ದಕ್ಕೆ ಟ್ರೋಲ್ ಆಗಿದ್ದರು. ಗೆಳೆತಿಯ ದಾಂಪತ್ಯ ಜೀವನ ಹಾಳು ಮಾಡಿ ಮದುವೆಯಾಗಿದ್ದಾಗಿ ಟ್ರೋಲ್ ಮಾಡಲಾಗಿತ್ತು.